Hanna Birna frambjóðandi Samfylkingar

Framboð Samfylkingarinnar til formennsku í Sjálfstæðisflokknum er Hanna Birna Kristjánsdóttir fyrrverandi borgarstjóri. Spunadeild Samfylkingar á góða aðkomu að Stöð 2 sem kynnti hugsanlegt framboð Hönnu Birnu í kvöld og samstundis var Samfylkingar-Eyjan komin með eltifrétt.

Samfylkingin hótaði Bjarna Benediktssyni formanni Sjálfstæðisflokksins öllu illu þegar hann afþakkaði boð Össurar um nýja ríkisstjórn.

Með því að tefla fram Hönnu Birnu í formennskuframboð er Samfylkingin að efna til óvinafagnaðar í herbúðum Sjálfstæðisflokksins.

Athugasemdir

[jonasgeir (IP-tala skráð) 7.9.2011 kl. 21:06]

Ekki óskynsamleg ályktun, en ég verð nú að viðurkenna að ég hef aldrei litið á frú Hönnu Birnu sem tengda samfylkingarstrumpum.

Kanski hann sé ekki alveg með hlutina á hreinu, en líst sérlega vel a að sleppa við BjaBen og fá Hönnu í staðin.

Kveðja

[Kolbrún Hilmars, 7.9.2011 kl. 21:27]

Tek undir með síðasta ræðumanni,jg, því ég hef aldrei fyrr heyrt Hönnu Birnu bendlaða við SF. Hina konuna hins vegar, fyrrverandi varaformann XD.

Þetta máttu útskýra nánar, Páll.

[JR (IP-tala skráð) 7.9.2011 kl. 22:14]

Páll Vilhjálmsson segir bara það sem hentar honum þegar hann þarf að þjóna yfirmönnum sínum og þeim sem borga honum laun.

Það hentar honum núna að skíta út einhverja konu !

Það er með ,,Pál Baugsmiðil " að hann fær eitthvað á heilan hvort það er ,,ESB Páll"  eða  ,,Ástar samfylkingar Páll"  .

Bara að það hentar Páli Vilhjálmssyni !

Hann segir aldrei neitt jákvætt um nokkurn mann !

[Páll Vilhjálmsson, 7.9.2011 kl. 22:38]

Jú, Kolbrún og jónásgeir, ég er ekki að segja að Hanna Birna hafi gert sig að frambjóðenda Samfylkingarinnar heldur að Samfylkingin sé að koma henni á framfæri.

Ég hef sjálfur ekki tekið afstöðu til framboðs Hönnu Birnu, en ég auglýsti eftir henni í sumar í tvíeykisframboð með Birni Bjarnasyni sem formannskandídat.

Hanna Birna hlýtur að vera metin á vogarskálum hinna stærri mála þjóðfélagsumræðunnar. Og þar sem hún hefur einbeitt sér að borgarmálum liggur ekki mikið eftir hana af yfirlýsingum um landsmálin.

[Kolbrún Hilmars, 8.9.2011 kl. 00:01]

Takk fyrir svarið, Páll. Fyrir 2-3 árum var einmitt Hanna Birna spurð, af gefnu tilefni, hvort hún vildi gefa kost á sér í landsmálin og þá svaraði hún því til að borgarmálin væru henni hugstæðari. Eðlilega hefur hún því ekki tjáð sig mikið um landsmálapólitíkina.

En að sjálfsögðu á Hanna Birna fullt erindi í forystu XD og landsmálin.

[Óskar Gísli (IP-tala skráð) 10.9.2011 kl. 19:43]

Þetta getur vel verið rétt hjá þér. Hanna hefur verið undarlega mikið í fréttunum undanfarið og spurningin er sú hvort hún sé talin ógn við samfó í reykjavíkurpólitíkinni eða einfaldlega bara sá góði pólitíkus sem hún er.

Samfylkingin myndi að minnsta kosti hagnast af því að losna við hana og mögulega ná að halda í borgina án hennar.