Líbísk ástæða stjórnarslita

Ríkisstjórnarflokkarnir hvor um sig vígbúast ástæðum til að slíta stjórnarsamstarfinu. Líbía og NATO hentar Vinstri grænum ágætlega sem stjórnarslitamál. Jóhanna veit það og snýr málinu upp í það að annar stjórnarflokkurinn megi ekki skamma hinn opinberlega með ályktunum.

Sjálf hefur Jóhanna látið gamminn geysa um þingmenn Vinstri grænna og nefnt þá nöfnum úr dýraríkinu.

Báðir stjórnarflokkanna vita að þeir munu ekki mynda næstu ríkisstjórn. Þess vegna er beðið eftir vinki frá Bjarna Ben. formanni Sjálfstæðisflokksins.

 

Óskiljanleg ályktun um Líbíu

Athugasemdir

[Þórhallur Birgir Jósepsson, 30.8.2011 kl. 13:56]

Hvers vegna ættu VG að vilja að slíta stjórnarsamstarfinu? Og sleppa höndum af völdunum? Þeir hafa jú þau völd sem þeir kæra sig um núna, enda stukku þeir upp á nef sér þegar Katrín Júl alltíeinu dansaði ekki eftir þeirra pípu.

VG kæra sig ekkert um að slíta stjórnarsamstarfinu, nema þá til að sitja einir að ráðuneytunum, losa sig við Samfylkinguna og taka engan inn í staðinn. Það er næstumþví hægt núna, en trúlega þurfa þeir að aftengja Alþingi áður en þeir geta komið málum þannig fyrir.

[Guðmundur 2. Gunnarsson (IP-tala skráð) 30.8.2011 kl. 15:20]

Hvenær tekur þessi tragikómedía enda ... ???

.

[Helga Kristjánsdóttir, 30.8.2011 kl. 21:12]

 Assgoti er mér að förlast,með hraðlestur las fyrirsögnina Lí(es) bísk ástæða stjórnarslita,ég varð að koma upp um mig,grín er hressandi í hófi,nú er ég í hófi.