Guðlaugur Þór, Hanna Birna og samfylkingardeildin

Samfylkingin leitar logandi ljósi að samherjum í Sjálfstæðisflokknum. Án stjórnmálasambands við forystu Sjálfstæðisflokksins eru Samfylkingunni allar bjargir bannaðar eftir næstu kosningar. Guðlaugur Þór Þórðarson þingmaður Sjálfstæðisflokksins kætti samfylkingarfólk með því að taka undir málflutning Árna Páls Árnasonar viðskiptaráðherra um að krónan væri ónýt.

Helstu stuðningsmenn Hönnu Birnu Kristjánsdóttur munu vera Þór Sigfússon og Ólafur Stephensen sem einnig eru í vinahópi Guðlaugs Þórs og þar með hluti af samfylkingardeild Sjálfstæðisflokksins.

Núverandi forysta Sjálfstæðisflokksins, Bjarni Benediktsson og Ólöf Nordal, getur treyst stöðu sína með harðari andstöðu gegn hjartans málum Samfylkingar.

Athugasemdir

[Elín Sigurðardóttir (IP-tala skráð) 6.10.2011 kl. 09:29]

Hefur enginn úr Samfylkingunni verið yfirheyrður vegna Sjóvár? Er Samfylkingin alveg út undan í því máli?

[Elín Sigurðardóttir (IP-tala skráð) 6.10.2011 kl. 10:28]

Egill bendir á grein um vinkonurnar Björk og Evu Joly. Eva Joly ætlaði að rannsaka spillinguna hérna. Vilhjálmur Þorsteinsson er formaður stýrihóps um heildstæða orkustefnu stjórnvalda. Hann situr jafnframt í fjárfestingarráði Bjarkar. Er Eva að hlæja að þessum augljósu hagsmunatengslum?

[Sigurður (IP-tala skráð) 6.10.2011 kl. 14:34]

Afskaplega væri það gott, ef Hanna Birna gæti svarið af sér tengsl við þetta fólk - eða að öðrum kosti hætt við að bjóða sig fram. Sem þýðir ekki, að ég muni styðja Bjarna eða treysta honum.

[Guðmundur 2. Gunnarsson (IP-tala skráð) 6.10.2011 kl. 16:19]

Samfylkingin er krabbamein þjóðarinnar.

.