Ofris Jóhönnu Sig. og móralskt hrun Samfó

Viðbrögð Jóhönnu Sig. við ógildingu Hæstaréttar á kosningum til stjórnlagaþings mörkuðust af innsæi forsætisráðherra að tiltrú Samfylkingar tapaðist með ógildingunni. Stjórnlagaþingið átti að vera verkfæri Samfylkingar til að brjóta upp þráteflið í tveim mikilvægum málaflokkum, fiskveiðistjórnarkerfinu og ESB-umsókninni.

Allt frá myndun ríkisstjórnarinnar hefur Samfylkingin verið í vörn með stærstu málin sín. Stjórnlagaþingið átti að breyta málefnastöðunni og gefa flokknum sóknarfæri. 

Viðbrögð Jóhönnu Sig. voru tvíþætt. Annars vegar að hlaða undir samsæriskenningar að ,,íhaldið" bæri ábyrgð á niðurstöðu Hæstaréttar og hins vegar að ómerkja niðurstöðuna með því að láta alþingi kjósa ógildu fulltrúana.

Hvorugt seldi og þess vegna blasir við móralskt hrun Samfylkingar. 

Athugasemdir

[Valdimar Samúelsson, 27.1.2011 kl. 21:12]

Þeir hrynja einn af öðrum

[jonasgeir (IP-tala skráð) 27.1.2011 kl. 21:40]

Tetta er svona eins og ad selja gamla ømmu sina...

Tau eiga svo sem ekki mikid meira til ad selja!

[Ragnhildur Kolka, 27.1.2011 kl. 22:08]

Jóhanna birtist alþjóð eins og hreysiköttur sem króaður hefur verið af. Hvæsandi af heift og margra áratuga hatri. Samfylkingarfólk af yngri kynnslóðinni hefur aldrei séð neitt þessu líkt. Það hefur heldur enginn sem ekki er komin yfir miðjan aldur.

Jóhanna var fullfær um að sjá um sína eigin aftöku sjálf.

[ransý (IP-tala skráð) 28.1.2011 kl. 01:44]

 Ætli Jóhanna hafi fengið að sjá upptökur  af sjálfri ser þetta umrædda stórkostlega kvöld  brjálseminnar ??   Toppaði allt og gott betur ! 

[Adda Þorbjörg Sigurjónsdóttir, 28.1.2011 kl. 06:40]

Við þurfum að setja þingheim í þvottavélina. Prófkjör og kosningar takk.

[Vilhjálmur Grímsson (IP-tala skráð) 28.1.2011 kl. 11:55]

Já, Adda, en Stalín notaði reyndar ekki þvottavélar í svona hreinsun ...