Landráð eru svik við land og þjóð

Umræðustjórinn Egill Helgason skensar mig fyrir að nota orðið landráð um umboðslausa aðildarumsókn Samfylkingarinnar til Evrópusambandsins. Egill segir orðið stórt og ekki við hæfi en útskýrir ekki nánar skilning sinn á orðinu. Í pistli mínum tók ég dæmi úr danskri umræðu þar sem landráð var haft um ráðabrugg Kristjáns 9. að setja Danmörku inn í þýskt ríkjasamband á 19. öld.

Hér er eitt elsta dæmið um landráð á íslensku og er það frá 18. öld

Landrad, oluckuleg bruggiørd a mote sijnu Fødurlande

Landráð eru þegar þjóð er svikin og vald framselt til útlendinga. Niðurstöður kosninganna vorið 2009 voru að 70 prósent þjóðarinnar höfnuðu óskum Samfylkingarinnar um stuðning við að sækja um aðild að Evrópusambandinu. Engu að síður var umsókn send þrem mánuðum síðar.

Það eru svik og það eru landráð.

 

 

Athugasemdir

[Guðmundur 2. Gunnarsson (IP-tala skráð) 19.8.2010 kl. 13:27]

Hvað er Icesave ofbeldisþáttur Samfylkingarinnar til að reyna að neyða þjóðina í ESB annað en landráð?  Engu breytir að framkvæmdastjórn ESB hefur fullyrt að engar lagalega skyldur segja að við eigum að borga falsreikning Samfylkingar, Breta og Hollendinga eins og Samfylkingin hefur fullyrt allt frá upphafi til dagsins í dag. 

Samfylkingin krefst að við borgum með sömu rökleysu og áður að okkur var skillt að hafa ríkisábyrgð á reikninginn, þó svo að Evrópulögin banna slíkt alfarið.  Mas. hafa ofbeldisþjóðirnar tvær ekki reynt að nota þessa fjarstæðu sem rök, og nýjustu útskýringarnar frá Brussel hljóma frekar eins og brandari en nokkur raunveruleg alvara fylgi málum.  Útskýring sem samfylkingin hefur örugglega látið þeim í té sem örugg leið að plata 98.2% þjóðarinnar sem hafnaði Icesave lausn samfylkingarinnar.

Þegar fyrsti glæsilegi nauðungarsamningur Svavars Gestssonar var lagður fram þá fullyrti Magnús Thoroddsen fyrrum forseti Hæstaréttar Íslands og Evrópulagasérfræðingur í ljósvakamiðlum að.:

"Ef Icesave samningurinn væri ekki hreint og klárt landráð, þá væri hann örugglega hænufet frá því." 

Einnig sagði hann um þátt Svavars Gestssonar.:

"Það er kannski skrýtnast í sambandi við þetta, að þessi maður hafði verið valinn sem formaður í nefndinni. Hann er hvorki lögfræðingur né, að því er ég veit, haft nokkra reynslu í sambandi við samninga af þessu tagi. Og ég vil bara leggja áherzlu á það, að enskt lagamál, það er allt öðruvísi heldur en venjuleg enska. Og menn, sem kunna að vera góðir í enskri tungu, þeir skilja ekki samninga á ensku, alls ekki til fullnustu, að minnsta kosti, ég fullyrði það."

Það sem hefur komið í ljós frá þeim tíma, er öruggt að hænufetið er orðið að hænuungafeti þas. ef eitthvert finnst? 

Það þarf ekki lengi að lesa í hegningarlögum sem fjalla um landráð að sjá hvað hann á nákvæmlega við, og löngu kominn tími til að um málið verði fjallað af alvöru eins og Páll gerir hér.  Bloggtrúðurinn Egill ætti að halda sig við að nafnlausar sóðagreinar eftir Þorvald Gylfason og aðra örþreytta dráttaklára Samfylkingar til að fóðra athugasemdatröllin, sem hann sjálfsagt skrifar bróðurpartinn fyrir.  Svona á sama plani og hann fullyrti að undirskriftalisti InDefence varðandi Icesave væri algerleg ómarktækur, væntanlega vegna þess að hann hafi borið ábyrgðina á öllum falsundirskriftunum úr Rúv.  Það sem er skemmtilegast er að þegar undirskriftunum fyrir Baug gegn fjölmiðlafrumvarpinu á sínum tíma, þá vildi Davíð ofl. efast um trúverðugleika hennar.  Hún var mun ófullkomnari upp á að sannreyna undirskriftirnar en sú sem InDefence framkvæmdi, og þótti snillingnum Agli nákvæmlega ekki neitt athugavert við þá framkvæmd.  Enda varð það Davíð sem efaðist um heilindi Baugsmanna og undirskriftalistans þeirra.

[Eyjólfur Sturlaugsson, 19.8.2010 kl. 13:39]

Ég er ekki viss um að það gagnist að nota þetta orð í þessu samhengi.  Mér finnst sjálfum það veikja málfluttning viðkomandi.

[Hrafn Arnarson (IP-tala skráð) 19.8.2010 kl. 14:02]

Kæri Páll, þetta er algjört vindhögg. Það er þjóðin sem ákveður inngöngu eða ekki inngöngu. Gífuryrðaflaumurinn frá þér er yfirgengilegur og því miður fyrir þig algjörlega merkingarlaus. Það er kannski rétt að benda Guðmundi á að Icesave-samningar voru á forræði fjármálaráðherra og hann valddi í samninganefndina menn sem stóðu honum nærri pólitískt séð. Sem betur fer hefur staða Íslands verið að styrkjast í því máli á undanförnum mánuðum.

[jonasgeir (IP-tala skráð) 19.8.2010 kl. 14:07]

Ég skil ekki hvernig sannleikurinn getur veikt málstaðin...

En það er auðvitað svo að sannleikurinn er ekki alveg alltaf augljós öllum.  Eða þá að hann er umdeilanlegur að vissu marki.

Ég held svo sem að þó ótrúlegt sé að flestir ESB sinnar meini svo sem þjóð sinni og sínum vel.  En þeir eru bara svo blindir að þeir þola ekki einu sinni að Icesave samningurinn sé bendlaðr við landráð.   Svona er þetta stundum.

[H.T. Bjarnason (IP-tala skráð) 19.8.2010 kl. 14:33]

Ef landráð eru fólgin í því að framselja vald og ákvörðunarrétt þjóðarinnar til annarra aðila, þá held ég að landráðamennirnir í gegnum tíðina séu margir.  Hvað með alla þá alþjóðlegu samninga sem Ísland er aðili að, þar sem valdi (í einhverju mæli) er framselt?  En eins og ég skrifaði í athugarsemd við aðra færslu hér, þá er akkúrat þessi umræða ekki að gagnast okkur sem viljum ekki ganga í ESB.  Við verðum að vera málefnalegri.

[Guðmundur 2. Gunnarsson (IP-tala skráð) 19.8.2010 kl. 14:53]

Hrafn Arnarson.  Talandi um vindhögg.  Icesave er algerlega á ábyrgð Samfylkingarinnar enda var Steingrímur og hans þingmannahluti aðeins aumt tæki í höndum þeirra og látinn afgreiða málið eins og þeim hugnaðist og hentaði best hvað ESB drauminn varðaði.  VG fékk að vera með í stjórn með því skilyrði að flokkurinn yrði að útibúi af Samfylkingunni.  Icesave og ESB er framkvæmt í fullkominni andstöðu stefnu VG fyrir og eftir stjórn eins og þingmenn flokksins hafa verið ófeimnir við að kunngera.  Samfylkingin ein hafði Icesave uppgjöf og ESB í stefnuskrá flokksins.  Pólitískt ofbeldi er stundað eins og þingmenn VG hafa oft lýst yfir, og engum dylst.  En tilraunin að klína málinu á Steingrím & Co. er svosem ekki ný úr herbúðum Samfylkingarinnar.  Þegar yfir líku kannast hún ekkert við að hafa reynt ap ganga gegn vilja 98.2% þjóðarinnar.  Sama gamla sagan að það er allt hinum að kenna.

[Guðmundur 2. Gunnarsson (IP-tala skráð) 19.8.2010 kl. 15:40]

Það ætti ekki að flækjast fyrir neinum þegar hann les meðfylgjandi lagagreinar hvers vegna það er ekkert óeðlilegt að tala um landráð þegar ESB og Icesave ofbeldisaðgerðir undir forystu Samfylkingarinnar gegn landi og þjóð eru annars vegar.  Nú hefur ítrekað komið fram hjá Bretum, Hollendingum og ESB erindrekum, að umsóknin í ESB er og verður aðeins samþykkt með því að við gefum upp okkar lagalegan rétt og greiðum Icesave falsreikninginn eins og krafist er af Samfylkingunni og erlendum skjólstæðingum hennar.

 Afstaða Magnúsar Thoroddsen fyrrum forseta Hæstaréttar og Evrópulagasérfræðingi um að "ef þá þegar hafi ekki verið framið landráð, þá væri það hænufet frá því", skýrir sig sjálf við lestur lagagreinanna og hafa ber í huga að hann var aðeins að fjalla um fyrsta glæsisamning Svavars Gestssonar  frá því fyrir rúmu ári síðan.  Málið hefur ekki skánað síðan þá hvað varðar ömurlegheit íslenskra stjórnvalda áhrærir og þjónkunina við erlend ofbeldisöfl.

Í almennum hegningarlögum nr. 19/1940 er að finna ákvæði í X. kafla um landráð. Þar segir eftirfarandi:

X. kafli. Landráð.

86. gr. Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.

87. gr. Geri maður samband við stjórn erlends ríkis til þess að stofna til fjandsamlegra tiltækja eða ófriðar við íslenska ríkið eða bandamenn þess, án þess að verknaðurinn varði við 86. gr., þá varðar það fangelsi ekki skemur en 2 ár eða ævilangt. Sé þetta í því skyni gert að koma erlendu ríki til þess að skerða sjálfsákvörðunarrétt íslenska ríkisins á annan hátt, þá varðar það fangelsi allt að 8 árum.

88. gr. [Hver, sem opinberlega í ræðu eða riti mælir með því eða stuðlar að því, að erlent ríki byrji á fjandsamlegum tiltækjum við íslenska ríkið eða hlutist til um málefni þess, svo og hver sá, er veldur hættu á slíkri íhlutun með móðgunum, líkamsárásum, eignaspjöllum og öðrum athöfnum, sem líklegar eru til að valda slíkri hættu, skal sæta …1) fangelsi allt að 6 árum. Ef brot þykir mjög smávægilegt, má beita sektarhegningu.]2)
   1)L. 82/1998, 21. gr. 2)L. 47/1941, 1. gr.

89. gr. Beri íslenskur ríkisborgari í ófriði vopn gegn íslenska ríkinu eða bandamönnum þess, þá varðar það fangelsi ekki skemur en 2 ár.
Sömu refsingu skal hver sá sæta, sem í ófriði, eða þegar ófriður vofir yfir, veitir fjandmönnum íslenska ríkisins liðsinni í orði eða verki eða veikir viðnámsþrótt íslenska ríkisins eða bandamanna þess.

90. gr. Rjúfi maður, meðan á ófriði stendur eða þegar hann vofir yfir, samning eða skuldbindingu, sem varðar ráðstafanir, sem íslenska ríkið hefur gert vegna ófriðar eða ófriðarhættu, þá skal hann sæta …1) fangelsi allt að 3 árum.
Hafi manni orðið slíkt á af stórfelldu gáleysi, skal honum refsað með sektum eða [fangelsi allt að 1 ári].1)
   1)L. 82/1998, 22. gr.

91. gr. Hver, sem kunngerir, skýrir frá eða lætur á annan hátt uppi við óviðkomandi menn leynilega samninga, ráðagerðir eða ályktanir ríkisins um málefni, sem heill þess eða réttindi gagnvart öðrum ríkjum eru undir komin, eða hafa mikilvæga fjárhagsþýðingu eða viðskipta fyrir íslensku þjóðina gagnvart útlöndum, skal sæta fangelsi allt að 16 árum.
Sömu refsingu skal hver sá sæta, sem falsar, ónýtir eða kemur undan skjali eða öðrum munum, sem heill ríkisins eða réttindi gagnvart öðrum ríkjum eru undir komin.
Sömu refsingu skal enn fremur hver sá sæta, sem falið hefur verið á hendur af íslenska ríkinu að semja eða gera út um eitthvað við annað ríki, ef hann ber fyrir borð hag íslenska ríkisins í þeim erindrekstri.
Hafi verknaður sá, sem í 1. og 2. mgr. hér á undan getur, verið framinn af gáleysi, skal refsað með …1) fangelsi allt að 3 árum, eða sektum, ef sérstakar málsbætur eru fyrir hendi.
   1)L. 82/1998, 23. gr.

92. gr. Hver, sem af ásetningi eða gáleysi kunngerir, lýsir eða skýrir óviðkomandi mönnum frá leynilegum hervarnarráðstöfunum, er íslenska ríkið hefur gert, skal sæta …1) fangelsi allt að 10 árum, eða sektum, ef brot er lítilræði eitt.
Sömu refsingu skal hver sá sæta, sem af ásetningi eða gáleysi stofnar hlutleysisstöðu íslenska ríkisins í hættu, aðstoðar erlent ríki við skerðingu á hlutleysi þess, eða brýtur bann, sem ríkið hefur sett til verndar hlutleysi sínu.
   1)L. 82/1998, 24. gr.

93. gr. Stuðli maður að því, að njósnir fyrir erlent ríki eða erlenda stjórnmálaflokka beinist að einhverju innan íslenska ríkisins eða geti beint eða óbeint farið þar fram, þá varðar það …1) fangelsi allt að 5 árum.
   1)L. 82/1998, 25. gr.

94. gr. Ef verknaði, sem refsing er lögð við í XXIII., XXIV. eða XXV. kafla laga þessara, er beint að þjóðhöfðingja erlends ríkis eða sendimönnum þess hér á landi, má auka refsingu þá, sem við brotinu liggur, þannig að bætt sé við hana allt að helmingi hennar.

95. gr. [Hver, sem opinberlega smánar erlenda þjóð eða erlent ríki, æðsta ráðamann, þjóðhöfðingja þess, fána þess eða annað viðurkennt þjóðarmerki, fána Sameinuðu þjóðanna eða fána Evrópuráðs, skal sæta sektum [eða fangelsi allt að 2 árum. Nú eru sakir miklar og varðar brot þá fangelsi allt að 6 árum.]1)]2)
[Sömu refsingu skal hver sá sæta, sem smánar opinberlega eða hefur annars í frammi skammaryrði, aðrar móðganir í orðum eða athöfnum, eða ærumeiðandi aðdróttanir við aðra starfsmenn erlends ríkis, sem staddir eru hér á landi.]3)
[Sömu refsingu skal hver sá sæta sem ógnar eða beitir valdi gagnvart sendierindreka erlends ríkis hér á landi eða ræðst inn á eða veldur skemmdum á sendiráðssvæði eða hótar slíku.]4)
   1)L. 82/1998, 26. gr. 2)L. 101/1976, 10. gr. 3)L. 47/1941, 2. gr. 4)L. 56/2002, 1. gr.

96. gr. …1)
   1)L. 82/1998, 27. gr.

97. gr. Mál út af brotum, sem í þessum kafla getur, skal því aðeins höfða, að dómsmálaráðherra hafi lagt svo fyrir, og sæta þau öll [meðferð sakamála].1)
   1)L. 88/2008, 234. gr.

Varðandi gildissvið laganna og til hverra lögin ná er vísað til I. kafla, sérstaklega 4. og 5. gr.:

4. gr. Refsað skal eftir íslenskum hegningarlögum:
   1. Fyrir brot, framin innan íslenska ríkisins. Sé brot framið af starfsmanni eða farþega erlends skips eða loftfars, sem hér er á ferð, gegn manni, sem með farinu fylgist, eða hagsmunum, sem við farið eru nátengdir, skal þó því aðeins refsa hér, að dómsmálaráðherra fyrirskipi rannsókn og málshöfðun.
   2. Fyrir brot, framin á íslenskum skipum eða í íslenskum loftförum, hvar sem þau hafa þá verið stödd. Hafi brot verið framið á stað, þar sem refsivald annars ríkis nær til að þjóðarétti, og af manni, sem hvorki var fastur starfsmaður né farþegi á farinu, skal þó ekki refsað hér, nema heimild sé til þess eftir 5. eða 6. gr.
   [3. Fyrir brot gegn 264. gr., framið innan íslenska ríkisins enda þótt frumbrotið sem ávinningur stafar frá hafi verið framið erlendis og án tillits til hver var að því valdur.]1)
   1)L. 10/1997, 1. gr.
5. gr. Fyrir verknað, sem íslenskir ríkisborgarar eða menn, búsettir á Íslandi, hafa framið erlendis, skal refsað eftir íslenskum hegningarlögum:
   1. Ef brot er framið á stað, sem refsivald annarra ríkja nær ekki til að þjóðarétti, og var þá jafnframt refsivert eftir lögum heimaríkis sakbornings.
   2. Ef brot er framið á stað, sem refsivald annars ríkis nær til að þjóðarétti, og var þá jafnframt refsivert eftir lögum þess.
[Ákvæði 1. mgr. má beita um verknað manns, sem er ríkisborgari í eða búsettur í Danmörku, Finnlandi, Noregi eða Svíþjóð og dvelst hér á landi.]1)
[Í þeim tilvikum sem greinir í 2. tölul. 1. mgr. skal refsað eftir íslenskum hegningarlögum fyrir brot manns, sem var íslenskur ríkisborgari eða búsettur hér á landi á verknaðarstundu, er fellur undir 218. gr. a og framið er erlendis þrátt fyrir að verknaðurinn teljist ekki refsiverður eftir lögum þess ríkis.]2)
   1)L. 101/1976, 2. gr. 2)L. 83/2005, 1. gr.

[H.T. Bjarnason (IP-tala skráð) 19.8.2010 kl. 22:54]

Ein spurning: er sá skilningur réttur hjá mér að sumir vilja sjá ráðherra ríkisstjórnar Íslands ákærða fyrir landráð?

[Páll Vilhjálmsson, 19.8.2010 kl. 23:16]

Sjálfsagt vilja það sumir, H.T. Bjarnason, en markmiðið með þessum tveim bloggum um landráð er að ræða skilning á hugtakinu í samhengi við umsóknina sem Samfylkingin knúði í gegnum alþingi án þess að hafa umboð til þess.

[Helgi (IP-tala skráð) 20.8.2010 kl. 01:16]

Páll, það var samþykkt með einföldum meirihluta á Alþingi að sækja um aðild. Á að stjórna landinu eftir skoðanakönnunum. Það er fulltrúalýðræði í landinu og ákvörðun um umsókn var tekin eftir gildandi reglum.

Landráð my ass.....

[Anna Grétarsdóttir (IP-tala skráð) 20.8.2010 kl. 08:57]

Landráð og ekkert annað....óþarfi að ræða það

[Helgi (IP-tala skráð) 20.8.2010 kl. 13:40]

Já Anna, auðvítað er algjör óþarfi að ræða hluti þar sem menn eru ósammala. Nóg bara að segja; svona er þetta bara, puntur og basta.