Samfylkingin margföld í roðinu

Tækifærismennska er innsta eðli Samfylkingarinnar. Það sást í kosningabaráttunni í vor þegar Samfylkingin í Reykjavík boðaði sérstakan hagvöxt í höfuðborginni sem var úr tengslum við ríkisstjórnarstefnu Samfylkingarinnar.

Sóley Tómasdóttir vekur athygli á að umhverfis- og náttúruverndarstefna Samfylkingarinnar er ein í ríkisstjórn og önnur í borgarráði.

Samfylkingin er ótrúverðugasta stjórnmálaafl seinni tíma sögu íslenskra stjórnmála.

Samfylkingin gagnrýnir eigin ráðherra

Athugasemdir

[Björn Birgisson, 12.8.2010 kl. 16:34]

"Samfylkingin er ótrúverðugasta stjórnmálaafl seinni tíma sögu íslenskra stjórnmála."

Að Framsóknarflokknum meðtöldum?

[Páll Vilhjálmsson, 12.8.2010 kl. 16:39]

Já.

[Björn Birgisson, 12.8.2010 kl. 16:44]

 Hvenær hófst þessi "seinni tíma saga"?

[Páll Vilhjálmsson, 12.8.2010 kl. 17:08]

Nú kemur vel á vondan, ég er einmitt að ljúka grein um fullveldissögu okkar og læt hana enda 1975. En þegar ég skrifaði þetta um Samfylkinguna var ég eiginlega ekki með ákveðið tímabili í huga. En eigum við ekki að segja að seinni tíma stjórnmálasaga hefjist í lok viðreisnar?

[Björn Birgisson, 12.8.2010 kl. 17:36]

1971. Mín vegna máttu það!

[Guðmundur 2. Gunnarsson (IP-tala skráð) 12.8.2010 kl. 18:47]

Björn veit hvað hann syngur.  Verst af öllu að Samfylkingin er líka búin að rústa VG.

[Björn Birgisson, 12.8.2010 kl. 18:54]

Guðmundur 2., ekki grætur þú það, nema með þurrum tárum! Eða hvað?

[Kolbrún Hilmars, 12.8.2010 kl. 21:57]

Þar fengu miðjumoðsflokkarnir reisupassann!