Jón Ásgeir stefnir fréttamanni RÚV

Jón Ásgeir Jóhannesson kenndur við Baug telur sig vera yfir aðra dauðlega menn hafinn. Hann telur sjálfsagt að eiga stóra sneið af fjölmiðlamarkaðnum á Íslandi og nota þau yfirráð til að draga fjöður yfir fjármálaglæpi sem hann að aðrir auðmenn bera ábyrgð á. Jafnframt beitir Jón Ásgeir hótunum í garð þeirra sem ekki eru á mála hjá honum og segja fréttirnar eins og þær koma fyrir.

Jón Ásgeir hefur stefnt Svavari Halldórssyni fréttamanni RÚV fyrir fréttaflutning um fjárhagslega snúninga Jóns Ásgeirs og félaga.

Dómsmálið verður prófsteinn á það hvort auðræði ríkir enn á Íslandi.

 

Athugasemdir

[Hrafn Arnarson (IP-tala skráð) 27.12.2010 kl. 13:45]

Þetta er afar merkilegt mál. Fréttir eru væntanlega ekki á ábyrgð hvers einstaks fréttamanns. Sérstaklega ekki fréttir um jafn mikilvæg mál. fréttastjóri hlýtur að hafa gefið grænt ljós og fréttastofan hlýtur að standa við fréttina. Hitt er ljóst er Jón Ásgeir er að reyna að hræða fréttamenn og beitir til þess valdi. Það er vægt til orða tekið viðbjóðslegt. Var ekki nægilegt að leiðrétta ranga frétt með yfirlýsingu? Blaðamannafélagið á væntanlega eftir að láta í sér heyra og vonandi allir þeir sem láta sig mannréttindi varða.

[jonasgeir (IP-tala skráð) 27.12.2010 kl. 14:21]

Hvar nu tetta undarlega bladamannafelag?

..Tegar kærandi er eigandi samfylkingarmidlanna.

Hvar eru yfirvøldin godu i stjornarradinu og rikisbankin Landsbankin?

Hvar er rikistjornarmidillinn RUV?

Hvar er audrædid?

Tad skyldi to ekki liggja tar sem politikusar keppast um ad auka aløgur venjulegs vinnandi folks og hefta almennt frelsi teirra ? ...Tvi ta verdum vid øll svaka finir og tryggir kunnar audrædisins....

[Guðmundur 2. Gunnarsson (IP-tala skráð) 27.12.2010 kl. 17:02]

Hvað varð um lögsóknina hans á hendur Davíð Oddssyni vegna bolludagsummælanna frægu..???

[Björn (IP-tala skráð) 27.12.2010 kl. 17:11]

Þetta lið er búið að hóta svo mörgum málsóknum að þetta er brandari. Ég hef engar áhyggjur að Svavar verði ekki sýknaður. Vona að þetta snúist bara í höndunum á þeim og leiði til þess að meiri skítur fljóti upp á yfirborðið.

Opin réttarhöld takk fyrir!!!

[Svavar Bjarnason, 28.12.2010 kl. 18:14]

Er það ekki dæmigert fyrir siðlausa fjárglæpamenn eins og Pálma og Jón Ásgeir að ætla að þagga niður í blaðamanni sem vogar sér að rýna í þeirra glæpaverk?