Geir H. er samfylkingarsekur

Samfylkingarsekt er nýtt hugtak í opinberri umræðu og runnið undan rifjum þingflokks Samfylkingarinnar sem ákvað að Geir H. Haarde skyldi bera sök hrunráðherra Samfylkingarinnar. Samfylkingarsekt er að klína eigin sök á annan.

Forysta Samfylkingar kann þá list betur en flestir að kenna öðrum um eigin misgjörðir. Samfylkingin braut auðmönnum leið til áhrifa í íslensku samfélagi með því að gerast sérstakur talsmaður og málssvari óhefluðustu auðmannanna s.s. Jóns Ásgeirs Jóhannessonar. Á alþingi gerði Samfylkingin úti um möguleika ríkisvaldsins til að koma böndum á yfirgang auðmanna með því að stöðva fjölmiðlafrumvarpið vorið 2004. Samfylkingin kennir svo Davíð Oddssyni um að hafa komið auðmönnum til vegs og valda.

Menn geta borið samfylkingarsekt með reisn.

 

Ekki sekur frekar en Brown eða Bush

Athugasemdir

[Guðmundur (IP-tala skráð) 3.10.2010 kl. 13:27]

Auðvitað er þetta hápólitískt en varla hægt að kenna samfylkingunni einni um það. Það var t.d. ekki einn sjálfstæðisþingmaður með aðra skoðun en formaðurinn sem var að sjálfsögðu að verja sína menn. Það segir okkur kannski eitt og annað að sumir samfylkingarmenn vildu senda alla fyrir landsdóm. En ljóst er þó að meirihluti samfylkingarmanna var að gera nákvæmlega það sama og sjálfstæðismenn þ.e. verja sitt fólk. Ekki er það faglegt heldur pólitískt.

Það er kannski ekki hægt að segja það hreint út að Geir beri ábyrgð á hruninu en hann hlýtur þó að bera ábyrgð á störfum sínum líkt og ætti að eiga við um fleiri.

Og úr því að minnst er á Davíð, þá er það alveg ljóst að í hans tíð sem forsætisráherra var ákveðnum aðilum afhentir bankarnir á silfurfati og ekki gerðar nægilegar ráðstafanir til að marka þeim brautir til að vinna eftir. En hann var ekki einn á ferðinni þar.

Ég vill láta rannsaka einkavæðingu bankanna en það er alveg ljóst að sjálfstæðismenn og framsóknarmenn vilja það ekki. Afhverju skyldi það vera?

[Elín Sigurðardóttir (IP-tala skráð) 3.10.2010 kl. 13:34]

Hvernig ferðu að því að aðgreina Davíð og Kjartan frá Landsbankanum og Baugi?

http://eyjan.is/2010/02/17/samkvaemismynd-ur-skidaskala-jons-asgeirs-varpar-ljosi-a-nain-tengsl-baugs-og-landsbankans/

[Helgi (IP-tala skráð) 3.10.2010 kl. 21:11]

Sæll.

Guðmundur, það er búið að rannsaka einkavæðingu bankanna tvisvar, þú getur ábyggilega nálgast eina af þeim rannsóknum af vef ríkisendurskoðunar. Hvað með einkavæðingu bankanna frá 2008 -2010. Hverjir eiga bankana núna? Veit einhver það? 

Dabbi vildi dreifða eignaraðild en fékk sínu ekki fram. Hafðu staðreyndirnar á hreinu.