Heimskustu menn Íslands fjárfesta i Magma-braski

Lífeyrissjóðirnir fá ekki nóg af braski: Kaupþing, Dagsbrún, Stoke City, Exista, svo fáein dæmi séu tilfærð, eru ekki nóg fyrir heimsku hálaunamennina. Núna á að leggja milljarða í félag með alkunnum kanadískum raðbraskara, Ross Beaty, sem er nýbúinn að skipta um kennitölu á fyrirtækinu.

Magma/Alterra fléttan er beinlínis hönnuð til að féfletta lífeyrissjóði eins og sést í mílufjarlægð. Græðgisfíflin ganga beint í gildruna og þykjast hafa aukna ,,meirihlutavernd." Lífeyrissjóðirnir játa sem sagt að þeir treysti ekki raðbraskaranum, og semja um aukna vernd, en ætla engu að síður að láta átta milljarða af almannafé til Beaty. 

Lífeyrissjóðum er ekki treystandi fyrir iðgjöldum launafólks. Alþingi verður að grípa í taumana og afnema lögverndun fyrir sjóði sem stýrt er af græðgisvæddum eðjótum.

Kaupa hlut í HS Orku

Athugasemdir

[Nonni (IP-tala skráð) 31.5.2011 kl. 14:12]

Þú hefur greinilega sterka skoðun á þessu. Hinsvegar er auðvitað mjög auðvelt að gaspra hátt um hluti sem maður veit mjög lítið um þrátt fyrir að hafa skoðun á því. Gaman væri að sjá frekari rökstuðning fyrir þessu hjá þér. Sýndu nú af hverju þú titlar þig blaðamann og komdu með alvöru rök fyrir því að þetta sé féfletting, t.d. með pælingum varðandi kaupverð vs verðmat, aflandsgengið, orkuverð, álafleiðuna o.s.frv. Ekki taka sorop fréttamennsku þér til fyrirmyndar og henda fram einhverjum fullyrðingum sem þú bakkar svo ekki upp.

[Páll Vilhjálmsson, 31.5.2011 kl. 14:19]

Nonni, byrjaðu á því að koma fram undir nafni áður en þú krefur fólk um að færa sönnur á þetta eða hitt.

[bulli (IP-tala skráð) 31.5.2011 kl. 14:32]

já endalaust bullið í þessum andskota, hefur vit á öllu

[Nonni (IP-tala skráð) 31.5.2011 kl. 14:44]

Páll, vertu nú ekki svo upp með þér að halda að ég hafi verið að segja að þú hafir rétt fyrir þér. Það var enginn að biðja þig um að sanna það sem þú skrifaðir (og telur þig vita) heldur einvörðungu að færa rök fyrir því.

Sem blaðamaður ættir þú að vita að til að vera trúverðugur þurfa menn að rökstyðja stórar fullyrðinga eins og koma fram í þessu "bloggi. Hinsvegar eru þessar stóru fullyrðingar sem hér koma fram hvergi rökstuddar heldur einungis hent í loftið en það er e-ð sem allir geta gert, nafnlaust eða undir nafni, með eða án þekkingar á efninu.

[Páll Vilhjálmsson, 31.5.2011 kl. 15:14]

Nonni, þú telur þig þekkja til blaðamennsku og hefur málstað að verja. Af því má álykta að þú sér almannatengill í þjónustu þeirra aðila sem hér véla.

Magma-málið er útrásarverkefni sem haldið er á lífi eftir hrun með aðstoð Íslandsbanka og nú, að því er virðist, lífeyrissjóðum. Verkefnið er að komast yfir þær sömu almannaeigur og Jón Ásgeir og Hannes Smárason reyndu með Geysir Green. Ef þú nenntir er hægt að fletta þesum ferli upp. 

En þú nennir ekki Nonni, enda er þitt verkefni að draga fjöður yfir braskið.

[Nonni (IP-tala skráð) 31.5.2011 kl. 15:24]

Hahaha ég er enginn almannatengill og tengist hvað þá þessu verkefni ekki neitt. Ég er hinsvegar áhugamaður um fjárfestingar (og reyndar betri blaðamennsku en tíðkast á Íslandi) og man eftir tryllingnum sem átti sér stað þegar HS Orka var seld "út úr" landi. Nú eru lífeyrissjóðirnir (sem eru í eigu fólksins í landinum) að kaupa fjórðungshlut á upprunalegu verði Magma og þá tryllast allir líka.  Fyndið hvernig það er ekki hægt að gera sumum til geðs, það er nú bara það sem knúði mig til að skrifa á þessu blessaða bloggi þínu.

[þór (IP-tala skráð) 31.5.2011 kl. 16:01]

Það er spurning hvort græðgisfíflin séu svona ótúlega vitlaus, en mig grunar að annarlegir hagsmunir ráði för. Hvenær ætlar  norræna velferðastjórnin  að huga að hagsmunum almennings og hvenær kemur sá tími að fréttastofa RUV standi undir nafni?  Það þarf víða að taka til. 

[Guðmundur 2. Gunnarsson (IP-tala skráð) 31.5.2011 kl. 16:05]

Og hvar er hægt að finna einhvern rökstuðning um hans hlið mála frá "sérfræðingnum" Nonna..??  Var það etv. yfirlýsingin um Kaupþing, Stoke eða Dagsbrún sem fór svona fyrir brjóstið á honum...???

Erfitt að sjá annað en enn eina "Ad hominem" árásina á pistilhöfund, mesta hrelli "nýju" spillingarinnar, sem hefur ekkert með með neitt að gera, en að vera fastur liður eins og venjulega fyrir varðhunda stjórnarliða. 

.

[Nonni (IP-tala skráð) 31.5.2011 kl. 16:21]

Guðmundur 2, ég átta mig ekki á því að þú skulir sjá einhverjar fullyrðingar hjá mér. Ég tek hvergi afstöðu í þessu máli, með eða á móti. Lestu aðeins yfir svörin mín áður en þú ausir úr viskubrunni þínum yfir okkur.

[Guðmundur 2. Gunnarsson (IP-tala skráð) 31.5.2011 kl. 16:51]

Nonni.   Það var nefnilega það.  Þú ræðst á manninn vegna skrifa hans um málefni sem þú veist þá ekkert um og hefur þar að leiðindi ekki neina skoðun á "með eða móti", nema að Páll er óalandi og óferjandi vegna þess að þú þekkir ekki til málsin, og þarft nánari útskýringar frá honum til að vera viðræðuhæfur.  Nei "Ad hominem" skal það vera svona til öryggis að venju þegar verja á vonda stjórn og málefni henni tengdum.  Málefnið skiptir ekki nokkru máli, heldur skal rjúka í manninn þegar boltinn er hvergi nærri og boltakunnáttan engin.  Ekkert nýtt á þessu bloggi.

Austu endilega úr "viskubrunninum" þínum, svona öðrum til enn meiri skemmtunar.... og fræðslu .... 

.

[anna (IP-tala skráð) 31.5.2011 kl. 17:08]

Hættið þessu sandkassakarpi strákar, eða er það ekki það sem við erum sífelt að gagnrýna þingmenn fyrir?

Það sem ég ekki skil er, afhverju geta lífeyrissjóðirnir okkar yfirhöfuð gamblað með peninga sem ættu að vera í 100% öryggi??????????

Mér finnst það ætti að vera bannað með lögum að leika sér með Lífeyrissjóðsfé. Þetta á að vera öryggið í elli hverrar einustu manneskju.

Hinsvegar er rétt að orkan á að vera í eigu þjóðarinnar, sem flækir þetta sérstaka mál rækilega. 

[Lúðvík Júlíusson, 31.5.2011 kl. 18:36]

Nonni, ef lífeyrissjóðirnir væru að kaupa af Magma á upprunalegu kaupverði þá ættu lífeyrissjóðirnir að bókfæra ca 94 milljónir í hagnað um leið og verður af kaupunum.

Magma græddi 3 milljónir USD með því að nota aflandskrónur og 25% af því ætti því að renna áfram til lífeyrissjóðanna.

Gaman væri að sjá uppgjörið vegna kaupanna.

[Nonni (IP-tala skráð) 31.5.2011 kl. 18:38]

Guðmundur 2, þú auðvitað ert búinn að margskjóta þig í fótinn. Í fyrsta lagi þá ertu að gagnrýna mig fyrir það sama og þú ert að gera, í öðru lagi þá tekurðu undir það að ég hafi ekki verið að fullyrða um neitt en í fyrra innleggi þínu þá átti ég að færa rökstuðning fyrir máli mínu, sem skv. síðara innleggi þínu þá var ég ekki að fullyrða neitt og í þriðja lagi fullyrðir þú að ég viti ekkert um þetta mál án þess svo sjálfur að færa rökstuðning fyrir því.  Þú ert svona tappi sem skýtur fyrst og spyrð svo.

[Nonni (IP-tala skráð) 31.5.2011 kl. 18:44]

Lúðvík, því er ég sammála. Væri mjög áhugavert að sjá uppgjörið á viðskiptunum. Hagnaður Magma af aflandskrónunum ætti (mv. hvernig fréttatilkynningin var) að renna að 25% leiti til lífeyrissjóðanna. Það kemr væntanlega til í lækkunar á gengi viðskiptanna. Mv. þessa útreikninga þína, að þeir hagnist um 94 milljónir, þá ættu þeir að geta tekið gengið á HS Orku upp um rúmt 1% í bókunum sínum strax.

[Guðmundur 2. Gunnarsson (IP-tala skráð) 31.5.2011 kl. 19:59]

Nonni minn.  Er þér ekki eitthvað getur gefið en að reyna að tjá þig á prenti...??? 

Ennþá bíð ég eftir einhverjum skýringum á innlegginu þínu öðru en að vera heimskuleg "Ad hominem" árás á Pál, sem segir ekkert um hann en allt um þig. 

Of flókið...??? 

.

[Ómar Geirsson, 31.5.2011 kl. 20:23]

Guðmundur annar.

Páll afgreiddi Nonna greyið þannig að ekki þarf að ræða hann frekar.  En ég skil ekki að hagsmunaðilar hafi ekki efni á að ráða fólk með lágmarks kunnáttu til að gæta sinna hagsmuna.  

Svona Morfís taktík gengur ekki í fullorðið fólk í dag.

Kveðja að austan.

[Viggó Jörgensson, 31.5.2011 kl. 22:24]

Nákvæmlega hvaða einstaklingar eru að græða á þessari sveifu?

[Viggó Jörgensson, 31.5.2011 kl. 22:44]

Svo þarf einhver blaðamaður að rannsaka þetta Hagamál Páll.

Lífeyrissjóðirnir sitja upp í með líkið af Húsasmiðjunni. 

Sendisveinar Baugs við að koma Húsasmiðjunni í öndunarvél

eru allt í einu komnir með innantökuna úr Húsasmiðjunni í eitthvað

samkrull við lífeyrissjóðina um kaup á Högum. 

Hver skyldi svo sitja uppi með tapið af því ævintýri?

[Óskar Arnórsson, 1.6.2011 kl. 08:54]

Frábær grein og hárrétt fyrir utan eitt atriði. Að mennirnir sem standa að þessum viðskiptum séu heimskir. Þeir eru það ekki. Enn ískaldir og hættulegir í viðskiptum væri frekar að lýsa þeim.

Enn að þeir séu lúmskir og þessi Nonni sem kallar sig fjárfesta ætti að athuga sinn gang. Það er einu sinni svoleiðis að það eru tvær tegundir af fjárfestum. Ég veit ekki hverrar sorta Nonni er, enn sortirnar eru þessar:

Fjárfestar sem nota fjármagn til að koma af stað nytsömum og ábyggilegum verkefnum og græða þannig eru nytsamir fjárfestar og góðir.

Fjárfestar sem haga sér eins og gangandi seðlaprentsmiðjur og hugsa ekkert um annað enn að fjölfalda peninga með peningum, gera klipp og eyðileggja fyrirtæki og eru gjörsamlega ábyrgðarlausir, á að frysta úti.

Vilji menn fá góða lýsingu á þeim er bara að skoða heimildamyndina frá USA sem heitir "Inside Job" því þeir skúrkar eru hetjur þeirra íslensku fjárfesta sem þessi lýsing passar við.

Enda fyrirmynd margra íslenskra fjárfesta í mörg ár. Þeir eru hetjur þeirra.

Allur rafmagnsbuisness á Íslandi þarf á sérstakri rannsókn að halda. Enn er langt frá því að fólk skilji hverslags stýring liggur á bakvið þennan buisness.

Það væri helst að líkja því við að margir refir hafa komist í stórt hænsnabú, enn sumir refirnir þykjast vera hænur...og það er aðalmálið í dag á Íslandi í orkumálum.

Það má benda á í sambandi við orkumálin almennt á Íslandi að kókaínhausar þeir sem eru með í þessum stóra hópi viðskiptamanna, er gjörsamlega samviskulausir og munu vera það áfram þar til þeir hætta neyslunni. Og það sést ekki utan á þeim.

Margir fjárfestar eru síður enn svo undanskildir frá þeim hópi. Og þeir sem ekki nota kókaín vita ekki um það, skilja það ekki og eru notaðir af þessum mönnum. Og margir vita af þessu og þora ekki að segja orð.

Þessir menn hugsa eins og rándýr á veiðum. Finnið þá, lokið á þá eða hjálpið ef þeir vilja það, og orkumálin eiga möguleika að verða heilbrigð upp á nýtt. Þau eru langt frá því að vera það í dag.

Það er gjörsamlega út í hött að hugsa þessi mál án þess að skilja hvað stýrir gerðum hvers og eins í þessum "orkuleik". Peningagræðgi eins og sér er ekki skýringin. Þetta væri auðvelt að leysa ef það væri bara það.