Forystan og krafan um afgerandi afstöðu

Grasrótin tók völdin á landsfundi Sjálfstæðisflokksins og samþykkti róttækari ályktun um Evrópumál en forystan vildi. Á flokksráðsfundi Vg var forystunni send skýr skilaboð um að samningurinn við Samfylkinguna um aðildarumsókn nyti ekki lengur stuðnings almennra flokksmanna. Forysta Vg fékk frest.

Forysta hvílir á óskrifuðum samningi um að þeir sem leiða séu um það bil með sömu stefnu og liðsmennirnir. Við hrunið breyttist fjarska margt, forystumönnum var skóflað út í ríkisstjórnarflokkunum, og stefnumið fóru í endurskoðun um leið og krafan um skýrari málflutning og afgerandi afstöðu varð háværari.

Jafnvel í flokki þar sem forystan getur með sanni þvegið hendur sínar af hruni, Vg, á leiðtoginn fullt í fangi með að fóta sig. Steingrímur J. má þó eiga það að hefur ekki tapað næmni á liðsmenn sína. Í hádegisfréttum RÚV í dag sagði hann að alþingi gæti þurft að endurskoða ákvörðun sína að senda aðildarumsókn til Brussel.

Athugasemdir

[jonasgeir (IP-tala skráð) 30.6.2010 kl. 00:25]

Eitthvað ertu nú orðin heldur fús til að trúa Steingrímnum til heiðarlegrar vinnubragða!

Hann hefur nú ekki sýnt nokkurn vott af samvisku upp á það síðasta.  Frekar held ég nú að það sé nú ólíklegt að það breytist.

Enda þýða þessi orð ekki nokkurn skapaðan hlut!

Sérstaklega af því Steingrímur sagði þau.