Bandalag Baugs og Samfylkingar lifir hrunið

Jón Ásgeir Baugsstjóri og Samfylkingin stofnuðu til bandalags veturinn 2003. Jón Ásgeir þurfti að ryðja Davíð Oddssyni þáverandi forsætisráðherra frá völdum til að skapa sér aukið svigrúm og Samfylkingin sá í fjölmiðlaveldi Jóns Ásgeir tækifæri til að hafa áhrif á opinbera umræðu.

Samfylkingin barðist með oddi og egg gegn frumvarpi um fjölmiðlalög sem áttu að koma böndum á yfirgang Jóns Ásgeirs vorið 2004. Ríkisstjórnin var gerð afturreka með málið þar sem þríeina bandalag Samfylkingar, forseta lýðveldisins Ólafs Ragnars Grímssonar og Baugsveldis sigraði ríkisvaldið.

Orð Páls Magnússonar um þjónustulund ríkisbankans við Baug staðfesta að Samfylkingin lítur enn á Jón Ásgeir sem bandamann sinn þrátt fyrir hrun og eyðilegginguna sem beint má skrifa á reikning Jóns Ásgeirs.

Samfylkingin er réttnefnd Baugsfylking.

Segir Landsbankann hafa staðið á bak við Jón Ásgeir

Athugasemdir

[Björn Birgisson, 18.8.2010 kl. 22:49]

Páll, ertu pottþétt viss um að þú trúir sjálfur öllu sem þú skrifar? Þær eru nú orðnar nokkrar samsæriskenningarnar á blogginu þínu!

[Páll Vilhjálmsson, 18.8.2010 kl. 22:52]

Björn, bloggið er eitt allsherjar samsæri og dularfullt að þú skulir ekki hafa tekið eftir því.

[Björn Birgisson, 18.8.2010 kl. 23:01]

Páll, ef bloggið er eitt allsherjar samsæri, hver er þá þinn hlutur í því samsæri? Hverju, ef öðru en sjálfum þér, þjónar þín þátttaka í samsærinu?

[Páll Vilhjálmsson, 18.8.2010 kl. 23:05]

Til hvers er bloggið, Björn?

[Björn Birgisson, 18.8.2010 kl. 23:12]

Meðal annars til að þú svarir spurningum mínum samviskusamlega, Páll?

[Páll Vilhjálmsson, 18.8.2010 kl. 23:15]

Rangt svar, Björn. Bloggið er ekki til að svara spurningum þínum. Bloggið er til að gera athugasemdir við fréttir og umræðu líðandi stundar. Spurningar sem þú kannt að hafa sendir þú á viðkomandi, t.d. með tölvupósti.

[Björn Birgisson, 18.8.2010 kl. 23:36]

Rangt svar? Kannski. Þau eru nú mörg röngu svörin um þessar mundir. Þetta síðasta þitt var eitt af þeim. Því hlýt ég að endurtaka spurningu mína: Hverju, ef öðru en sjálfum þér, þjónar þín þátttaka í samsærinu? 

[Páll Vilhjálmsson, 19.8.2010 kl. 00:02]

Björn,  það er ekki mitt að svara þessari spurningu. Þú hlýtur að sjá í hendi þér að ekki get ég svarað fyrir aðra en sjálfan mig.

[Guðmundur 2. Gunnarsson (IP-tala skráð) 19.8.2010 kl. 00:22]

Síðan hvenær hefur verið skortur á samsærumá eyjunni bláu?  Össur Skarphéðinsson lýsti ágætlega áhyggjum sínum yfir þessari samvinnu Samfylkingarinnar við Jón Ásgeir & Co.

[Björn Birgisson, 19.8.2010 kl. 00:40]

Páll, svaraðu þá fyrir sjálfan þig, spurningunni var eingöngu beint að þér!

[Gísli (IP-tala skráð) 19.8.2010 kl. 01:19]

Það eina sem orð Páls Magnússonar staðfesta er að hann er í örvæntingu að reyna að beina umræðunni frá sínu eigin klúðri með RÚV.  Þetta er framhald af væli hans yfir að hafa misst HM í handbolta út úr höndunum á sér, ekki vegna yfirboða 365 heldur vegna aulaháttar sinna eigin starfsmanna.

[Ólafur Ingi Hrólfsson, 19.8.2010 kl. 03:14]

Hafi PM rétt fyrir sér er eins gott að hann geti sannað orð sín - þau eru stór -

Hinsvegar kemur ekkert á óvart lengur - viðbrögð stjórnarsinna eru hinsvegar á einn veg - allt í góðu gengi og Sjálfstæðisflokkurinn glæpaklíka -

Þessi málefnalegu "rök" láta þeir duga.

[Viggó Jörgensson, 19.8.2010 kl. 06:00]

Jón Ásgeir lýsti því margsinnis yfir í veislugleði að hann ætti Samfylkinguna.

[Kári (IP-tala skráð) 19.8.2010 kl. 09:34]

Það er þekkt aðferðafræði fjárglæframanna ef að þeim er þrengt að kenna um pólitískri spillingu. Þá geta þeir verið nokkuð vissir um að vanþroska pólitísk samtök, og bjánar í pólitík stökkvi um borð. Það sakar ekki heldur að eiga slatta af fjölmiðlum. Slík gulrót virkar eins og rafsegull á slíkt lið. Allt rættist þetta hér.

Þetta vissi Jón Ásgeir vel og notfærði sér útí æsar.

Það var hér Þýskur fræðimaður fyrir nokkrum árum sem hafði kynnt sér slíkt hegðanamynstur rækilega og skrifað um það bók.

Hann lýsti þessu í útvarpsviðtali hér hjá Ríkisútvarpinu og sagði okkur vera að upplifa mynstrið.Þetta viðtal var auðvitað ekki endurflutt í fréttum RUV enda ekki á réttri línu. Einnig skyldi veita rannsóknarstyrki til Háskóla þá ánetjuðust prófessorarnir sem aurana fengu. Einnig þekkt hér mörg dæmi á liðnum árum. Það var einnig á RUV viðtal við fyrrverandi háskólakennara sem greindi frá því að hún var kölluð á teppið hjá stjórnanda skólans sem hún vann hjá fyrir að hafa tekið sem dæmi í kennslustund eitt kúlufyrirtækið hér um hvernig farið væri að því að skrúfa upp pappírsverðið. Það viðtal var ekki víðómað heldur. Henni var bent á að vera ekki að gagnrýna þá sem sköffuðu.