Loddari og lygari: Steingrímur J. og Þorsteinn P.

Steingrímur J. Sigfússon segist hlíta forsögn meirihluta alþingis í Evrópumálum og lætur eins og hann sé ekki hluti af þeim meirihluta og beri þar af leiðandi ekki ábyrgð á umsókninni um aðild að Evrópusambandinu.

Þorsteinn Pálsson sér breiða samstöðu í þjóðfélaginu um aðildarumsókn Íslands. Þessi samstaða hafi verið í felum en þurfi núna að koma fram undir forystu Samfylkingarinnar.

Annar er loddari og hinn lygari.

Athugasemdir

[Vilhjálmur Stefánsson, 7.5.2011 kl. 13:16]

Páll reiknaðir þú með öðru frá þorsteini Pálssyni? þorsteinn Pálsson hefur yfirgefið Sjálfstæðisflokkinn fyrir fult og alt og vonandi hafi hann vit á að láta ekki sjá sig á næsta Landsfundi. það er blettur  á Flokknum að hann skuli titla sig Sjálfstæðismann. Hvað ætli hann hafi í laun fyrir að rita í Baugsmiðilinn?

[Helga Kristjánsdóttir, 7.5.2011 kl. 13:39]

   Þessir tveir eru í L-flokknum saman.  (Landráðafl.) Málsháttur gæti verið svona; Seint leggja lúðar niður lesti sína;

[Guðmundur 2. Gunnarsson (IP-tala skráð) 7.5.2011 kl. 13:47]

Hverju veldur að fjölmiðlar spyrja Þorstein ekki út í hvað hafi breyst varðandi sjávarútvegsstefnu Evrópusambandsins sem breytti hans skoðun frá 1994 í samtali við Morgunblaðið, að hann sjái núna svona brýna ástæðu að þjóðin gangi í það...???

Hefur eitthvað komið fram frá þessum gufukennda litlausa stjórnmálamanni hvað það varðar...???

Í grein Morgunblaðsins stendur ma.:

"Þorsteinn Pálsson sjávarútvegsráðherra telur hagsmuni Íslendinga bærilega tryggða með samningnum um evrópska efnahagssvæðið og við hefðum ekki hag af aðild að Evrópusambandinu. Miðað við þá samninga sem séu í deiglunni milli sambandsins og Norðmanna myndi aðild Íslands að ESB ekki þýða bættan aðgang að Evrópumarkaðnum svo nokkru næmi en hins vegar þyrfum við að fórna yfirráðum yfir auðlindum sjávar.

Þorsteinn segir að Norðmenn séu ekki að bæta markaðsstöðu sína með aðild að ESB svo nokkru nemi. Hins vegar séu þeir að gefa Evrópusambandinu eftir yfirráð yfir norskum sjávarútvegi. 80% af útflutningstekjum Íslendinga komi frá sjávarútvegi og meðan við getum ekki bætt aðgang að Evrópumarkaði með aðild en þyrftum að fórna yfirráðum yfir auðlindinni komi ekki til álita að ganga í sambandið.

Þorsteinn segir Evrópubandalagið skuldbundið til þess að standa við EES-samninginn þótt hin EFTA-ríkin gangi í bandalagið. Þorsteinn segir tæknilegt úrlausnarefni að breyta EES-samningnum í tvíhliða samning milli Evrópusambandsins og Íslands.

"Mér sýnist að við höfum tryggt okkur. Með hinu værum við að fórna yfirráðum yfir landhelginni. Ég held að íslenskir sjómenn myndu aldrei sætta sig við að ákvarðanir um möskvastærð og friðunaraðgerðir með lokun á ákveðnum veiðisvæðum yrðu settar undir valdið í Brussel. Við ætlum okkur að ráða þessari auðlind, hún er undirstaðan undir okkar sjálfstæði," sagði Þorsteinn Pálsson."

 ....

 Það var og ....