Samfó-plott Þorsteins Páls fyrir Hönnu Birnu

Samfylkingin í samstarfi við samfylkingardeildina í Sjálfstæðisflokknum, sem Þorsteinn Pálsson er talsmaður fyrir, vinnur að því hörðum höndum að skipta um formann í Sjálfstæðisflokknum. Markmiðið er að fella Bjarna Benediksson úr formannsstól og leiða til öndvegis Hönnu Birnu Kristjánsdóttur. Ríkisstjórn Samfylkingar og Sjálfstæðisflokks er rökrétt niðurstaða í framhaldinu.

Hanna Birna sækir stuðning í samfylkingardeild Sjálfstæðisflokksins, til manna eins og Þórs Sigfússonar, Guðlaugs Þór Þórðarsonar, Benedikts Jóhannessonar og Ólafs Stephensen. 

Þorsteinn Pálsson mætti í Silfur-Egils í gær til að skensa Samfylkinguna fyrir undanlátssemi við Vinstri græna. Óðara risu upp samfylkingarmenn sem kröfðust stjórnarslita. Aðrir samfylkingarmenn bera lof á Hönnu Birnu og óska sér formennsku hennar.

Á meðan samfylkingardeild Sjálfstæðisflokksins í samvinnu við Samfylkinguna gerir Hönnu Birnu að formannsefni sínu þegir formannskadítatinn sem fastast. Með þögninni jánkar Hanna Birna þeim forsendum sem framboð hennar er byggt á. 

Athugasemdir

[Egill Helgason (IP-tala skráð) 17.10.2011 kl. 12:34]

Sæll, Þorsteinn sagði í viðtalinu að hann teldi mjög ólíklegt að Hanna Birna byði sig fram. Mbk Egill

[Axel Jóhann Hallgrímsson, 17.10.2011 kl. 12:41]

Egill, skamm, skamm!  Það er ljótt að skemma samsæriskenningar síðuhafa.

[Guðmundur 2. Gunnarsson (IP-tala skráð) 17.10.2011 kl. 13:13]

Fer það nokkuð á milli mála á meðan Hanna Birna tjáir sig ekki neitt fyrr en hún er tilbúin.  Hún hefur staðið fyrir könnun um stöðu sína hvað framboðið varðar að hún vill auðvitað halda spennunni allt fram að því augnabliki að hún tilkynnir framboð sitt...??

Hvað Baugshúskarlinn Þorsteinn "heldur" opinberlega skiptir varla nokkru máli nema fyrir þá Samfylkingarliða allra flokka sem taka mark á honum. 

.

[Elín Sigurðardóttir (IP-tala skráð) 17.10.2011 kl. 13:50]

Smáfuglarnir á amx og Össur eru óhuggandi yfir árásinni á Pál Magnússon. Saman munu þeir flögra á vit Evrópu lausir við spillingu og böl gamla Íslands.

http://www.visir.is/pall-ihugar-formannsframbod-i-framsokn/article/2008166518420