Leynd til góðs? Tæplega

Í skjóli leyndar gróf um sig krabbamein í fjármálalífi þjóðarinnar sem leiddi til hrunsins haustið 2008. Bankaleyndin var gróflega misnotuð til að fela glæpsamlega fjármálagjörninga. Alþingi fékk skýrslu sem fletti ofan af spillingunni sem þreifst í skjóli leyndarinnar.

Þegar Seðlabanki Íslands heldur leyndarhyggjunni á lofti með því að stimpla sem trúnaðarmál skuldastöðu þjóðarbúsins heggur sá er hlífa skyldi. Seðlabankinn ætti í ljósi hrunsins að leggja sig fram um að upplýsa stærri og smærri kima fjármálalífsins.

Meðvirknin sem formaður fjárlaganefndar sýnir Seðlabankanum bendir ekki til þess að alþingi hafi dregið réttan lærdóm af afleiðingum leyndarhyggju fjármálastofnana.

Gagnrýna leynd um skuldastöðu

Athugasemdir

[Elín Sigurðardóttir (IP-tala skráð) 16.2.2011 kl. 07:40]

Bankaleyndin er gróflega misnotuð til að fela glæpsamlega fjármálagjörninga og ríkisstjórnin er handbendi hryðjuverkamanna.

[gisli (IP-tala skráð) 16.2.2011 kl. 08:12]

hvaða glæpapakk ættum við að kjósa næst

[fridrik indridason (IP-tala skráð) 16.2.2011 kl. 13:58]

nú er búið að birta það sem þór saari kallaði leyniskýrslu seðlabankans. hún sýnir að erlend staða þjóðarbúsins hefur ekki verið betri síðan árið 1989.

[Halldór Jónsson, 16.2.2011 kl. 23:37]

Bankaleynd finnst mér brandari hjá þjóð sem hleypti skattstofunum í alla reikninga landsmanna. Allar stöður eru forprentaðar á skattframtölin. Af hverju ekki að leyfa öllum að vita allt um skuldir og eignir? Svona bananaþjóðfélagi hæfir ekki annað.