Fréttablaðið hannar niðurstöðu könnunar

Fréttablaðið er málgang aðildarsinna á Íslandi. Til að fá niðurstöðu í þágu málstaðarins hannar blaðið skoðanakönnun sem býr til ,,rétta" útkomu. Í öllum fræðum skoðanakannana er til grundvallar að valkostir séu skýrir til að fólk átti sig á spurningunni. Fréttablaðið þverbrýtur þá reglu.

Fréttablaðið lagði eftirfarandi spurningu fyrir fólk: ,,Hvort myndir þú heldur kjósa: 1) Að draga til baka umsókn um aðild að Evrópusambandinu, eða 2) Að ljúka aðildarviðræðum við Evrópusambandið og halda þjóðaratkvæðagreiðslu um aðildarsamninginn?"

Í seinni liðnum eru í raun tvær spurningar: a) um að ljúka aðildarviðræðum og b) um þjóðaratkvæðagreiðslu um aðildarsamning.

Spurning Fréttblaðsins er hönnuð til að sem flestir velji seinni valkostinn. Til að hafna seinni kostinum þarf maður nánast að vera á móti þjóðaratkvæðagreiðslum.

Skoðanakönnun Fréttablaðsins er algjörlega ómarktæk. 

Athugasemdir

[Elín Sigurðardóttir (IP-tala skráð) 12.9.2011 kl. 06:47]

Er það bara lokaður klúbbur aðildarsinna sem fær blaðið inn um lúguna hjá sér?

[Hrafn Arnarson (IP-tala skráð) 12.9.2011 kl. 09:49]

Það má vera að eitthvað sé til í þessu en hversu mikil áhrifin eru er erfitt að sjá. Það sem er rétt hjá Páli að það er jákvætt gildishlaðið orð í seinni spurningu en ekki þeirri fyrri. Þeirri kröfu hefur lengi verið haldið á lofti að þjóðin ætti að kjósa um það að hætta aðildarviðræðum. Ef ég skil skynsemi.is rétt er krafan sú að Alþingi ákveði á hætta/fresta viðræðum meðan ólguna lægir í ESB. Hvað um það. Eðlilegra hefði verið að spyrja 1. Vilt þú hafa þjóðaratkvæðagreiðslu um að draga umsóknaraðild að ESB til baka? eða 2.Vilt þú ljúka aðildarviðræðum og hafa þjóðaratkvæðagreiðslu um samninginn?

[Pétur Páll Arnar (IP-tala skráð) 12.9.2011 kl. 10:51]

Fréttablaðið er flokksblað Samfylkingarinnar, þó svo að ristjórinn eigi að heita að vera Sjálfstæðismaður.

Lestur Fréttablaðsins gefur kolranga mynd af stöðu mála í landinu, enda virðist það vera yfirlýst stefna blaðsins að halda lífi í ríkisstjórninni, og að sjá til þess að einungis ein hlið málanna varðandi ESB-aðild, nái fram að ganga, sú "rétta".

ENGIN KREPPA Á ÍSLANDI

Skv. Fréttablaðinu er egninn kreppa á Íslandi, og svo mætti halda af lestri blaðsins, að aldrei hafi verið nein kreppa.

Allt er svo gott á Íslandi nú í dag, allir hafa það svo gott, ríkisstjórnin er að gera frábæra hluti, og eilíf sól og sæla er handan við hornið með ESB-aðildinni.

ENGINN VANDRÆÐI HJÁ ESB

Fréttablaðið forðast að nefna vandæði Evrunar eða ESB-ríkjann á nafn.

Einungis er um að ræða smávægilegar og nauðsynlegar ráðstafanir ESB-ríkjanna á milli, Evran er enn þessi sterki og stöðugi efnahagslegi lífgjafi, og allt er í sómanum í Evrópu.

HANNAÐAR KANNANIR BIRTAR

Og svo þessi "hannaða" könnum Fréttablaðsins við aðildarferlið. Þar skaut Fréttablaðið langt yfir markið.

Það sama má segja um fylgni við áframhaldandi setu Ólafs Ragnars í stóli forseta.

Það hugnast Samfylkingarfóli ekki, og því þarf að "búa" til könnum um afstöðu fólks til þess, sem auðvitað er birt á forsíðu Fréttablaðsins, því það þjónar hagsmunum ríkisstjórnarinnar, og þá sérstaklega Samfylkingarinnar.

Fréttablaði er farið að minna á Pravda eða Izvestia í Sovétríkjunum sálugu.

Allt sem stendur í Fréttablaðinu er farið að minna á lélagan brandara.

[Jón (IP-tala skráð) 12.9.2011 kl. 17:27]

Ekki er ég prestur, en mér sýnist að Óli litli sé að máta sig í hempuna.

Svei mér þá ef hann er ekki bara kominn í hana og þó hún sé honum reyndar nokkuð við vöxt, þá glittir vel í oflátungslega landshöfðingja ættarfylgjuna.

Já, hallelúja fyrir litla prestinum sem boðar oss fagnaðarerindið.

Og eins og hjá öllum andsetnum og ofsatrúuðum kennimönnum, þá helgar tilgangurinn meðalið hjá séra litla Óla Stephensen.

Og áróðrinum er troðið innum allar lúgur, innum allar smugur og alls staðar blasir hann við, hvort heldur er innandyra eða utan, alls staðar fýkur þessi fjandi og glennir sig upp í vindhroðanum og sýnir sig sem fala hverjum sem er. 

Skækjan er föl hverjum sem er.

Já, hallelúja fyrir litla prestinum sem boðar oss fagnaðarerindið.