Óvistvænt Fréttablað

Fréttablaðið lýtur ekki markaðslögmálum um framboð og eftirspurn heldur er því troðið innum lúgur landsmanna að þeim fornspurðum. Meginmarkmið útgáfu Fréttablaðsins að halda fram þeirri heimsmynd að græðgi sé góð og Jón Ásgeir saklaus. Nýjar fréttir eru þær að Fréttablaðið er óvistvænt.

Ingimar Karl Helgason tók sig til og viktaði Fréttablaðið og er vikuskammturinn um eitt kíló. Þar af er um og yfir helmingurinn auglýsingar.

Ruslpósturinn Fréttablaðið er dæmi um sóun verðmæta.

Athugasemdir

[Haukur Brynjolfsson (IP-tala skráð) 21.8.2011 kl. 16:32]

Ekki hef ég dálæti á Fréttablaðinu og aðstandendum þess þótt ég hafi enn ekki afþakkað blaðið. En hvað vegur Mogginn? Sennilega er hlutfall auglýsinga ekki eins hátt þar og í Fréttablaðinu, samt efast ég um að þar sé betur farið með pappírinn.

[Páll Vilhjálmsson, 21.8.2011 kl. 16:38]

Í þessu samhengi, Haukur, er meginmunurinn sá að Mogginn er áskriftarblað og til þeirra sem borga fyrir áskrift en Fréttablaðið er fríblað. Og já, auglýsingahlutfallið í Fréttablaðinu eru ca. 55 til 65 prósent.

[Rósa (IP-tala skráð) 21.8.2011 kl. 16:49]

Sammála.

Fréttablaðið er metnaðarlaust rusl.

Auglýsingablað þar sem fréttir eru til uppfyllingar.

Hrikalega illa er komið fyrir íslenskri fjölmiðlun.

[Jóhann Kristjánsson (IP-tala skráð) 21.8.2011 kl. 17:03]

Hér fyrir utan hafa legið 2 bunkar af fréttablaðinu í um 3 mánuði pakkaðir inn í plast. Ekki veit ég hvernig þeir eru til komnir en þrátt fyrir nokkrar símhringingar í Fréttablaðið hafa þeir ekki enn séð sóma sinn í því að koma og fjarlægja upp ruslið.

Ég hringdi eitt sinn á Fréttablaðið og bað þá vinsamlegast um að sleppa að troða því inn í póstkassann hjá mér. Þeir tjáðu mér að þeir gætu ekki orðið við því. Svo ég tók málin í mínar hendur og safnaði upp fréttablöðunum og fór svo með bunkann sem safnaðist upp hjá mér og afhenti þeim.  Með illu skal illt út reka. Eftir það hafa ekki komið fleiri blöð frá þeim til mín. Kannski að þeir hafi ákveðið hefna og skilið þess vegna eftir þessa bunka hér fyrir utan.. Hver veit?

[Guðmundur 2. Gunnarsson (IP-tala skráð) 22.8.2011 kl. 00:34]

Það má örugglega sjá eftir þeim trjám sem fara í Fréttablaðið.

.