Jóhanna, Jón Bjarna og vatnaskil í stjórnmálum

Jóhanna Sigurðardóttir var á útleið í Samfylkingunni þegar hrunið varð. Eftir hrun fékk Jóhanna meðbyr þar sem hún var tiltölulega hrein af útrásarómenningunni. Hæst reis sól Jóhönnu við myndun vinstristjórnarinnar, eftir það hefur sigið á ógæfuhliðina.

Jón Bjarnason landbúnaðar- og sjávarútvegsráðherra var frá upphafi vinstristjórnarinnar settur út í horn. Stöðugt var rætt um að hann hætti sem ráðherra. Frumvörp til að leggja niður ráðuneyti Jóns eru ítrekað á dagskrá ríkisstjórnarfunda. Jón stóð allar atlögur af sér.

Vinsældir Jón Bjarnasonar vaxa í réttu hlutfalli við auknar óvinsældir ríkisstjórnar Jóhönnu Sigurðardóttur. Jón mælist vinsælastur ráðherra.

Þjóðlegt fullveldi er næsta meginstef íslenskra stjórnmála. Þar er Jón Bjarnason á heimavelli.

Athugasemdir

[Jonas kr (IP-tala skráð) 1.6.2011 kl. 13:19]

Ert þú að vitnað í vitna í netkönnun? Könnun sem er á vef útvarps Sögu? Könnun þar sem sami aðili getur kosið aftur og aftur? Það er álíka mikið að marka svona kannanir og stjörnuspá Moggans.

[Karl (IP-tala skráð) 1.6.2011 kl. 16:20]

"Þjóðlegt fullveldi"

Hrollvekjandi hugsun.