Umsóknin og stærsta undanþágan

Algengustu rök aðildarsinna eru um meintar undanþágur frá regluverki Evrópusambandsins sem möguleiki er að Ísland fái í aðildarviðræðum. Undanþágurnar eiga að gera aðild æskilega. Síbyljan um að ljúka aðlögunarferlinu til að fá niðurstöðu um undanþágurnar er meginröksemd aðildarsinna gegn því að við drögum umsóknina tilbaka.

En hvers vegna ættum við að sækjast eftir aðild að félagsskap til að fá veigamiklar undanþágur frá reglunum? 

Stærsta undanþágan er að standa utan Evrópusambandsins. Og þá undanþágu höfum við nú þegar.

Athugasemdir

[Guðmundur 2. Gunnarsson (IP-tala skráð) 17.7.2010 kl. 20:54]

Það er löngu kominn tími á að ESB aðildarsinnar leggi fram óumdeilanlega sannanir að nokkur ESB þjóðanna hafi samið sig frá undirstöðureglum ESB til lengri tíma, og jafnvel um alla eilífð?

Íslendingar, einir þjóða "að sjálfsögðu" eiga möguleika á því að semja sig undan grunnreglum ESB, einkum í sjávarútvegsmálum. "Snilld" örþjóðarinnar, sem er varla yrði hálfdrættingur á við Möltu hvað mannfjöld og áhrif innan ESB, mun tryggja okkur slíkt.  Það er engin spurning segja ESB sinnar, að Ísland geti haldið fullum yfirráðum yfir sjávarauðlindinni þrátt fyrir aðild. Það er látið eins og eitthvað sé raunverulega um að semja.

Ekkert hefur komið frá ESB á undanförnum árum sem hefur sýnt þennan stórhug gagnvart nokkru aðildarríki.  Ekki neitt.   Ekkert í reynslu annarra þjóða bendir til að við munum fá varanlegar undanþágur sem einhverju máli skipta. Það sem í boði eru takmarkaðar, tímabundnar undanþágur og aðlögunarferli, ekkert meira en það.

Það er raunar umhugsunarefni að á sama tíma og sumir vilja fara í aðildarviðræður og segjast þar ætla að standa fastan vörð um óskorað forræði Íslendinga yfir auðlindunum – sem ekki er hægt miðað við grunnreglur ESB – þá eru aðrir ESB sinnar sem halda því fram að það verði ekkert mál fyrir Íslendinga að búa við forræði ESB í sjávarútvegsmálum. - Afar áhugaverður ágreiningur ESB sinna. 

Núna eru sömu að fara á límingunum vegna fyrirlesturs Evrópuþingmannsins Daniel Hannan í vikunni, sem segir Íslendinga hafa lítið að sækja í Evrópusambandið.  Hann sagði ma.:

„Ég á von á því að á einhverjum tímapunkti í samningsferlinu verði tilkynnt með mikilli viðhöfn að náðst hafi góð niðurstaða um sjávarútvegsmál. Líklega verður viðauka bætt við samninginn þar sem segir að Íslendingar haldi yfirráðum yfir hafsvæði sínu. Það mun hljóma eins og vandinn hafi verið leystur en reynsla annarra ríkja er sú að jafnvel slík yfirlýsing er lítils virði. Þegar spænskur sjómaður kærir hana til Evrópudómstólsins á grundvelli þess að hún brjóti í bága við sameiginlegu fiskveiðistefnuna mun Evrópudómstóllinn dæma sjómanninum í vil."

Og auðvita fara snillingarnir á Evrópuvaktin.is algerlega á límingunum vegna orða hans og ekkert er málstaðnum stórkostlega hættulegri en ef að hraðað verði til verka og kosið um inngönguna sem allra fyrst eins og hann bendir á sem áhrifaríka lausn.  Það er hreinn kapítuli útaf fyrir sig að lesa umræðuna við færsluna og að upplifa að það eru ESB fíklar og starfsmenn vefsins sem eru með sóðaskapnum gagnvart þeim sem eru ekki alveg að kaupa málflutning þeirra eða annarra ESB sinna, sem eru í leiðinni bestu málsvarar þeirra sem vilja ekki inn í dýrðarveröld ESB.

http://evropa.blog.is/blog/evropa/entry/1077628/

[Guðmundur 2. Gunnarsson (IP-tala skráð) 17.7.2010 kl. 21:07]

Afsakið.  Snillingarnir á Evrópusamtökin.is átti það að vera.:

http://evropa.blog.is/blog/evropa/entry/1077628/

[Sigurður I B Guðmundsson, 17.7.2010 kl. 21:09]

Reyndu að troða þessu í hausinn á samfylkingunni. Össur hvað ha!!!

[Gunnar (IP-tala skráð) 17.7.2010 kl. 21:25]

Sæll. Fannst þú ágætur þegar þú komst í Silfur Egils. En það sem þú skrifar finnst mér ekki eins málefnalegt. Var í námi í danmörku 1972 og var þá á móti því að DK gengi í ESB - en hef skipt um skoðun. Fann aldrei fyrir því að danir hefðu misst eitthvað af sjáfstæði sínu við að ganga í ESB. Hvernig væri að menn reyndu að meta kosti og galla við það að Ísland gangi í ESB í rólgeheitumí staðinn fyrir að standa í þessum upphrópum.

[þorvaldur Hermannsson, 18.7.2010 kl. 00:07]

Guð minn allmáttugur,hvílík þráhyggja Páll,kv

[JR (IP-tala skráð) 18.7.2010 kl. 01:57]

Já, Páll Vilhjálmsson !

Reyndu að hugsa sjálfstætt ?

Segðu okkur frá þínum hagsmunum með kvótakóngum og eigendafélgi bænda ?

Áttu ættir til kvótaeigenda eða áttu ættir til Lífsvals , eigendafélagi bænda ?

[Guðmundur 2. Gunnarsson (IP-tala skráð) 18.7.2010 kl. 11:46]

JR.  Ertu svo takmarkaður og einstaklega barnalegur að halda að 70% þjóðarinnar sem segir hingað og ekki lengra varðandi Icesave bjölluatið, eigi hagsmunum að gæta gagnvart LÍÚ og bændastéttinni, og að halda að ESB andstaða snúist einungis um þá tvo málaflokka?

Hvaða hagsmunum hefur þú að gæta sem eru alls ekki þjóðarinnar og heldur þér gangandi í þessari sjúklegu þráhyggju?  Hverjir eru þínir hagsmunir aðrir en að vera óþreytandi talsmaður glæpagengis Jóns Ásgeirs og Baugsfylkingarinnar?

[Finnur Hrafn Jónsson, 18.7.2010 kl. 22:04]

Hvenær ætlar íslenska þjóðin að átta sig á því að innganga í ESB er auðveldasta leiðin til að losna undan áþján íslenskra valdhafa og fjármagnseigenda sem eru gerspilltir og vanhæfir.

Minnkuð völd þessara aðila við inngöngu í ESB og upptaka evru takmarka verulega möguleika til að arðræna almenning með okurvöxtum og lækka laun með gengisfellingum.