Grikkir eiga fyrir skuldum, eða þannig

Grikkir standa undir skuldum sem nema um 150 prósent af þjóðarframleiðslu, segir gríski seðlabankastjórinn og Telegraph hefur eftir. Reuters vitnar í Spiegel sem segir engin efnahagsmarkmið grísku ríkisstjórnarinnar hafa náðst. Fjárlagahallinn sé meiri en áætlanir sögðu og skatttekjur lægri.

Góðu fréttirnar frá Grikklandi eru þær að gríska ríkið á eignir upp á 300 milljarða evra og það er einmitt fjárhæðin sem landið skuldar.

Grikkir geta því sem best selt allar eigur ríkisins og staðið á sléttu á eftir; fátækir, forsmáðir og fullgildir meðlimir Evrópusambandsins.

Athugasemdir

[Hrafn Arnarson (IP-tala skráð) 29.5.2011 kl. 09:35]

Heildarskuldir eru 330 milljarðar evra. Samkvæmt áætlun á Grikkland að fá lán frá AGS og ESB í lok júní. Vandinn felst í því að lánin virðast ekki tryggja greiðsluhæfi landsins í eitt ár. Í grein í Spiegel er velt upp möguleikum. Kröfuhafar ,s.s. þýskar frármálastofnanir gætu skorið niður(afskrifað) kröfur. Hvaða afleiðingar myndi það hafa fyrir þýskar fjármálastofnanir ef kröfur væru skornar niður um 50%? Að fara í klippingu er það kallað í fjármálageiranum. Sjá grein í Spiegel :http://www.spiegel.de/wirtschaft/unternehmen/0,1518,764996,00.html....

[Ragnhildur Kolka, 29.5.2011 kl. 12:48]

Geta þeir haldið áfram að heita Grikkir, þegar þeir hafa gefið frá sér forræðið á eigin málum og selt undan sér landið sem ól þá?