Þjófnaður klæddur í lán

Útrásin var öðrum þræði blekking uppskrúfaðs hlutabréfaverðs en hinum þræðinum þjófnaður undir yfirskini viðskiptagjörninga. Nokkrir yfirmenn Baugs gerðu samninga við félagið um að fá lán með þeim skilmálum að þurfa ekki að borga tilbaka fari allt á versta veg. Í frétt RÚV um málið segir eftirfarandi

Starfsmennirnir halda því fram að samningarnir sem þeir gerðu á sínum tíma við Kaupþing, Baug og BGE haldi en þar segir að ekki verði gengið á persónulegar eigur þeirra fari allt á versta veg.

Allir sem einhvern tíma hafa tekið lán vita hvað ,,fari allt á versta veg" þýðir - að maður geti ekki borgað lánið. Þetta gildir fyrir venjulegt fólk en ekki útrásarliðið. Yfirmenn Baugs tóku lán hjá fyrirtækinu sem þeir ætluðu aldrei að borga. ,,Greiðsluvilji" baugsmanna stóð til annars en að borga skuldir sínar.

Athugasemdir

[Hlynur Jörundsson (IP-tala skráð) 23.11.2010 kl. 09:17]

Og munurinn á þessu og kúlulánum og því sem búið er að afskrifa milljarða af .... er .... hver ????  Enginn.

Starfsmaður banka sem fær 1 og 1/2 milljarð að láni og nýtur góðs af en fær svo afskrift þegar bankinn (skuldin) fellur .... er fórnarlamb ???? Konan hans saklaus vegfarandi ??

Hver var greiðsluvilji fólksins sem hafði aldrei kaupgetuna ?

Svo það er gott betur meira en útrásin sem var þjófnaður í formi lána. Svo hvað skeður ef baugsaðilar verða dæmdir til að borga ? Taka bankar og aðrir upp gömul mál ????

Neibb, vandamálið er ekki útrásin, útrásin var afleiðing. Þessi rörsýni á útrásina leiðir því miður til þess að ekkert lagfærist í íslensku þjóðfélagi og nú er komin 2 ár. Útrásin var afleiðing ....  koma svo .... skilgreinum vandamálið .... sem er siðferðisleg og lagaskortsleg. Kallað spilling og spillt hugarfar.

Eða finnst þér eðlilegt að sjá enn þann dag í dag nýtt og nýtt hneyksli í fréttum ?