Hæstaréttardómur er eitrað peð stjórnvalda

Dómur Hæstaréttar um ólögmæti gengistryggðra lána er eitrað peð fyrir stjórnvöld. Ef þau ætla að krukka í dóminn, t.d. með því að skella á verðtryggingu,  er opnað fyrir dómsmálahrinu og hverskyns kröfur sem allar eiga það sameiginlegt að vera íþyngjandi fyrir skattgreiðendur.

Gengislánasamningar eru með ýmsu móti, sumir munu sjálfkrafa leiða til tiltölulegra lágra vaxta á meðan önnur munu bera stýrivexti Seðlabanka Íslands. 

Fjármálafyrirtækin eru með allt á hælunum í þessum máli sem öðru enda biðja þau um ríkisforsjá. Við eigum ekki að veita ríkisábyrgð eftirá.  Bílalánafyrirtækin eiga að fara í þrot enda er það til muna ódýrara fyrir skattgreiðendur.

Vill verðtryggingu á lánin

Athugasemdir

[Doddi (IP-tala skráð) 22.6.2010 kl. 10:22]

Algjörlega sammála. Rök Marðar um að eitthvað sé ekki sanngjarnt eiga ekki við. Þessi tegund af verðtryggingu er óleyfileg og við það situr.

Ríkið má ekki grípa inní og skapa sér skaðabótaskyldu.

Ég er mest hissa á því að þessi eignaleigufyrirtæki séu ekki þegar búin að lýsa yfir gjaldþroti, ég hélt að yrði strax á mánudag.

Líklega er verið að koma eignum undan áður en það verður gert.

[Einar B Bragason , 22.6.2010 kl. 11:10]

Sammála enda eru þetta hreinræktaðir mafíuósar með stóru M-i og ætti að farga þessum fyrirtækjum hið snarasta... Tek fram að ég skulda þessum mönnum ekki krónu!

[Vilhelm (IP-tala skráð) 22.6.2010 kl. 11:27]

Ég skulda þeim krónur í dag, en ekki jen og franka ;)

[karl (IP-tala skráð) 22.6.2010 kl. 11:30]

Mjög rétt.

Eina skynsamlega niðurstaðan er að þessi fyrirtæki verði gjaldþrota vegna mistaka sinna.

[Sigurður Haraldsson, 22.6.2010 kl. 16:22]

Látum þeim blæða vegna þess að þau létu mörg okkar taka líf sitt vegna fáránlegrar framkomu sinnar og óréttlætis! Nú er okkar tími kominn                    

                                            Lifi byltingin!