Er Árni Páll að gefst upp á evrunni og umsókninni?

Árni Páll Árnason viðskiptaráðherra er höfundur þeirrar fleygu bábilju að nóg væri að Ísland sækti um aðild að Evrópusambandinu og þá tæki landið að rísa efnahagslega. Árni Páll skrifar í Fréttablaðið grein og segir m.a. þetta um Evruland

Til lengri tíma munu evruríkin þróa agaðri umgjörð um ríkisfjármál, til að tryggja að einstök ríki geti ekki skuldsett sig úr hófi og grafið þannig undan efnahagslegum stöðugleika á svæðinu öllu.

Árni Páll getur ekki sagt hlutina eins og þeir eru. Hér er tilvitnun í Telegraph sem segir um hvað er að ræða.

"The eurozone faces a very big decision: it either creates a central fiscal authority or accepts reality and starts to think the unthinkable, which is to cut the currency union into workable pieces."

Grein Árna Páls er afneitun á stöðu mála í Evrulandi. Honum má þó telja til tekna að það fer ekki mikið fyrir ESB-trúboði í greininni. Ekki nefnir Árni Páll umsóknina og heldur ekki að Ísland verði hólpið með evru í stað krónu.

Hvort það var af vangá eða ísmeygilegri pólitík þá er fyrirsögnin ,,Burt af hættusvæðinu."  Kannski er að renna upp ljós fyrir efnahags- og viðskiptaráðherra.

 

Athugasemdir

[Hrafn Arnarson (IP-tala skráð) 3.8.2011 kl. 21:39]

Spánn og ítalíu eru í skuldakreppu og hún versnar. Skudlatryggingarálag fer hækkandi og vextir á ríkisskuldabréfum er nú 6.47% en hærri hafa þeir ekki erið síðan 1997. Erfitt ástand í BNA hefur einnig sín áhrif.Staða Ítalíu á alþjóðlegum mörkuðum er að líkjast stöðu grikklands, Portugals og írlands. Þegaar vextirnir nálgast 7% er að nálgast hættuástand.Ítalía og Spánn verða að grípa til harkalegra sparnaðaraðgerða og niðurskurðar. Hvað haustið ber í skauti sér vitum við ekki.

[Jón Steinar Ragnarsson, 3.8.2011 kl. 22:51]

Jahérna hér..er baðvörðurinn virkilega að taka sönsum og sjá ljósið?

Ertu genginn af trúnni Hrafn minn?

[Helgi (IP-tala skráð) 4.8.2011 kl. 00:20]

Hvernig má annað vera?

[Ragnhildur Kolka, 4.8.2011 kl. 07:29]

Hrafn hefur heyrt fréttir að utan, en hefur enginn kjark til að segja Össuri frá því sem er að gerast í evrulandi?

[Guðmundur Jónsson, 4.8.2011 kl. 08:59]

Árni Páll virðist hafa gengið í samfylkinguna án þess að hafa myndað sér sjálfstæðar skoðanir á stefnu hennar. Hann verður síðan ráðherra og byrjar bara á því að gera eins og fyrir hann er lagt en þegar hann sér það er ekki að virka í raunheimi er hann maður til að horfa í eigin barm og reyna að laga til hjá sjálfum sér.

Árni Páll ber þannig af öðrum í ríkistjórninni. Þó hann hafi iðulega lagt upp með einhverja vitleysu (sem er oft bara stefna samfylkingarinnar) þá lærir hann í starfi sínu og snýr af villu síns vegar þegar fram sækir. Flest hin virðast ófær um að læra af því sem gerist í kring um þau.

[Gunnlaugur I., 4.8.2011 kl. 15:41]

Kannski að Árni Páll verði einn af þeim fyrstu í forystusveit Samfylkingarinnar sem tilheyri ekki lengur íslenska ESB trúboðinu.

Ja hann er alla vegana það tækifærissinnaður að hann ætti að sjá að þessi ESB póltík er ekki á vetur stjandi og mun aldrei ná neinum vinsældum hér !

Það væri óskandi að einhver þar léti af heimskulegum rétttrúnaðinum og heilaþvottinum, þó svo það væri byggt á forsendum tækifærismennskunnar !

Þannig myndaðist alla vegan andstaðan og þróunin sem varð hjá Norska Verkanmannaflokknum fyrir báðar ESB kosningarnar þar á sínum tíma.

Þar sem mjög harður kjarni ESB- andstæðinga og íhugulla flokksmanna myndaðist og þorði og tók harða afstöðu gegn ESB aðild og þar með ESB þjónkuninni og ESB sinnaðri flokksforystunni.

Hvenær skildum við sjá slíka sjálfsstæða og frjálsa skoðanamyndun verða til meðal flokksforystu Samfylkingarinnar sem hefur því miður stimplað sig inn í íslensk stjórnmál sem órofa ESB- Fylkingu og nánast alveg sama hvað !

Jafnvel alveg purkunarlaust gegn augljósum þjóðarhagsmunum bara af því að ESB tilgangurinn helgar alltaf meðalið að þeirra dómi ?

Hvenær skyldum við sjá slíkar jákvæðar breytingar gerast á íslenskum stjórnmálum, þar sem menn þora virkilega að standa sjálfviljugir upp úr vonlausri skotgröf ESB trúboðsins á Íslandi !