Efnahagsflóttamenn til Noregs, ekki ESB

Íslendingar í leit að betri lífskjörum, nú eða þá vertíðaruppgripum, leita ekki til Evrulands sem Össur og kó. mæra ár og síð heldur til Noregs þar sem staðfestan gegn aðild að Evrópusambambandinu er hvað sterkust á norðurhveli jarðar.

Hvað veldur?

Jú, í Evrulandi er að meðaltali 10 prósent atvinnuleysi og fer upp í 30-40 prósent í sumum aldursflokkum. Kreppa ríkir í suðlægari héruðum Evrulands en þau nyrðri njóta hagvaxtar.

Takk til hey að vekja athygli á málinu.

Flykkjast til Noregs

Athugasemdir

[Gunnr (IP-tala skráð) 7.7.2011 kl. 12:43]

hmmmm.

Hvað með Þýskaland? með minnsta atvinnuleysi í 20 ár, og hvað með fyrrum Auturevrópuríkin Pólland, Eystrarsaltslöndin sem eru á hraðri leið upp úr kreppunni.

Norðmenn hafa ávaxtað sitt pund, þeir hafa aldrei haft neinn áhuga á Evru né Svíar. Það að bera okkur saman við Noreg er hjákátlegt við erum skuldugir vesalingar með allt niðrum okkur og okkar bíður ekkert nema blóðugur niðurskurður og velferðarkerfi sem verður sniðið að smæð hagkerfisins. Það verða 2-3 áratugir með niðurgreiðslum skulda og síðan kostnaðurinn við það að hafa örmyntina krónu. Hagkerfið okkar er um 3% af stærð þess norska og minnkandi meðan það norska er stækkandi. Ef tekst að fleyta íslensku krónunni þá mun það þýða gríðarlega vaxtahækkun. Núna er búiða að loka hagkerfinu og skrúfa niður vextina og ríkissjóður og sveitarfélög tæma súrefnið með að nota lánsfé til að framfleita sér sem er náttúrlega tímabundið ástand. Hér er ekkert að gerast. Jákvæður viðskiptajöfnuður er vegna skertra lífskjara. Því miður erum við ekkert sérstaklega vel menntuð á Íslandi meðan við erum með gríðarlega hátt hlutfall fólks menntaða í hagfræð/viðskiptafræði/lögfræði og öðrum greinum sem erfitt er að sjá að verði mikil hjálpa að byggja upp nýja atvinnuvegi.

Olíuverð er hækkandi og gleypir væntanlega upp stóran hluta af auknum þorskkvótum.

[jonasgeir (IP-tala skráð) 7.7.2011 kl. 13:21]

Þjóðverjar hafa búið við massa atvinnuleysi síðan elstu menn muna.  Núna eru svo margir gamlir þjóðverjar að þeir eru hættir á vinnumarkaði hvort sem er..

Ekki mikið að grobba yfir.  'utflutningur ungs vinnandi fólks frá Eystrarsaltslöndunum hefur verið massífur.  Veeri en hér á Íslandi.  Það lækkar atvinnuleysi.

Ekkert af þeim atriðum sem þú nefnir Gunnr getur jafnað sig á að ganga í ESB. Ekkert.  ...Eða lækkar það olíuverð og fækkar hagfræðingum??

[sigkja (IP-tala skráð) 7.7.2011 kl. 13:29]

Tölur hagstofunnar sýna að til "Evrulands" fluttu nær tvöfalt fleiri en til Noregs 2010, þrefalt ef við tökum Pólland með. Bloggheimur virðist ansi oft nota upplýsingar sem hvergi annarstaðar er að finna og enginn getur staðfest. Lifi Lúkas.

[Kolbrún Hilmars, 7.7.2011 kl. 13:37]

Tölur Hagstofunnar ná eflaust yfir erlenda starfsmenn á íbúaskránni sem snúa aftur til síns heima.

Alla vega fer það ekki hátt ef íslendingar eru að flykkjast til Póllands eða annarra Eystrasaltsríkja. Ætli það sé tilfellið?

[sigkja (IP-tala skráð) 7.7.2011 kl. 13:57]

Tölur hagstofunnar segja okkur ekki hve margir þeirra sem fluttu til Noregs eru fæddir og uppaldir á Íslandi.

Tölur Hagstofunnar ná yfir fólk með Íslenska kennitölu sem flytur úr landi. 

En það er satt að það fer ekki hátt ef íslendingar flytjast til Póllands, Svíþjóðar, Þýskalands, Portúgals eða Danaveldis. Noregur er uppáhald fjölmiðla og það einstaka land sem tók við stærsta hlutfalli brottfluttra Íslendinga 2010, en meirihlutinn fór samt ekki til Noregs

[Guðmundur 2. Gunnarsson (IP-tala skráð) 7.7.2011 kl. 14:15]

Ætli flestir inngöngusinnar hafi minnstu hugmynd um hversu herfilega Evrópusambandinu hefur tekist til með að slá á atvinnuleysisvandamál þeirra ríkja sem er að meðaltali um 10%?

http://en.wikipedia.org/wiki/Economy_of_the_European_Union

Sama á við um spillingu ESB þjóða og innan Evrópusambandsins sjálfs?

Einstök ræða á ESB þingi.:

http://www.youtube.com/watch?v=7SFx2R9JwHE

Evrópusambandið hefur ekki fundið neitt "virt" endurskoðunarfyrirtæki í 16 ár til að samþykkja ársreikning sambandsins.

Meira og minna skora öll ríki Evrópusambandsins hærra á alþjóðalista yfir spillingu í heiminum en Ísland. Í þeim spillingarfræðum er vissulega hægt að ná í mun meiri þekkingu fyrir embættismenn, stjórnmálamenn og flokkshesta Baugsfylkingarinnar með inngöngu í sambandið undir styrkri fararstjórn eiganda Samfylkingarinnar, Jóns Ásgeirs Jóhannessonar og félaga. 

Meðfylgjandi er nýr listi um sæti Evrópusambandsþjóðanna og Íslands á alþjóðlega listanum yfir spilltustu lönd veraldar.:

Í 1. sæti með minnstu spillinguna er Danmörk, 3 - 4. Finnland og Svíþjóð, 7. Holland, 11 - 12. Ísland og Lúxemburg, 14. Írland, 15 - 16. Austurríki og Þýskaland, 20. Bretland, 22. Belgía, 25. Frakkland, 26. Eistland, 27. Slóvenía, 28. Kýpur, 30. Spánn, 32. Portúgal, 37. Malta (Össur og ESB sinnar hafa reynt að nota Möltu sem sönnun þess hvað ESB aðild er til mikils góðs), 41. Pólland, 46. Litháen, 50. Ungverjaland, 53. Tékkland, 59 - 60. Lettland og Slóvakía (Önnur þjóð sem Össur og ESB sinnar hafa bent á sem gott dæmi um ágæti þess að ganga í ESB), 67. Ítalía, 69. Rúmenía, 73. Búlgaría og 78. Grikkland.

Tær snilld ....  

[Gunnr (IP-tala skráð) 7.7.2011 kl. 14:39]

Ég er enginn Evrópusinni og evra er engin patentlausn.

Okkar stærsti markaður er Evrópubandalagið og verður það hvort sem við förum fram á aðild eða ekki.

Við höfum tvo kosti annað hvort að hanga í krónunni og hafa gjaldeyrishöft með falasaða gengisskráningu og það mun í raun hindra alla alvöru uppbyggingu atvinnulífs hér.

Hinn kosturinn er að taka upp evru eða afkomanda hennar.

Kandadadollar, norsk króna eða dollar er ekkert sem við getum gert og fjármagnað af eigin ramleik.

Grikkland, Búlgaría ofl. lönd vöru gjörspillt löngu áður en þau fóru í ESB og spillingin á Íslandi þekkjum við öll hana höfum við þurft að bora dýrum dómum.

Raunar komst Grikkaland inn á Evrusvæðið með falskt ríkisbókhald og Írar fóru yfirum í bankaútrás og lántöku. Raunar standa Bretar og Bandaríkjamenn afar illa. Þýskaland stendur hvað best og þau lönd sem hafa lítið fjármálakerfi og alvöru verðmætasköpun.

[Kolbrún Hilmars, 7.7.2011 kl. 14:50]

sigkja, ég held nú reyndar að Hagstofan hafi þessar upplýsingar; þ.e. hvaða "ríkisföng" flytja hvert. En burtséð frá því, þá er stóra fréttin auðvitað hvert fólkið leitar að stærstum hluta. Eðlilegt að fjölmiðlar fylgist með því.

Sjálf þekki ég ESB-landa framhaldsmenntað fólk sem vill ekki nýta sér samböndin sín þar og er á förum til Noregs. Ég hef spurt viðkomandi af hverju og fengið svör. Tíunda þau ekki hér - augljóst mál.

[Njáll (IP-tala skráð) 7.7.2011 kl. 15:45]

Gunnr, það er bara sitthvor hluturinn að taka upp aðra mynt og að færa öðrum ríkjum yfirráð yfir landinu.

Það yrðu örugglega miklu fleiri sem væru til að taka upp aðra mynt. Ef af því yrði myndi vilji til að ganga í ESB þurrkast út.

[Vendetta, 7.7.2011 kl. 15:48]

Það væri kannski reynandi að fá upplýsingar um hverjir (hvaða starfsstéttir) flytja hvert. Þá gæti komið í ljós að það séu annars vegar námsmenn og hins vegar liðleskjurnar (embættismenn, braskarar, viðskiptafræðingar, o.þ.u.l.) sem flytji til Evrulands, en að alvöru vinnuaflið flytji til Noregs (læknar og hjúkkur, iðnaðarmenn, verkfræðingar o.s.frv.).

[Gunnr (IP-tala skráð) 7.7.2011 kl. 16:59]

Útgerðarfyrirtæki á Íslandi gera upp í evru, sjómenn á aflahlut fá næstum evrutengd laun.

Opinberir starfsmenn það eru læknar og aðrir hvort þeir vinna bein hjá ríkinu eða fá verktakagreiðslur þaðan.

Það eru ríki í ESB sem ekki eru með Evru það má td. nefna Svía og Dani sem hafa haldið sínum gjaldmiðli, þótt danska krónan er hálfgildings bundin við Evru.

Það sem er auðvitað hættulegast sjálfstæði þjóðarinnar ef framtíðin verður gjaldeyrishömlur og haftakróna með áframhaldandi minnkun hagkerfisins. Þetta leiðir óumflýjanlega til að velferðarkerfið verður sniðið að því enda verður það einungis greitt af Íslendingum.

Hvaða samninga við fáum við ESB eða hvort það verði kæft í fæðingu er enn óljóst. Framtíðin með haftakrónu á láglaunasvæðinu Íslandi er augljóslega áskrift á fátækt og landsflótta. Skiptir engu um hvort hér sitja ríkisstjórnir leiddar af Framsóknarmönnum, Sjálfstæðismönnum, Samfylkingu eða VG.

[Gunnr (IP-tala skráð) 7.7.2011 kl. 17:22]

Íslendingar flytja út fisk, ál og skattgreiðendur.

Það verður væntanlega lítil breyting á því í náinni framtíð.

Ef litið er á fjárlög fyrir 2011 sem eru með miklum halla (tekjurnar nægja ekki fyrir útgjöldum)

http://gallery.datamarket.com/fjarlagafrumvarp_2011/

Það er áætlaðar 24 miljarðar í atvinnuleysisbætur, 47 miljarða í lífeyristryggingar, 9,4 miljarða í bætur og 8,6 miljara í fæðingarorlof, 26 miljarða í sjúkratryggingar.

Síðan er velferðarkerfi atvinnuvegana og þar er landbúnaðurinn stærstur. Já hvar viljum við skera niður?

Dæmið gengur ekki upp og ríkið safnar utan á sig skuldum, sem eru ekkert annað en framtíðarskttgreiðslur landsmanna.

Allar spár gera ráð fyrir gríðarlegum hagvexti en hagkerfið er að skreppa saman.

Við erum með gjalmiðil sem kemur ekki til með að losna úr höftum.

Enginn er búinn að taka á sig siðferðilega ábyrgð á hruninu og enginn er enn dæmdur. Enginn þessara næstum 150 sem tilteknir voru í rannsóknarskýrslu Alþingis játar á sig neina ábyrgð.

Lífskjör hafa hrunið, það er 1 íslenskt fyrirtæki, Icelandair skráð á Hlutabréfamarkaði, 3 færeyskt, 1 dansk (þe. Stoðtækjafyrirtækið Össur sem raunar var búið að afskrá og fluttir) ásamt Marel sem tilheyrir hollenskri keðju með hollenskan forstjóra.

Því miður óttast ég að við erum á þröskuldi gríðarlegra fólksflutninga þannig að orð Ólafs Ragnars "You havn't seen nothing yet" munu hugsanlega eiga þarna við.

[Vendetta, 7.7.2011 kl. 21:34]

Neikvæðar afleiðingar hrunsins 2008 (veik efnahags-/gjaldeyrissstaða, gríðarlegt atvinnuleysi) eru ekki til komnar einungis vegna bankaránsins eða einkavæðingu bankanna eða ábyrgðar-/aðgerðarleysi ráðamanna á 21. öldinni. Meinið er röng efnahags- og atvinnustefna allra ríkisstjórna síðan á fimmta áratugnum (þ.e. allan lýðveldistímann) eða jafnvel fyrr.

Á Íslandi hefur í meginatriðum vantað 3. atvinnuveginn, (framleiðslu)iðnað í 50 ár. Á þessum langa tíma voru allar erlendar fjárfestingar bannaðar á landinu og algjör misvöxtur varð í efnahagslífinu. Þess vegna var ekkert til að halda uppi gengi krónunnar, infrastrúktúrinn og útflutningurinn var hverfandi. Í staðinn fyrir iðnaðarframleiðslu tútnaði þjónustugeirinn og hið opinbera út yfir allan þjófabálk, þótt ekkert væri til að þjónusta nema hver annan.

Andstætt Íslandi sluppu hin Norðurlöndin næstum án skrámu í bankakreppunni vegna þess að í þessum löndum var víðtækur útflutningsiðnaður sem kom í veg fyrir efnahagshrun vegna lausafjárkreppu.

Ísland hefur sl. 60 ár haft Mickey-Mouse efnahag og verið eins konar Zimbabwe norðursins. Ekki vegna þess að landið var ekki meðlimur í EBE/ESB, heldur vegna óhæfra, skammsýnna og skíthræddra íslenzkra stjórnmála- og embættismanna.