Subbufélagsskapur Magma

Auðrónadeild Sjálfstæðisflokksins með bæjarstjóra Reykjanesbæjar í broddi fylkingar; útrásarafgangar úr Glitni/Íslandsbanka; meðhlauparar Jóns Ásgeirs Jóhannessonar og Hannesar Smára eru auk forystu Samfylkingarinnar með í orkukaupaleiðangri Ross Beaty og Magma.

Hver og einn ofangreindra aðila væri nóg til að setja spurningamerki við viðskipti með opinberar eigur. Þegar braskarahjörðin er öll í augsýn stappar nærri geðbilun að svo mikið sem íhuga að setjast að samningum um orkuauðlindir almennings andspænis ógæfuliðinu.

Fyrir dyrum stóð þjófnaður á almannaeign. Lof sé þeim sem koma í veg fyrir það.

Beaty: Vilja ekki hætta við

Athugasemdir

[Jóhannes Laxdal Baldvinsson, 1.8.2010 kl. 22:41]

Vel mælt Páll.

[Ybbar gogg (IP-tala skráð) 1.8.2010 kl. 23:49]

"Auðrónadeild Sjálfstæðisflokksins"?

 En það er FLokkurinn allur...

[smg, 2.8.2010 kl. 00:53]

Jamm, vel mælt.

[Jón Flón (IP-tala skráð) 2.8.2010 kl. 01:05]

Þetta Magma rugl er algjör vitleysa. Líkt og með hvert annað rusl þá ber okkur að henda þessu í tunnuna.

[Finnur Hrafn Jónsson, 2.8.2010 kl. 01:32]

"...þjófnaður á almannaeign..." hvaða almannaeign?

HS Orka er nú að stærstum hluta í eigu útlendra kröfuhafa í þrotabú Íslandsbanka. Það eina sem gerist ef kaupin ganga eftir er að fyrirtækið kemst í eigu aðila sem vilja fjárfesta til uppbyggingar.

[Jenný Stefanía Jensdóttir, 2.8.2010 kl. 02:37]

Þar get ég verið þér sammála;  subbulegt lið, í sóðalegri sjoppu!  Þá þeir eru króaðir út í skot;  hóta þeir, en fatta ekki að hótanir þeirra hljóma eins og músík í eyrum "króarana". 

Ísland allt! er nú að stærstum hluta í eigu útlendra kröfuhafa, þ.m.t. miðin!  Þess vegna er svo nauðsynlegt að standa vörð um "prinsippin".  

Ef einhver "finnur" sig knúinn til að skilgreina orðið "prinsipp" þá skal bent á fræg ummæli manns um "þjóðfélagið Ísland" s.l. 50 ár.

[smg, 2.8.2010 kl. 18:25]

Finnur: Þú ert kannski ekki að fatta að það sem málið snýst um, eru auðlindir okkar Íslendinga.