Aularök Þorsteins Pálssonar

Samlíking Þorsteins Pálssonar á upplýsingum um ESB annars vegar og hins vegar forvirkum rannsóknaraðferðum er aulaleg í besta falli. Efni og umræða um Evrópusambandið er til á óteljandi vefsetrum og öðrum fjölmiðlum. Forvirkar rannsóknaraðferðir eru sérúrræði lögreglu og afkimaumræða. Samlíkingin sýnir inn í ruglheim helsta sjálfstæðismannsins úr röðum aðildarsinna.

Ógrynni upplýsinga liggja fyrir um Evrópusambandið. Þeir sem nenna kynna sér þær. Þorsteinn og aðildarsinnar reyna að telja fólki trú um að upplýsingar sem fást með mútuferðum til Brussel eða í aðildarviðræðum bæti einhverju við um það sem þekkt er og vitað um Evrópusambandið. 

Í kjánaheimi Þorsteins og félaga mun Evrópusambandið breytast í veigamiklum atriðum við inngöngu Íslands. Við eigum sem sagt að trúa því að samband 500 milljóna Evrópubúa breytist við að 300 þúsund Íslendingar gangi inn.

Eiga ekki að hræðast upplýsingar

Athugasemdir

[Þráinn Jökull Elísson, 16.11.2010 kl. 18:43]

Orð Þorsteins koma mér ekki á óvart. Alveg í anda íhaldsins.

[Einar Solheim, 16.11.2010 kl. 18:45]

Það eru bara þú og þínir sem kallið þetta mútuferðir. Þetta eru kynningarferðir, og ekki veitir af því að hafa þær sem flestar. Það ætti jafnvel að bjóða þér þar sem skrif þín bera það með sér að þú ert haldinn gífurlegum ranghugmyndum um Evrópusamstarfið. Það er hins vegar annað mál hvort þú búir yfir þeim hæfileikum að geta skipt um skoðun... held ekki.

[Gunnar Magnússon (IP-tala skráð) 16.11.2010 kl. 18:58]

ÆÆ Palli ansi erfitt að fá almennileg rök í andlitið..

[Hasi, 16.11.2010 kl. 18:59]

Dæmi um þetta eru þau aularök borgarfulltrúa R-listans að „verkefnaval hljómsveitarinnar eigi ekki að vera pólitískt.“ Og hvað með það? Er það sem sagt náttúrulögmál að um leið og ríki eða sveitarfélag greiði til menningarstofnunar og eigi fulltrúa í stjórn, hljóti viðkomandi fulltrúi að vasast í því hver eigi að spila þriðju fiðlu eða hvort Atli Heimir verði á efnisskránni?“

[Jón Steinar Ragnarsson, 16.11.2010 kl. 19:05]

Erópuwambandið i tlviatarkreppu. Evran að falla og ef hún gerir það, þá hrynur sambandið ef marka má Rompoy (eða hvað han heitir) og Angelu Merkel.

Nú eru þeir farnir að neyða neyðarlánum upp á Portúgli Grikkja og Íra. Ekki til að bjarga þeim, heldur evrunni.

Hvað þarf að gerast til að trúboðið hér komi út úr trúarvímunni? Munu þeir boða það eftir að það er hrunið?

[Guðmundur 2. Gunnarsson (IP-tala skráð) 16.11.2010 kl. 19:45]

Hvenær ætli Þorsteinn hafi blindast af Brussel-villuljósinu?  Var það fyrir eða eftir að hann fór að taka á móti greiðslum frá Jóni Ásgeir, sem keypti hann til að reyna að fá með honum trúverðugleika fyrir Baugsmiðlana?  Vonandi hafa mútumilljarðarnir 4+ ekki haft áhrif á þennan virtasta sjálfstæðismann hjá samfylkingarliðum. 

Eftirfarandi er úr viðtali við Þorstein um Evrópusambandið sem hann veitti Morgunblaðinu.:

"Þorsteinn Pálsson sjávarútvegsráðherra telur hagsmuni Íslendinga bærilega tryggða með samningnum um evrópska efnahagssvæðið og við hefðum ekki hag af aðild að Evrópusambandinu. Miðað við þá samninga sem séu í deiglunni milli sambandsins og Norðmanna myndi aðild Íslands að ESB ekki þýða bættan aðgang að Evrópumarkaðnum svo nokkru næmi en hins vegar þyrftum við að fórna yfirráðum yfir auðlindum sjávar.

Þorsteinn segir að Norðmenn séu ekki að bæta markaðsstöðu sína með aðild að ESB svo nokkru nemi. Hins vegar séu þeir að gefa Evrópusambandinu eftir yfirráð yfir norskum sjávarútvegi. 80% af útflutningstekjum Íslendinga komi frá sjávarútvegi og meðan við getum ekki bætt aðgang að Evrópumarkaði með aðild en þyrftum að fórna yfirráðum yfir auðlindinni komi ekki til álita að ganga í sambandið.

Þorsteinn segir Evrópubandalagið skuldbundið til þess að standa við EES-samninginn þótt hin EFTA-ríkin gangi í bandalagið. Þorsteinn segir tæknilegt úrlausnarefni að breyta EES-samningnum í tvíhliða samning milli Evrópusambandsins og Íslands.

"Mér sýnist að við höfum tryggt okkur. Með hinu værum við að fórna yfirráðum yfir landhelginni. Ég held að íslenskir sjómenn myndu aldrei sætta sig við að ákvarðanir um möskvastærð og friðunaraðgerðir með lokun á ákveðnum veiðisvæðum yrðu settar undir valdið í Brussel. Við ætlum okkur að ráða þessari auðlind, hún er undirstaðan undir okkar sjálfstæði," sagði Þorsteinn Pálsson."

 Hefur eitthvað breyst hjá Evrópusambandinu hvað varðar sjávarútvegsmál eða auðlindir þjóða sem þangað ganga inn?

[Örlygur Ormarr (IP-tala skráð) 16.11.2010 kl. 21:22]

Sæll Páll

Af hverju er svona mikið af fíflum í kringum þig ?

í Kastljósþætti síðastliðinn sunnudag enduðu vel flestar athugasemdir þínar á " þetta er rugl" . Og hér heldur þú áfram. Orðið rugl er algengt. Aukinheldur finnst mér fyrirsögnin ansi vafasöm... Aularök og kjánaheimur. Að beita slíku  óræðu og gildishlöðnu orðalagi er einfaldlega ekki boðlegt. Og þér ekki þér til framdráttar í baráttu þinni gegn aðild Íslands að evróusambandinu  Ég er reyndar einn af mjög mörgum, sem er þér ósammála í þessu máli.

Svo það sé á hreinu. 

Þjóðin ber hins vegar á endanum hina pólítísku ábyrgð. Og ég hlýt að spyrja þig af hveju skyldi það vera vont ? 

Um leið vil ég benda þér á áhugaverða grein eftir Odd Ástráðsson á Smugan.is

[Páll (IP-tala skráð) 16.11.2010 kl. 21:38]

Það þýðir ekkert að ræða við hann nafna minn. Hann gólar bara "bull", "aulaháttur" og "kjánar" til baka. Hann gæti ekki breytt eða hnikað eintrengislegri skoðun sinni þó líf mannkyns lægi að veði. Ágætt dæmi um rökþurrð Páls má finna á vefnum kannski.is fyrir þá sem vilja koma ér upp lærðri skoðun.

[joi (IP-tala skráð) 16.11.2010 kl. 21:38]

Hélt nú að Þorsteinn Pálsson gæti betur en þetta. Þetta voru hálf klén rök hjá honum. Það er satt hjá Páli. Ekki viss um að ESB sinnar hafi fengið mikið af fólki til fylgis við sig eftir þennan langhund Þorsteins.

[JR (IP-tala skráð) 16.11.2010 kl. 21:56]

Páll Vilhjálmsson, ef það er ekki lygi sem þú skrifar, þá hagræðir þú sannleikanum  allt vegna einræðu þinnar um ESB  !

[Örlygur ormarr (IP-tala skráð) 16.11.2010 kl. 22:56]

Varðandi orðræður Þorsteins Pálssonar og rök þá bara þetta: Ef menn og konur eru honum ósammála og færa fyrir því rök þá er það eitthvað sem ber að virða og það mun skila sér í væntanlegum kosningum um aðild okkar að ESB.

En orðhengilsháttur og gildishlaðin hugtök án innihalds. Það er ekki boðlegt.

[Guðmundur 2. Gunnarsson (IP-tala skráð) 16.11.2010 kl. 23:59]

Svona til að aðstoða ykkur landsölumenn, þá mælist þið nákvæmlega 19% þjóðarinnar sem hafið ekki kynnt ykkur hvað Evrópusambandið stendur fyrir. 

Nú er augljóst að óánægja ykkar í garð Páls byggist á þeirri staðreynd sem hann bendir á, að ekkert mál er að kynna sér fyrir hvað ESB stendur, og varla þarf 4 - 5 milljarða í glansbæklinga og dúkkulísudót frá Brussel, svo þið sem augljóslega hafið ekki kynnt ykkur málin drullist til þess.  Við hinir höfum kynnt okkur eins og td. Lissabon-sáttmálann sem segir allt um  Evrópusambandið sem er um það að segja.  Síðan tekur maður mark á öllum frammámönnum Evrópusambandsins sem segja að engar varanlegar undanþágur er hægt að fá frá reglunum.

"Það er ekki hægt að fá neinar varanlegar undanþágur frá lögum ESB," sagði Stefan Füle, stækkunarstjóri Evrópusambandsins, á blaðamannafundi í Brussel þegar spurt var út í sjávarútvegsstefnu sambandsins.  Spænskur blaðamaður spurði Össur Skarphéðinsson utanríkisráðherra hvaða atriði hann væri ekki tilbúinn til að gefa eftir í viðræðum við ESB um sjávarútvegsmál. Össur sagðist leggja áherslu á að sjávarútvegur hefði gríðarlega þýðingu fyrir efnahag Íslands og eins að fiskveiðilögsaga Íslands snerti ekki fiskveiðilögsögu neinna landa í ESB. Fiskveiðistefna ESB gerði ekki ráð fyrir slíkri stöðu og því þyrfti að taka tillit til þess.  Eftir að Össur hafði svarað spurningunni bætti Füle við.: "að í sambandi við þessi mál yrði að hafa í huga að ESB veitti ekki varanlegar undanþágur frá lögum sambandsins." 

Olli Rehn, stækkunarmálastjóri Evrópusambandsins, sagði í viðtali við Fréttablaðið 8. nóvember sl. að.: "engin fordæmi væru fyrir varanlegum undanþágum frá sameiginlegri sjávarútvegsstefnu sambandsins." Rehn er þó langt því frá fyrsti forystumaður Evrópusambandsins sem tekið hefur þetta fram en það gerði t.a.m. Franz Fischler, þáverandi sjávarútvegsstjóri sambandsins, ítrekað á sínum tíma og benti jafnframt á.: "að slíkar varanlegar undanþágur væru einfaldlega ekki í boði."

Í viðtali Fréttablaðsins við Olli Rehn kom fleira athyglisvert fram. Þar sagðist hann einnig.: "vera þess fullviss að Ísland gæti uppfyllt aðildarskilyrðin í sjávarútvegsmálum og lagað sig að sameiginlegri sjávarútvegsstefnu ESB." Ísland á m.ö.o. að laga sig að sjávarútvegsstefnu Evrópusambandsins en það er hins vegar alls ekki í boði að sjávarútvegsstefna sambandsins verði löguð að hagsmunum Íslendinga. Þetta er í fullu samræmi við reynslu Norðmanna af síðustu aðildarviðræðum þeirra við Evrópusambandið fyrir um 15 árum síðan. Þeim var aðeins boðið upp á tímabundinn aðlögunartíma að sjávarútvegsstefnu sambandsins en varanlegar undanþágur voru ekki frekar í boði þá en í dag.

Emma Bonino, framkvæmdarstjóri sjávarútvegsmála ESB sagði í viðtali við Morgunblaðið 1995 að.: "Ísland fengi ekki full yfirráð yfir fiskveiðilögsögu sinni heldur yrði eins og önnur aðildarlönd að gangast undir hina sameiginlegu fiskveiðistefnu ESB." Og hún sagði einnig.: "Meginreglan er sú að sameiginleg stefna er öllum sameiginleg, hvort sem um er að ræða fiskveiðar eða landbúnað. Sami rammi gildir fyrr alla." Norski stjórnmálaforinginn Erik Solheim sagði.: "Það er mjög lítill skilningur innan EB á sérstöðu Norðmanna. Fiskurinn er undirstaða búsetu eftir allri strandlengju Noregs. Þessu hefur EB ekki sýnt áhuga."  Evrópumálaráðherra Frakklands, Pierre Lellouche sagði.: "Ísland verður að verða meðlimur með sömu skilyrðum og allir aðrir. Það geta ekki orðið neinar styttri leiðir í því sambandi."

Aftenposten sagði í grein fyrir skömmu um aðlögunarferli Íslands, að ESB hafi haldið því fram að ekki verði hægt að bjóða Íslendingum varanlegar undanþágur frá sjávarútvegsmálum, en að hægt sé að ræða um aðlögunaraðgerðir. Nefnd eru dæmi um undanþágur sem önnur lönd hafi fengið. Svo sem um snus-sölu í Svíþjóð og nautaat á Spáni.  Kannski fengjum við undanþágur með að naga súra punga, hákarl og sviðakjamma, sem örugglega samræmist ekki ESB reglugerðunum.  En það yrðu ekki varanlegar undanþágur, heldur aðeins til aðlögunar og fella niður eftir 10 ár. 

Við aðild að Evrópusambandinu heyrði íslenska fiskveiðilögsagan sögunni til og yrði eftirleiðis aðeins hluti af "Evrópusambandshafinu."  Öll yfirstjórn sjávarútvegsmála Íslendinga yrði færð til sambandsins. Þar yrðu teknar allar veigameiri ákvarðanir um íslensk sjávarútvegsmál. Aðkoma Íslendinga að þeim málum yrði eftir það nánast engin enda fer vægi aðildarríkja Evrópusambandsins innan þess fyrst og fremst eftir því hversu fjölmenn þau eru. Samkvæmt þeirri meginreglu sambandsins yrði vægi Íslands lítið sem ekkert og allir möguleikar til áhrifa eftir því. Þ.m.t. á sjávarútvegsmálin. 

Allt tal um varanlegar undanþágur er blekking.  Látið er í veðri vaka að Íslendingar geti í fengið varanlega undanþágur frá sameiginlegri fiskveiðistefnu og landbúnaðarstefnu ESB. Það stenst enga skoðun sæmilega skarps skólakrakka.  Rétt er að ESB hefur oft veitt nýju aðildarríki tímabundnar undanþágur frá stefnu sambandsins og gefið leyfi fyrir einhverjum sérlausnum. Tilgangurinn er aðeins að eyða andstöðu við aðild í hinu nýja aðildarríki og gefa þjóðinni tíma til að aðlagast Brussel dýrðinni. Þessar undanþágur og sérlausnir eru aldrei varanlegar undanþágur. Þegar hveitibrauðsdögunum lýkur hverfa þessar undanþágur.  76 af 77 undanþágum Maltverja eru úr gildi fallnar, og sú eina sem er eftir er ekki sér Maltversk, heldur nauða ómerkilegt atriði tengt sjávarútveg sem einnig má finna hjá öllum öðrum strandríkjunum Evrópusambandsins.  Þar fóru allar stóru yfirlýsingarnar um undanþágurnar 77.

Svo er bara að lesa Lissabon-sáttmálann og koma aftur og reyna að taka þátt í rökræðum skammlaust.

[Sigurður Sigurðsson, 17.11.2010 kl. 01:15]

svakalega var þetta langt hjá þér Guðmundur 2. Gunnarsson.

Afhverju ekki bara hafa þetta einfalt og stutt. 

Dabbi er góður

Evrópusambandið er vont. 

[Helga Kristjánsdóttir, 17.11.2010 kl. 02:35]

   Viðurkennið það bara þið ráðið ekkert við andstæðinga aðildar,rökin eru  skotheld.

[Guðbjörn Guðbjörnsson, 17.11.2010 kl. 07:54]

Þú vinnur að því að kljúfa Sjálfstæðisflokkinn og það er ekki slæmt!

Ég vinn að því að búa til valkost fyrir þá sem flúið hafa flýja munu og við skulum bara báðir halda okkar vinnu áfram! 

[Gunnlaugur I., 17.11.2010 kl. 08:22]

Guðbjörn Guðbjörnsson:

Eftir að þú og tveir aðrir gengu út af Landsfundi Sjálfstæðisflokksins síðast af því að yfirgnæfnadi meirihluti fólksins þar vildi ekkert ESB og ekkert kannski heldur, þá hefur fylgi flokksins stóraukist jafnt og þétt.

Fylgið við ESB aðild er sáralítið og nánast einangrað við forystu Samfylkingarinnar og svo jú meðal örfárra annarra sérvitringa eins og þín og svo að sjálfssögðu meðal leigupenna Baugs og þeirrar glæpaklíku allrar sem heldur enn úti fjölmiðlaveldi til að útbreiða ESB áróðurinn og jafnframt verja sín glæpaverk gagnvart þjóðinni.  

En einnig eru þarna styrk- og bótaþegar ESB Elítunnar beint eða óbeint. 

Þessi fámenna ESB hjörð íslenskra landsölumanna er ekki gæfuleg og á enga framtíð fyrir sér ! 

[Jón Steinar Ragnarsson, 17.11.2010 kl. 09:12]

Það er nú ekki eins og trúverðugleikinn og málefnalegheitin séu reidd í böggum hjá aðildarsinnum sem tjá sig hér. Þetta eru heklerar og tröll sem eru hér til að spilla umræðunni. Vantar bara Steina Briem, en líklega búið að loka á hann, eðlilega.

Rétt væri að loka á þá alla því frá þeim kemur ekkert nema skætingur og fíflagangur.

[Guðmundur 2. Gunnarsson (IP-tala skráð) 17.11.2010 kl. 18:32]

Guðbjörn.  Heldurðu virkilega að þú ert af því kaliberi að taka atkvæði af Sjálfstæðisflokknum, og ef svo er ...hvert, -  fyrir utan þitt... ???