Fasteign Árna bæjó gjaldþrota

Fasteign er félag sem Árni Sigfússon bæjarstjóri Reykjanesbæjar bjó til að skaffa sér aukatekjur, hann var stjórnarformaður, og bókhaldsfegra stöðu bæjarsjóðs. Í fullkomnum anda útrásarheimsku segir á heimasíðu Fasteignar

EFF eina félagið sinnar tegundar á Íslandi og býr því við sérstöðu. Félagið starfar við nánast enga markaðsáhættu vegna þess hvernig eignasafn félagsins er byggt. Leigutakar eru jafnframt eigendur eða hluthafar í félaginu og hafa því bein áhrif á stefnumótun félagsins.

Þetta stórmerkilega félag þar sem Árni Sigfússon var báðum megin borðsins og undir því líka er gjaldþrota. Árni er enn að brenna peninga almennings sem bæjarstjóri Reykjanesbæjar. Vörnin hans er að hér situr vond ríkisstjórn.

Athugasemdir

[Guðmundur Ásgeirsson, 12.8.2011 kl. 12:20]

Reykjanesbær, Álftanes, allsstaðar sviðin jörð eftir Sjálfstæðismenn.

[Halldór Jónsson, 12.8.2011 kl. 13:22]

Íslandsbanki, Aríon banki, BYR, SPKEF,SJÓVÁ, Penninn, Húsasmiðjan, Steypustöðin, BM Vallá, allstaðar sviðin jörð eftir kommúnistana.

[jonasgeir (IP-tala skráð) 12.8.2011 kl. 14:08]

Hafnarfjörður er nú ekki fallegt dæmi fyrir kratana.

Miklu meiri tekjur en annars staðar vegna hafnarinnar og stóriðju.  

Allt farið í vitleysu.

En það er auðvitað ríkt í eðli pólitíkusa að vera góðir á kostnað annarra.  Sérstakleg í krötum.

[Óskar Helgi Helgason (IP-tala skráð) 12.8.2011 kl. 15:12]

Komið þið sælir; Páll - og aðrir ágætir gestir, þínir !

Vel; að orði komist, hjá Guðmundi - sem og Páli, sjálfum, sem vænta mátti.

Halldór; og jonasgeir !

Því miður; hefir títtnefndur ''Sjálfstæðisflokkur'', valdið viðlíka tjóni hér - og Rauðu Khmerarnir austur í Kambódíu forðum, þó; með öðrum formerkjum sé, að nokkru - með dyggri hjálp hinna 3a (B - S og V), svo fram komi, ágætu drengir.

Með beztu kveðjum; sem jafnan, úr Árnesþingi /

Óskar Helgi Helgason

[Sigurður J. (IP-tala skráð) 12.8.2011 kl. 15:17]

Er það ekki vond ríkisstjórn sem kemur fram við Suðurnesjamenn eins og þessi hefur gert? Er þér, Suðurnesjamanni til áratuga, alls ekki misboðið? Erum við kannski úrhrök Palli eins og Jónas Kristjánsson vill meina?

P.s. Ef þú hefur misst af fréttum undanfarin ár eins og allar líkur benda til, þá gæti ég kannski útvegað þér allar fréttir sem fjalla um ástandið á Suðurnesjum sem og loforð og "efndir" núverandi ríkisstjórnar.

[Jenný Stefanía Jensdóttir, 12.8.2011 kl. 15:42]

Tek undir með Óskari Helga fornvini, sem ég þekkti ekki í fyrstu, fyrir sumarlega ásjón sannarlega.

Halldór er náttúrulega að spauga með þessari upptalningu allri, því það var jú samansafn af aulum og græðgispúkum sem brenndu þessi fínu fyrirtæki upp og skyldu eftir sviðna jörð.  Situr Halldór kannski á skólabekk í "Endurritun Sögu 101" hjá meistaranum sjálfum?

[Guðmundur Ásgeirsson, 14.8.2011 kl. 20:43]

Halldór hefur reyndar alveg hárrétt fyrir sér. Síðan armanikommarnir komust til valda hafa þeir elt fordæmi Sjálfstæðisflokksins og fyrrum taglhnýtinga hans í Framsókn með slíku offorsi að á undraskömmum tíma hefur þeim tekist að toppa flest ruglið svo um munar.

Þau virðast reyndar bara kunna þrennt: að vera í stjórnarandstöðu og svo það sem þau hafa lært af því að fylgjast með Sjálfstæðismönnum fara með völdin.

Viljið þið kannski fá að vita hvað er það þriðja?

Sko... ég minntist hvergi á reiknihæfileika...