Fjölmenning er liðin tíð

Undir formerkjum fjölmenningar ólu vestrænar þjóðir upp hjá sér gettófólk sem fann sig hvorki í menningu þjóðar sinnar né gestaþjóðarinnar. Afleiðingin hjá sumum var brengluð vitund sem öfgatrú átti greiðan aðgang að. Þjóðarleiðtogar Frakka, Breta og Þjóðverja hafa á síðustu misserum hafnað fjölmenningu sem stefnumótun stjórnvalda gagnvart innflytjendum.

Hér á Íslandi ætti opinber stefna að vera sú að auðvelda innflytjendum sem að aðlagast íslensku samfélagi hratt og vel. Kennsla í tungu, siðum og háttum Íslendinga á að vera forgangsmál.

Innflytjendur sem áhuga hafa á að rækta með sér siði upprunalandsins gera það á eigin forsendum, líkt og Íslendingar gera erlendis með sínum félögum og þorrablótum. Það á ekki að vera stefna íslenskra stjórnvalda að búa til menningarkima á Íslandi. Það er andstætt ráðandi hefð hérlendis. 

Koma þarf á miðstöð upplýsinga fyrir innflytjendur

Athugasemdir

[Karl (IP-tala skráð) 17.3.2011 kl. 08:19]

Þú gleymir Hollendingum og Dönum sem voru frjálslyndustu þjóðir Evrópu þar til fyrir skömmu og þær sem opnastar voru fyrir tali um ágæti "fjölmenningar".

Nú hefur þetta algjörlega snúist við í þessum tveimur löndum líka auk Bretalands, Frakklands og Þýskalands.

Ástæðan er augljós.

Sama mun gerast hér hafi það ekki þegar gerst.

[Elín Sigurðardóttir (IP-tala skráð) 17.3.2011 kl. 10:35]

Nýlenduherrar og einræðisherrar eru liðin tíð.

http://www.mbl.is/frettir/innlent/2011/03/16/segir_ad_libia_hafi_fjarmagnad_kosningabarattu_sark/

[Vilhjálmur Grímsson (IP-tala skráð) 18.3.2011 kl. 11:36]

Útlendingar eru að sjálfsögðu velkomnir til landsins, eins og við væntum þess að geta farið til annara landa.

En skilyrðið er þetta:  ,,Vertu grikki á l grikkja og rómverji á meðal rómverja, en taktu ekki þátt í þeirra vondu verkum" eins og skrifað stendur. ,,Fjölmenning" er ávísun á árekstra og ógæfu, því miður.

[Vilhjálmur Grímsson (IP-tala skráð) 18.3.2011 kl. 11:38]

Vertu grikki á meðal grikkja - vildi ég skrifað hafa ...