ESB-rústirnar og Samfylkingin

Norman Tebbit hæðist að fyrrum breskum aðildarsinnumsem núna þykjast andsnúnir samrunaferli Evrópusambandsins og vilja semja um endurheimtur valdheimilda frá Brussel. Tebbit spyr hvernig Bretland getur bjargað sér úr rústum Evrópusambandsins.

Pistill Tebbit er hluti af óvægu uppgjöri í breskum stjórnmálum milli þeirra sem andvígir voru Evrópuleiðangri breskra ríkisstjórna frá áttunda áratugnum og hinna sem töldu Evrópusambandið lausn á aldalangri valdastreitu á meginlandinu og vísa veginn um framtíðarsamstarf Evrópuþjóða.

Bretar eru ekki einir um endurskoðun á ESB. Evran er tifandi tímasprengja Evrópusambandsins, segir Der Spiegel áhrifamesta tímarit álfunnar. Til skamms tíma var  tímaritið sannfært málgagn ESB-sinna.

Þegar eldar loga í Brussel og háborg ESB riðar til falls stendur á tröppunni síkátur utanríkisráðherra Íslands með aðildarumsókn Samfylkingar í höndunum og beiðist inngöngu án skilyrða. Umsóknarbröltið líkist æ meir farsa.