Vg flaskar á fullveldinu

Fullveldið er kjarnaatriði í pólitískir meðvitund dæmigerðs kjósanda Vinstrihreyfingarinnar græns framboðs. Þegar flokkurinn stendur ekki klár á meginmálum er hætt við að margur stuðningsmaðurinn leiti annað.

Umsókn Samfylkingar um aðild að Evrópusambandinu og kaup Magma á HS Orku eru hvorttveggja fullveldismál. Vg svaf á verðinum þegar þessi mál fengu framgang og það sést á slöku fylgi flokksins í skoðanakönnun.

Vg þarf að gyrða sig í brók ef ekki á illa að fara.

Sjálfstæðisflokkurinn með mest fylgi

Athugasemdir

[Helgi (IP-tala skráð) 31.7.2010 kl. 13:59]

Sæll.

Ég er ekki viss um að þetta sé eina skýringin. Fólk sér hve oft Vg tekur 180° beygjur í mikilvægum málum og finnst slíkur flokkur ekki líklegur til leiða okkur í gegnum kreppuna. Í hvaða málum hefur svo Vg tekið 180° beygju? Það eru eftirfarandi stórmál: AGS, ESB, Icesave og nú loks Magma- málið. Fólk er farið að sjá ákveðið mynstur í þessu. Svo fellur fylgið væntanlega hjá Sf vegna ráðningu umboðsmanns skuldara þegar kemur að því að spyrja kjósendur næst.

Steingrímur hitti Ross Beaty í ágúst í fyrra og þá ræddu þeir saman. Svo núna verður allt vitlaust innan raða Vg!! Hvað hefur þetta fólk verið að gera undanfarið ár? Vg virðist vera að rugla saman eignarhaldi og nýtingarrétti. Annars er búið að reyna að ríkisvæða allt eins og Vg vilja, sú tilraun hét Sovétríkin og mistókst herfilega!! Lærum af sögunni.