Valkvæð heimska í HÍ

Umsókn Samfylkingarinnar um aðild Íslands að Evrópusambandinu dregur fram lítilmótlegustu eiginleika aðildarsinna. Í Fréttablaðinu í dag skrifar prófessor við Háskóla Íslands grein þar sem vísvitandi blekkir í þágu Evrópusambandsins. Grein Baldurs Þórhallssonar heitir Landnám ESB? Dregin er upp mynd af félagsskap þar sem allir eru vinir allra og una sér glaðir við leik og störf. Hjárænulegt gagnrýnisleysi prófessorsins hæfir málefninu.

Í viðleitni sinni til að fegra Evrópusambandið sem félagsskap jafnrétthárra ríkja er deila bróðurlega milli sín völdum skrifar Baldur eftirfarandi

Í þessu sambandi má benda á þá mikilvægu staðreynd að Ísland á í aðildarviðræðum við tuttugu og sjö ríki sambandsins. Hvert og eitt þeirra hefur neitunarvald í viðræðunum.

Samkvæmt orðanna hljóðan gerir Evrópusambandið út 27 viðræðunefndir til að hitta Íslendinga. Vitanlega er þetta bull. Evrópusambandið kemur fram sem ein heild gagnvart Íslandi enda þjóðríki búin að framselja margvísleg völd til Brussel. Lissabon-sáttmálinn er grundvöllur Evrópusambandsins og samningar við Ísland ganga út á hvernig við aðlögum okkur að lögum og reglum sambandsins.

Á fundum Samfylkingarinnar hefur Baldur dregið upp aðra mynd af ferli Íslands inn í sambandið en hann gerir í Fréttablaðsgreininni í dag. Eins og fjarska margir aðildarsinnar er Baldur tvöfaldur í roðinu; elítan má heyra sannleikann en almenningur ekki. Menntahroki helst ágætlega í hendur við hjárænu prófessorsins. 

Athugasemdir

[Valdimar Samúelsson, 18.8.2010 kl. 09:39]

Nú verðum við að standa fast á fótunum. ESB áróðursmaskínan er komin á fullt. Lög eru ekki til sem geta stoppað Össur að skrifa undir sem allsráðandi á Íslandi.

[Gunnlaugur I., 18.8.2010 kl. 10:07]

Já ESB prófessorarnir og þeir fræðimennirnir sem eru á spena með styrk frá ESB draga nú ekki af sér í ESB áróðrinum. 

En nú er nefnilega von á miklu meiri peningum frá Brussel.

Commísarar stækkunar- og áróðursmála hafa boðað að nú muni þeir senda hér yfir hafið inn fyrir landamæri Íslands klyfjaðan Asna fullan af gulli og gersemum.

Hann þ.e.a.s. ESB asninn á víst að uppfræða okkur "fáfróða" um fullkomleika og listisemdir ESB elítunnar og jafnframt þarf að bera meira fé á þá fræðimenn sem hafa sannað sig og eru tilbúnir til að láta áfram nota sig fyrir silfurpeninga ESB elítunnar til þess að útbreiða skefjalausan ESB áróður eins og prófesor Baldur Þórhallsson hefur margsinis orðið uppvís að.

[Jón Ásgeir Bjarnason, 18.8.2010 kl. 12:11]

Þetta er afskaplega innihaldslaust blaður.

Hvað hjálpar það Íslendingum að þurfa að ræða við alla "vinina 27" ef út í það er farið?

Regla númer eitt.  Það á ekki að lána "vinum" peninga.  (Segja þeir sem eiga)

-Það á ekki að afhenda "vinum" yfirráðarétt yfir eigin auðlindum og möguleikum.

[Njáll (IP-tala skráð) 18.8.2010 kl. 15:47]

Hver getur trúað manni sem þiggur styrki frá ESB?  Að vanda skrifar hann grein þar sem allir eru góðir, réttlátir og réttsýnir í ESB.    ESB er orðið samsafn smákónga sem keppast um að skara að sinni köku sama hvaða yfirlýstu hugsjónir stóðu til í upphafi. 

Fólk verður að átta sig á því að ekki eingöngu eru uppi áform um að svíkja af okkur þau réttindi sem við höfum í dag heldur eru ESB postúlarnir í ríkisstjórn nú þegar búnir að svíkja okkur og ljúga að.  Áður en umsókn um ESB var troðið í gegnum þingið var talað um að allt snerist um að sjá einhvern samning.  Það kemur svo í ljós að við þurfum að aðlaga okkur að sambandinu í þessu "ferli" og við vitum nú þegar hvað "samningur" felur í sér.  ...ekki neitt, bara aðlögunartíma að öllum núgildandi sáttmálum, lögum og reglum. 
Þetta eru svik og fölsun á upplýsingum.  Sömuleiðis var talað um 800 milljónir í aðildarferlið... seinna kemur í ljós að ferlið kostar marga milljarða.   Svo á þjóðaratkvæðagreiðsla um aðild á að vera "ráðgefandi", það sjá allir sem vilja sjá að slíkt er eingöngu sagt til að hægt sé að reka fólk með landráðsrýtingi í bakið þegar samfylkingin ætlar að nauðga okkur þar inn á ögurstundu.

Andlit ESB sýnir sig núna í makrílveiðum íslendinga, þeir telja sig umkomna til að halda íslendingum frá samningum um makrílveiðar en reyna svo að meina okkur svo um að veiða hann og láta hann ósnertann meðan hann étur upp alla fæðu í landhelginni eins og engisprettufaraldur.  Og hafa þeir áður reynt baktjalda samninga við norðmenn um að komast í norsk-íslensku síldina.  Að sama skapi telur ESB að við eigum að hætta hvalveiðum meðan hvalir éta 6 milljónir tonna af sjávarfangi í landhelginni á ári (meðan öll veiði íslendinga eru 2 milljónir tonna samanlagt).  Einungis af því að það er vinsælt að vera á móti hvalveiðum?  Ekki heyrum við þó af því að þeir beiti bandaríkjamenn pressu, þjóð sem veiðir allra þjóða mest.

...að frátöldu auðvitað að afhenda heilt land á silfurfati til ólýðræðislega kjörinnar stjórnar í Brussel.

Það sjá allir sem vilja sjá hverslags vitfirring ESB er fyrir ísland.  ESB aðildarsinnar eru illa upplýstir, illa innrættir eða heilaþvegnir að mínu mati.