Sekt og sýkna útrásarauðmanna

Í réttarríki tekur dómskerfið sinn tíma til að dæma í málum. Sakborningar njóta ítrustu réttarverndar enda almennt litið svo á að betra sé að níu sekir gangi lausir fremur en að einn saklaus fái dóm. Í þessu skjóli standa útrásarauðmenn og verjendur þeirra.

Almenningur veit á hinn bóginn, burtséð frá öllum dómsmálum, að útrásarauðmenn eru sekari en syndin. Afbrot útrásarauðmanna eru stórfelld fjármálaspilling þar sem lögum og reglum var ýtt til hliðar til að fáeinir mættu raka til sín ólögmætum ofsagróða á kostnað almennings.

Almenn samstaða er í þjóðfélaginu að útrásarauðmönnum skuli úthýst frá endurreisninni og sú samstaða verður auðmönnunum á endanum dýrkeyptari en dómsniðurstöður réttarkerfisins.

Vísar túlkun Glitnis á bug

Athugasemdir

[Robert (IP-tala skráð) 8.11.2010 kl. 12:47]

Sammála þér, það má ekkert gefa eftir með þessi skipulögðu glæpaverk, verði eitthvað gefið eftir með þessi mál, þá verður ekkert samfélag byggt hér aftur, þá verður þetta bara til frambúðar samskonar þjófa og glæpabæli sem það hefur verið í mörg ár.

[Viggó Jörgensson, 8.11.2010 kl. 13:12]

Þetta heitir fjármálaverkfræði Páll.

Hannes lærði hana í Ameríku. 

Sömuleiðis Þorsteinn Jónsson í Vífilfelli,

Árni Hauksson og Hallbjörn Karlsson í Húsasmiðjunni o. fl. 

Nú hafa þessir menn starfsheitið fjárfestar.  

[Karl (IP-tala skráð) 8.11.2010 kl. 14:48]

Þetta er í besta falli óskhyggja.

Sama fólkið er enn í pólitíkinni.

Og í "viðskiptalífinu".

Hér verður engum úthýst.

Glæpamönnunum er meira að segja hlíft við að fara í steininn.

Einn ömurlegur gamall stjórnmálakall, í besta lagi meðalmenni, verður deginn fyrir rétt.

Þetta er hrein óskhyggja.

Hér breytist ekki neitt.

[Sigurður Haraldsson, 9.11.2010 kl. 08:48]

Það er okkar að eiða þessum svokölluðum fjárfestum! Við höfum ekkert val ef við ætlum að búa landið áfram því að á því rúmast ekki fjársvikaglæframenn!