Gjaldþrot og endurreisn

Á útrásartíma bólgnaði út rekstur sem ekki stenst í venjulegu árferði. Einn ruglreksturinn er Húsasmiðjan/Blómaval sem í seinni tíð er einkum frægur fyrir að drepa blómabúðir á landsbyggðinni. Endurlífgun á útrásarrekstri með peningum lífeyrissjóða er ekki endurreisn heldur nýspilling.

Grisjun í atvinnurekstri með gjaldþrotum og lokun fyrirtækja er eina leiðin til endurreisnar. Sérstaklega gildir þetta um hverskyns verslunarrekstur þar sem margir eru um hitunina. Í tilfelli sérhæfðari fyrirtækja, t.d. flugrekstur, koma til fleiri atriði sem gætu réttlætt fjárfestingu lífeyrissjóða.

Varhug þarf að gjalda við þeirri hugsun að lífeyrissjóðir kaupi rekstur til að selja eftir skamma stund. Brask með fjármuni launafólks er ótækt.

Kaup Framtakssjóðs á Vestia gagnrýnd