Ómarktæk skoðanakönnun fyrir landsfund

Á morgun verður birt skoðanakönnun aðildarsinna þar sem Capacent Gallup hefur selt trúverðugleika sinn og hannað niðurstöður fyrir aðildarsinna. Spurning Capacent Gallup er þessi:

 

Hvort vilt þú slíta aðildarviðræðum við ESB eða ljúka aðildarviðræðum og fá að kjósa um samning í þjóðaratkvæðagreiðslu?

1  Slíta aðildarviðræðum

2 Ljúka aðildarviðræðum við ESB og fá að kjósa um samninginn í þjóðaratkvæðagreiðslu.

3 Vil ekki svara

4 Veit ekki

Framsetningin á spurningunni þverbrýtur meginreglur skoðanakannana. Viðskeytið ,,fá að kjósa um samninginn í þjóðaratkvæðagreiðslu" við einn svarmöguleikann skekkir niðurstöðuna. Þeir sem vilja slíta aðildarviðræðum þurfa að vera á móti þjóðaratkvæðagreiðslum - en það er óvart tveir aðskildir hlutir.

Skoðanakönnunin verður kynnt á landsfundi Sjálfstæðisflokksins og til þess gerða að hafa áhrif á landsfundarfulltrúa.

Líklega verður næsta skoðanakönnun aðildarsinna á þessa leið: viltu fá samning við Evrópusambandið og betra veðurfar?

 

Athugasemdir

[Guðmundur 2. Gunnarsson (IP-tala skráð) 16.11.2011 kl. 15:13]

Það er niðurstaða nákvæmlega jafn heimskrar könnunar sem Össur, Jóhanna og blogglúðrasveit einangrunarsinna þykjast getað mælt meirihluta þjóðarinnar sem vilja ljúka aðlögunarferlinu með óbindandi þjóðaratkvæðagreiðslu. 

Það er ekki neinn vafi á að ef rétt og eðlilega hefði verið spurt, þá yrði niðurstaða spurningar um hvort ætti að stöðva aðlögunarferlið á þessum tímapunkti og taka þær upp ef þjóðinn samþykkti það í BINDANDI ÞJÓÐARATKVÆÐAGREIÐSLU ef Evrópusambandið verður til..???, 

Eitthvað sem Samfylkingin hindraði að yrði gert á sínum tíma, sem og að endaleg ákvörðun um inngöngu yrði tekin af þjóðinni í BINDANDI ÞJÓÐARATKVÆÐAGREIÐSLU. 

Auðvitað vissi Samfylkingin eins og allir aðrir að engin vegur væri að þeim tækist að framselja fullveldið ef að þjóðin fengi að ráða.

Verður ekki næsta spurning þessara snillinga hvort að þú viljir góðan samning við Evrópusambandið ef Samfylkingin ákveður að farið verður inn..???

.

[Jón Steinar Ragnarsson, 16.11.2011 kl. 16:08]

Viltu viltu draga aðildarumsók að ESB til baka?

Já

eða 

Nei

Þarf þetta að vera flóknara?

[Gunnlaugur I., 16.11.2011 kl. 16:33]

Sammála ykkur.

Þarna hefur fyrirtæki eins og Capacent Gallup sem vill láta taka sig alvarlega fyrir fagmennsku látið draga sig út í þvílíka vitleysu að allur trúverðugleiki þessa fyrirtækis er farinn. Horfinn.

Nákvæmlega eins og Jón Steinar spurði hér að ofan svona hefði spurningin þurft að hljóða.

Eða:

1. Villtu draga ESB aðildarumsókn til baka nú þegar og láta síðan kjósa um það meðal þjóðarinnar í framhaldinu ?

Eða:

2. Villtu halda áfram aðildarumsókn að ESB og láta síðan kjósa um það þegar og ef niðurstaða fæst ?

Þessir orðaleppar sem notaðir eru til þess að fá fólk til þess að vilja halda áfram með þessa umsókn af því að þeir eru auðvitað hlynntir því að þjóðin fái að hafa síðasta orðið eru hreint með ólíkindum og þessi könnun er ómarktæk með öllu !

Svei Capacent Gallup að hafa látið draga sig út í svona ómerkilegan og leiðandi áróður !

[Jónas (IP-tala skráð) 16.11.2011 kl. 16:50]

Gallup hefur nú aldrei verið vandað að meðulum sínum.

[Sigríður Jósefsdóttir, 16.11.2011 kl. 22:41]

Það á að kjósa núna um hvort fólk vill halda áfram aðlögun (þetta sem heitir samningaviðræður hjá Samfylkingunni). Það vita allir sem á annað borð vilja vita hvað er í pakkanum, þ.e. við verðum að undirgangast allar kröfur ESB ef við ætlum þangað inn. Annað er einfaldlega ekki í boði.

[Egill (IP-tala skráð) 16.11.2011 kl. 23:57]

Viltu viltu draga aðildarumsók að ESB til baka?

Já

eða 

Nei

Er heimskuleg framsetning. Þetta snýr nefnilega valkostunum við. Það að segja "Já" í þessu tilviki þýðir í raun nei við ESB. Það er andstætt við það sem er venjulega spurt.

Rétt væri:

Á að halda aðildarviðræðum við ESB áfram?

Já

eða 

Nei

 Sama á við um skoðanakönnun Andríki. Þar ætti "Mjög fylgjandi" eða "Nokkur fylgjandi"að þýða að maður sé fylgjandi því að halda áfram aðildarviðræðum eða að ganga í ESB. Með því að snúa þessu við fæst skekkt niðurstaða því í venjulegu máli þýðir fylgjandi að þú ert fylgjandi því að ganga í ESB.

[Guðmundur 2. Gunnarsson (IP-tala skráð) 17.11.2011 kl. 00:44]

Sýnist Andríkismenn hafa einir getað komið frá sér spurningar og um leið könnun sem eitthvað mark er á takandi.

Fáránleikinn sem Capasent/Gallup lætur kaupa sig út í af ESB - einangrunarsinnum sér hver þokkalega skynsamur skólakrakki í gegnum.

-------------------

Miðvikudagur 16. nóvember 201

Vefþjóðviljinn 320. tbl. 15. árg.

MMR hefur að beiðni Andríkis kannað viðhorf manna til aðildarviðræðna íslenskra stjórnvalda við Evrópusambandið.

Spurt var:

Hversu fylgjandi eða andvíg(ur) ertu því að íslensk stjórnvöld dragi umsókn um aðild að Evrópusambandinu til baka?

Niðurstöðurnar eru afdráttarlausar. Minnihluti, 35,3%, vill halda umsókninni til streitu en 50,5% vilja draga umsóknina til baka.

Könnun MMR fyrir Andríki var gerð 10. til 14. nóvember 2011. Svarendur voru 879. Könnunina í heild sinni má finna hér.

Vert er að vekja athygli á því að hér er spurt með einföldum og skýrum hætti um málið. Fréttablaðið hefur stundum spurt um þetta sama mál en jafnan hrært þjóðaratkvæðagreiðslu saman við annan svarmöguleikann til að gera hann girnilegri.

Nú berast einnig tíðindi af því að Capacent Gallup hafi látið sig hafa sig út í að spyrja með sama hætti og Fréttablaðið. Þar mun spurt á eftirfarandi hátt:

Hvort vilt þú slíta aðildarviðræðum við ESB eða ljúka aðildarviðræðum og fá að kjósa um samning í þjóðaratkvæðagreiðslu?

1.         Slíta aðildarviðræðum.

2.         Ljúka aðildarviðræðum við ESB og fá að kjósa um samninginn í þjóðaratkvæðagreiðslu.

3.         Vil ekki svara.

4.         Veit ekki.

Hér er svarendum gert að hafna þjóðaratkvæðagreiðslu vilji þeir slíta viðræðum. Er það sanngjarnt? Hvað ætli kæmi út úr könnun þar sem gefnir væru eftirtaldir kostir?

1. Slíta aðildarviðræðum og ganga til þjóðaratkvæðis um framhaldið.

2. Ljúka aðildarviðræðum við ESB.

.

[Jón Valur Jensson, 17.11.2011 kl. 06:36]

Glöggur Guðmundur (og Páll o.fl. hér, hef ekki tíma til að lesa allt vel).

Þessu má þó bæta við:

Fjöldi þeirra, sem eru mjög fylgjandi því að draga umsóknina til baka (38,8%), er margfalt meiri (3,2 x meiri) en hinna, sem eru "frekar fylgjandi" því (11,7%).

En fjöldi þeirra, sem eru mjög andvígir því að draga umsóknina til baka (23,8%), er hins vegar einungis 2,1 x meiri en hinna, sem eru "frekar fylgjandi" því (11,5%).

Þetta sýnir, að meðalstyrkurinn í stuðningi við að draga umsókn Össurargengisins til baka er miklum mun meiri en styrkur andstöðunnar (innlimunarsinnanna og nytsömu sakleysingjanna sem fylgja þeim að málum).