Gríska evru-svindlið, íslenska umsóknarsvindlið

Grikkir svindluðu sér leið inn í evru-samstarfið með því að ljúga til um ríkisbókhaldið til að mæta skilyrðum Evrópusambandsins. Samfylkingin bjó til umsóknarsvindl á Íslandi þar sem pólitískri fjárkúgun var beitt á þingflokk Vinstri grænna til að þeir samþykktu að sækja um aðild.

Kröfur Evrópusambandsins til umsóknarríka eru meðal annars þær að almannavilji standi á bakvið umsókn stjórnvalda. Því var ekki að heilsa á Íslandi enda Samfylkingin eini flokkurinn sem var með aðildarumsókn á stefnu sinni og fékk 29 prósent atkvæðanna.

Umsóknin til Evrópusambandsins var send á fölskum forsendum. Pólitísk umræða á Íslandi frá því að umsóknin var send, sumarið 2009. hefur leitt fram harðari andstöðu við aðild að Evrópusambandinu. Þrír stjórnmálaflokkar af fjórum á alþingi eru með það í stefnu sinni að hagsmunum Íslands sé betur borgið utan Evrópusambandsins en innan. Skoðanakannanir meðal almennings sýna yfir 60 prósent andstöðu við aðild.

Samfylkingin mælist með 22 prósent fylgi í skoðanakönnunum. Eflaust vill flokkurinn halda sem lengst í umsóknina til að eiga færi á fylgi aðildarsinna í næstu kosningum. Samfylkingin tekur þar með hagsmuni Íslands í gíslingu.

Verkefni andstæðinga aðildar Íslands að Evrópusambandinu næstu vikur og mánuði er kristaltært: að sannfæra almenning um að allir stjórnmálaflokkar séu betri en Samfylkingin. Sagorðið 'allt er betra en Samfylkingin' þarf að festa í sessi og skrúfa fylgi Samfylkingar niður í 15-17 prósent. 

Samfylkingin kemst að því fullkeyptu hverju pólitísk fjárkúgun skilar þegar fullveldi Íslands er í húfi.

Enginn réttur til aðildarviðræðna

Athugasemdir

[Guðni Karl Harðarson, 3.9.2011 kl. 11:54]

>síðasta mæling sýndi 64,5 andstöðu

Ég sting einfaldlega upp á því að við andstæðingar láti það berast augljóslega út til Brussel hversu mikil andstæða er við  aðildarviðræður sérstaklega með tilliti til  Evrópusambandsins til umsóknarríka og hamri á því. Ég býst auðvitað að þeir viti af sterkri andstöðu hér, kannski þó ekki hversu mörg prósent, en það má halda því áfram og þá með þeim formerkjum að það standi til að þetta sé tekið fyrir þegar að alþingi byrjar. 

Það þarf að sjá til þess að Sf þurfi að berjast um þetta á tveimur vígstöðum í einu.

[Helga Kristjánsdóttir, 3.9.2011 kl. 12:30]

  Guðni þú ert herskár,það er ég líka þegar kemur að því að verja fullveldi Íslands. Það ætti að vera nokkuð auðvelt að koma sönnum upplýsingum,af gangi mála hér heima,til allra aðildarríkja. Það er reyndar vel fylgst með okkur,svalar þá máske,athyglissíki okkar,,How do you like Iceland,,.  Þannig var fyrrverandi tengdasonur minn (Norðmaður) á Kynningu í Vesterål  ,sem er þorp rétt sunnan við Tromsö. Þar sem kvisaðist að hann væri  búsettur á Íslandi,fengu blaðamenn strax áhuga og sóttust eftir viðtali í staðarblaðinu.Þarna er auðvitað sérstaklega fylgst með  okkur.

[Eyjólfur G Svavarsson, 3.9.2011 kl. 13:36]

Mér lýst vel á þessa hugmynd. Um að gera að láta heyra í sér, mitt nafn má nota í þessi mótmæli. En það vantar eihvern til að framkvæma hlutinn sem vill" og er fær til þess. Kveðja.

[itg (IP-tala skráð) 3.9.2011 kl. 16:17]

Grikkir smygluðu sér ekki inn í ESB.  ESB vissi nákvæmlega stöðu þeirra.  Fjárhagsstaða Gríska ríkisins var sett upp eins og ESB vildi að hún væri.

[Jón Sig. (IP-tala skráð) 3.9.2011 kl. 17:24]

Ég varð verulega hugsi eftir þennan lestur.

Hálf miljón blaðsíður af reglugerðarverki, og 125 þúsund eftirlits menn.

Margir þeirra 125 þúsund starfsmanna ESB eru á skattfrjálsum launum, og með lífeyrissjóði sína staðsetta í skattaskjólum.

Þetta er greinilega stækkuð leikmynd úr Animal Farm.

ESB hefur ekki getað skilað uppáskrifuðum ársreykningi, af löggiltum endurskoðendum í 13 ár, hvað hafa þeir að fela.

Hef aldrei vitað til þess, hjá mönnum og dýrum að þau leiti sér skjóls í brennadi húsi.

Þarf einhver að vera hissa að samfylkingar fólk hafi áhuga að starfa fyrir ESB.

[Sleggjan og Hvellurinn, 3.9.2011 kl. 18:30]

Samfylkingin var með ESB á sinni stefnuskrá. Einn flokka. Og gjörsigraði kosninguna. Og þú telur það sem rök gegn esb?? Þetta er stórfurðulegur málflutningur.

Samfylkingin fékk 30% atkvæði (29,8%) og næsti flokkur á eftir var XD með aðeins 24% atkvæða. (23,7%)

Það er stundum ótrúlegt að hlusta á þessa NEI sinna blogga og reyna að færa rök fyrir sínum málum og ekkert að þvi stendst skoðun. En það skiptir engu máli í heim Heimssýnar. Þar er hvítt svart og svart hvítt.

http://is.wikipedia.org/wiki/Al%C3%BEingiskosningar_2009

[Sleggjan og Hvellurinn, 3.9.2011 kl. 18:38]

Þó að hluti af Íslendingum eru smá skeptiskir á aðild þá er meirihluti fyrir því að standa í þessum viðræðum. Svo kjósum við um samninginn. Þess vegna er glórulaust að halda því fram að við eigum ekki rétt á að vera í viðræðum.

Svo er alltaf gaman að sjá kalla einsog Guðna Karl sem er skíthræddur við þjóðina sína. Hann vill ekki leyfa henni að kjósa um samninginn sem mun lyggja fyrir. Hann er örugglega hræddur við of góðan samning.

Afhverju eru NEI sinnar svona hræddir við samninginn?? Ef ESB er svona slæmt einsog þeir halda fram þá verður þessi samningur kolfelldur í þjóðaratkvæðsgreiðslu.

[Steinarr Kr. , 3.9.2011 kl. 19:23]

Samfylkingin fékk sögulegt hámarksfylgi í síðustu kosningum og mun ekki ná því aftur.  Ástæðan var m.a. sú að margir létu glepjast á því að Jóhanna væri einhver alvöru leiðtogi sem ætlaði að koma okkur upp úr kreppunni.  Fólk veit betur núna.

Af hverju mátti ekki fara tvöföldu leiðina og greiða atkvæði um umsókn?  Af hverju þurfum við að sitja undir allri þessari aðlögun þegar við viljum ekki inn í þetta samband?  Hef hvergi séð þennan meirihluta fyrir viðræðunum sem Sleggjan talar um.

[Sleggjan og Hvellurinn, 3.9.2011 kl. 19:45]

"Alls vilja 65,4 prósent halda viðræðum áfram,"

http://www.visir.is/um-thridjungur-vill-draga-umsokn-ad-esb-til-baka/article/2011780279656

[Páll (IP-tala skráð) 4.9.2011 kl. 00:18]

Aðlögun að kerfi ESB/EES ætti sér stað hvor sem aðildarviðræður væru uppi eður ei Steinarr. Það er ekki síst vegna EES-samningsins.

[Guðni Karl Harðarson, 4.9.2011 kl. 01:26]

>Svo er alltaf gaman að sjá kalla einsog Guðna Karl sem er skíthræddur við þjóðina sína. Hann vill ekki leyfa henni að kjósa um samninginn sem mun lyggja fyrir. Hann er örugglega hræddur við of góðan samning.

Ég þakka þér fyrir að gefa mér þjóðina Sleggja og Hvellur. Ég treysti þjóð minni til hafna öllu rugli því það verður aldrei hægt að fá neitt af viti þarna frá Brussel.

Hinsvegar hef ég vísað til þess að það er rökfræðilega rétt að hætta þessu ferli strax. Því ef svo stór meirihluti þjóðarinnar vill ekki ganga inn. Hvað þarf þá mikið til að það breytist? Það stenst einfaldlega ekki að það vilja svo margir fylgja þessu til enda. Vegna þess að það stangast á við hitt.

Svo eru þeir sem vilja þjóðinni þetta rugl, þessi mikli minnhluti sem hefur jú ekkert til að hanga á nema það að það séu svo margir sem vilja halda þessu ferli áfram. Og ég segi og skrifa því mér mun alltaf finnast þetta vera svik og ekkert annað. Aldrei hefði átt að bera upp á þingi og þvingað þar í gegn af Sf. 

Og skynsamlegast er að draga þetta til baka vegna þess meðal annars að það mun augljóslega loga hér allt í átökum um þetta mál. Og eitt er víst að aðildar andstæðingar munu verja þjóð sína hvað sem það kostar!

Sem og það að allir markaðir i Evrópu eru á frjálsu falli (ath. ég veit um það og fylgist með því enda hef ég kringum 10 ára þekkingu á hlutabréfamarkaðinum og tæknigreiningu og sé hvergi neitt hald í að þeir taki við sér né og ekki nein undirstaða nema langt fyrir neðan allar tölur (fyrir þá sem það skilja) og Ísland hefur ekkert að gera inn í slíkar aðstæður. Hafi það einhvern tímann verið þá er það ekki nú! Hugsanlega væri þó hægt að athuga aðstæður eftir svona 5 ár eða svo. Þar að segja ef ESB verður þá enn á lífi. Og þar að segja ef okkur hefur mistekist að búa þjóðina undir nýja framtíð með algjörlega nýjum fjárhagslegum formerkjum. Enda trúi ég því að Ísland muni hafa á endunum vit á því að breyta og losa sig út úr allri bankarkrísu eins og hún er með allri peninga útprentun.

Ég sé það fyrir mér að hinn mikli meirihluti sem er andstæður þessu hafi miklu meiri kraft til að takast á við ykkur hina sem aldrei munu get sigrað vegna vanmættis síns og fæðar. Því það verður alltaf svo mikill munur þar á.

Svo nenni ég ekki að standa í því að svara þér sem kemur með gamlar skoðanakannarnir hér inn. Ég held að þú ættir að koma með nýjustu könnunina.

Ísland mun alltaf hafa mest tækifæri til nýrrar framtíðar sjálft, með því að treysta okkar mannlega mætti til að búa okkur til nýja framtíð. Ég treysti á það.