Samfylkingin fjölgar sér úr einangrun

Ráðherrar Samfylkingar fá að heyra það frá embættismönnum í Brussel að ótækt sé að aðildarumsókn Íslands njóti aðeins stuðnings eins stjórnmálaflokks af fjórum á þingi. Lausn yfirplottara Samfylkingarinnar, Össurar Skarphéðinssonar, er að fjölga stjórnmálaflokkum.

Guðmundur Steingrímsson óháður þingmaður verður verkfæri Össurar til að búa til aðildarsinnaðan stjórnmálaflokk á alþingi. Til að Guðmundur fái viðurkenningu sem þingflokkur þarf hann að fá tvo þingmenn með sér.

Össur mun stefna tveim þingmönnum Samfylkingar til Guðmundar og bingó, það er kominn nýr stjórnmálaflokkur á alþingi sem er hlynntur aðild Íslands að Evrópusambandinu.

Össur, sem farið hefur nokkrar ferðir til Brussel, gerir sér ekki miklar hugmyndir um gáfnafar embættismanna þar suður frá.