Steingrímur J. mjatlar milljónum í sitt fólk

Það er gott að eiga fjármálaráðherra úr sínu kjördæmi, eins og sést á forsíðu Fréttablaðsins í dag. Eigendur meðferðarheimilis fengu sérmeðferð hjá Steingrími J. Sigfússyni fjármálaráðherra og 30 milljónir króna. Tölvupóstur sem Steingrímur J. sendi félaga í spillingunni, Árna Páli þáverandi félagsmálaráðherra, er lýsandi fyrir hugarfar nýju valdhafanna.

Sæll félagi! Það er mjög að hitna í kolunum fyrir norðan út af samskiptum Braga/Barnaverndarstofu og Árbótarheimilisins.

Orðalagið ,,fyrir norðan" er lykillinn. Steingrímur J. reddar sínu fólki. Þorvaldur Lúðvík Sigurjónsson forstjóri Sögu banka er skjólstæðingur Steingríms J. úr kjördæminu. Saga fékk sérmeðferð hjá fjármálaráðuneytinu og var bjargað frá gjaldþroti. Þorvaldur Lúðvík er grunaður maður í sakamáli er tengist Glitnis-svindli en situr áfram í stól forstjóra enda kominn i skjól fjármálaráðherra.

Valdaelítan sem er að koma sér fyrir í stjórnarráðinu er löðrandi í spillingu.

Athugasemdir

[Karl (IP-tala skráð) 22.11.2010 kl. 08:53]

Ógeðsleg spilling og kjördæmapot.

Þannig kaupa menn sér atkvæði.

Þetta er ólýðræðislegt.

Þessi stjórn er engu betri en fyrri ríkisstjórnir.

Ekki undarlegt að fólk hafi enga trúa á stjórnmálamönnum.

Tímabært er að þeir sem styðja þessa ríkisstjórn og bera þannig á henni ábyrgð horfist í augu við staðreyndir málsins.

Þetta fólk er jafn spillt og óhæft og liðið sem við komum frá völdum í búsáhaldabyltingunni.

[Guðmundur 2. Gunnarsson (IP-tala skráð) 22.11.2010 kl. 17:07]

Þetta er Nýja Ísland fyrstu hreinu vinstristjórnarinnar.