Björgólfsfeðgar kaupa söguna

Björgólfur Guðmundsson keypti sér nýja Hafskipsögu þegar hann kom heim með Rússagullið. Varnarritið Hafskip í skotlínu eftir Björn Jón Bragason er keypt saga um sakleysi Björgólfs af skipafélaginu sem reyndi útrás um miðjan níunda áratug síðustu aldar og sigldi í gjaldþrot á fáum mánuðum. Björgólfur hlaut dóm fyrir.

Björgólfur Thor gengur í smiðju föður síns og kaupir sér nýja sögu. Ætlun hans er að endurskrifa sögu feðganna frá því þeir komu með Rússagullið heim í byrjun aldar frá háborg rússnesku mafíunnar í Pétursborg en þar efnuðust feðgarnir á áfengissölu.

Björgólfi eldri varð nokkuð ágengt með að endurskrifa söguna og var nærri búinn að kaupa sér sakleysi með því að fá áheyrn um endurupptöku Hafskipsmála. En svo kom hrunið 2008 og nýju fötin Björgólfs reyndust engu efnismeiri en í ævintýrinu.

Reynt að fegra stöðu bankans

Athugasemdir

[marat (IP-tala skráð) 19.8.2010 kl. 21:09]

Hvaða rússagull? Sá það einhver?

[K.H.S., 19.8.2010 kl. 21:19]

Var nokkuð Rússagull. Var það ekki bara tröllasaga sem heppnaðist fullkomlega. Fjárhyrslur opnuðust á vixl og tekin lán fyrir öllu klabbinu. Það kom aldrei króna til Íslands með þessum kújónum við bankakaupin.

Bókin um Hafsskipsmorðið kom aldrei út enda varla trúverðug á þessum tímum, en öllu má umsnúa með nýrri kinslóð ef fjölmiðlarnir eru í réttri eign og réttmannaðir.

Bíðum og sjáum.

[JR (IP-tala skráð) 19.8.2010 kl. 21:20]

Björgúlfsfeðgar hafa keypt sér fjölmiðlafólk til að breiða út lygi um eigið ágæti !!!

[Einar (IP-tala skráð) 19.8.2010 kl. 21:30]

Maður efast um það hreinlega hvort nokkuð rússagull hafi verið til staðar, allavega í því magni sem sögur sögðu.

Lán í Búnaðarbankanum og Landsbankinn tekinn yfir og þá var hafist handa við ryksugun.

Fáeinum árum síðar fer bankinn á hausinn og skilur eftir sig gífurlegar skuldir sem lenda að einhverju leyti á íslensku þjóðinni.

Áhrif hrunsins eru farin að finnast á ólíklegustu stöðum.

Og nú fara uppboðin að byrja.

Skjaldborg heimilana í hnotskurn.

Svei!

[Robert (IP-tala skráð) 19.8.2010 kl. 22:15]

Ferilskrá Björgólfanna í Rússlandi, má skoða á netinu, þar eru fingraförin öllu svakalegri en á Hafskipamálinu.  En því skal ekki gleyma að þetta voru viðhlæjendur Davíðs, og þá var hann ekki í höndum glæpamanna, þótt hann væri það þegar hann handvaldi þeim Landsbanka landsmanna, með fyrirséðum afleiðingum.

[Guðmundur 2. Gunnarsson (IP-tala skráð) 19.8.2010 kl. 22:52]

Róbert Wessmann segir að miðað við umfjöllunina um sig, þá er óhætt að taka öðru sem kemur frá Björgólfi Thor á vefnum með miklum fyrirvara.

[Predikarinn - Cacoethes scribendi , 20.8.2010 kl. 00:19]

Sælir. Jú ég verð að viðurkenna, þó ég reyni nú að jafnaði ekkert að fegra þessa feðga, að þeir greiddu ríkissjóði tvo þriðju hluta kaupverðsins í peningum sem ekki virðast fengnir að láni einhvers staðar, en þriðjung kaupverðsins, um það bil þrjú þúsund milljónir fengu þeir að láni hjá Búnaðarbankanum og var upphæð þess láns fyrir tæpum tveimur árum komin í einhverjar sex þúsund milljónir með vöxtum. Þetta lán er með sjálfskuldarábyrgð beggja feðganna.

Verst fyrir Björgólf Thor að hafa ekki Helgarpóstinn til að kenna um ófarirnar, en hann getur huggað sig við að Halldór Halldórsson mun enn vera á lífi - hann gæti reynt að hrópa á hann sem þann sem var vondur við sig og allt fór niður í ræsið alveg eins og Jón og Jóhannes geislaBAUGSfeðgarnir kenndu Davíð um smátt og stórt sem aflaga fór hjá þeim.

[Guðmundur Ásgeirsson, 20.8.2010 kl. 09:58]

Gleymið ekki að Björgólfur hefur lýst því yfir að hann ætli ekki að bera ábyrgð á IceSave.

[Einar (IP-tala skráð) 20.8.2010 kl. 17:54]

Icesave Guðmundur? auðvitað ber Björgólfur enga ábyrgð á Icesave.

Þetta er maðurinn sem vissi ekkert og ber enga ábyrgð á fyrirtækjum sínum.

Hann átti þau bara.

Algjör sakleysingi þessi maður.

Enda ef maður skoðar vef hans btb.is að þá sér maður að þar fer saklaus maður.

-

Úff... eða þannig sko...