Ríkisstjórnin og glæpafélögin

Útrásarfélögin íslensku voru glæpafélög. Verðið á glæpafélögum er eðlilega hærra en verðlagning á félögum með löghlýðið viðskiptamódel. Glæpafélögin teljast hafa heimild til að brjóta lög og stunda óáreitt viðskiptahætti sem ekki eru leyfðir í siðuðum samfélögum.

Ríkisstjórnin hefur ekkert gert til að stemma stigu við glæpavæddum atvinnurekstri á Íslandi. Þess vegna sitja bankar uppi með gjaldþrota félög er hafa verðmiða glæpareksturs. Sjálfur Landsbankinn, sem er í eigu ríkisins, styður glæpavæddan rekstur 365-miðla og sturtar peningum í baugshjónin sem eiga félagið. Siðlausa viðskiptahætti sína rökstyður Landsbankinn með því að glæpafélög eru best komin í höndum dæmdra afbrotamanna sem kunna að fullnýta heimildir til glæpa. Landsbankinn fjármagnar þar með tilraun til að gera Ísland að ræningjasamfélagi.  

Ríkisstjórnin þarf að gjaldfella rekstur glæpafélaga með því að setja lög sem reisa skorður við glæpafélögum. 

Athugasemdir

[Elín Sigurðardóttir (IP-tala skráð) 2.12.2010 kl. 10:43]

Til hvers þarf lög? Vinstri grænir eru búnir að fá lítið og sætt Spillingarrannsóknarsetur sem heyrir undir Ríkisendurskoðun Samfylkingar. Þar fá þeir að dunda sér í friði og una glaðir við sitt.

[Guðmundur 2. Gunnarsson (IP-tala skráð) 2.12.2010 kl. 12:43]

Það eru litlar líkur á að slíkt verði gert, á meðan forsætisráðherra, iðnaðarráðherra og viðskiptaráðherra hafa öll þegið mútufé frá Jóni Ásgeiri.