Valdaskak, íþróttamál og brussur

Kappleikjavæðing stjórnmálaorðræðunnar er afleiðing af breytingum sem hafa orðið á stjórnmálum. Völd mæld í sigrum eru upphaf og endir á pólitík. Ólína Þorvarðardóttir þingmaður Samfylkingar gangrýndi Lilju Mósesdóttur þingmann Vinstri grænna að vera ekki góður liðsmaður og taka þátt í að byggja upp liðsheild.

Kappleikir ganga út á að vinna sigur. Stjórnmál eiga að snúast um almannahagsmuni. Þegar orð og orðasambönd úr íþróttamáli, t.d. ,,fara í manninn en ekki boltann", er það á kostað hugmynda og hugtaka sem til skamms tíma þóttu gjaldgeng í stjórnmálum, s.s. sanngirni, velferð, mennt og menning.

Málefnasinnaðir þingmenn eins og Lilja eiga undir högg að sækja en brussurnar þrífast í valdaskakinu. 

Lilja: „Var vöruð við rætni“

Athugasemdir

[Sigurður Þorsteinsson, 23.12.2010 kl. 16:54]

Ólína var skólameistari á Ísafirði. Fyrst skipti hún kennaraliðinu upp í hina og liðið með rauðu kúluna á nebbanum. Hinir voru vondu mennirnir, líka þeir sem vildu vera hlutlausir þeir voru verstir, og svo var það góða liðið. Góða liðið merkti sem með rauðu kúlunni góðu. Ólína öskraði á  hitt liðið en ekki góða liðið. Þeir voru í liðinu hinir ekki.

Síðan skiptist rauðkúluliðið upp góða rauðkúluliðið og slæma rauðkúluliðið. Ólína fór að öskra á slæma rauðkúlulið eins og hitt liðið. Nú voru bara 3 eftir í rauðkúluliðinu. Ólína, eiginmaðurinn og náinn fjölskylduvinur. 

Menntamálaráðuneytið varð að gera starfslokasamning við Ólínu, sem var sem sagt rekinn. Inn á Alþingi, þar sem hún af heimspekilegri visku fjallar um góða liðið og hitt liðið. Hvað það þýðir að vera í liðinu og að vera ekki í liðinu. Ekki er vitað til þess að Ólína hafi lagt neitt annað gott til málanna en visku sína á liðsheild. 

[Rósa (IP-tala skráð) 23.12.2010 kl. 17:05]

Heyr, heyr, SIGURÐUR.

[Baldur Hermannsson, 23.12.2010 kl. 18:04]

Rétt og þó ekki alveg rétt. Ólína sprakk á limminu og sagði upp. Ráðherra tók við uppsögninni enda ekki um annað að ræða. Þá gerði Ólína kröfu um starfslokasamning....full laun í 4 ár. Til þess lágu engin efni og kröfunni var fálega tekið. Þá gekk Ólína á fund Þorgerðar Katrínar og orgaði hástöfum uns Þorgerður lét undan.

Fáum við laun í 4 ár þegar við segjum upp störfum? Frekjan í Ólínu og bruðlið í Þorgerði Katrínu eiga því miður vel saman.

[Helga Kristjánsdóttir, 23.12.2010 kl. 23:33]

  Alltaf í boltanum strákar. Ólína segir Lilju vera rangstæða,hún er það bara ekki,hún skorar grimmt og löglega.