Marshall-aðstoð til Grikklands

Spiegel tekur saman umræðu síðustu daga um stöðu Grikklands og evrunnar - og þar með Evrópusambandsins. Í samantektinni eru birt sjónarmið úr öðrum þýskum fjölmiðlum. Süddeutsche Zeitung skrifar að Grikkir þarfnist nýrrar Marshall-aðstoðar og er þar vísað í bandaríska peninga eftir seinna stríð til endurreisnar Evrópu.

Skírskotun í Evrópu eftir stríð sýnir hversu yfirþyrmandi fjármálakreppan er orðin í þýskri umræðu. Evran er pólitískt verkefni Evrópusambandsins til að komast á næsta stig samrunaþróunarinnar. En í stað þess að búa í haginn fyrir víðtækari og dýpri samvinnu er evran að ríða sambandinu á slig.

Evrópusambandið kaupir sér tíma og heldur leynifundi um það hvort Grikkland fari úr evru-samstarfinu, afskrifi skuldir eða geri hvorttveggja.

Hvernig sem allt veltur, er Evrópusambandið ekki staðurinn til að var á. Heyrir þú það, Össur?

 

 

Athugasemdir

[Helga Kristjánsdóttir, 11.5.2011 kl. 00:13]

Hann nemur ekki þessa tíðni Páll.

[Hörður Þórðarson, 11.5.2011 kl. 01:07]

Þeim var nær að lána grikkjum svona mikla peninga... Vonandi verða grikkir aðztoðaðir þannig að þeir geti allir hætt að vinna með drjúg eftirlaun þegar þeir eru orðnir 50 ára.