Tilfallandi athugasemdir

Mánudagur, 21. júní 2010

Icesave/ESB kostnaður Samfylkingar lendir á okkur

Samfylkingin ætlar að verða Íslendingum dýrkeyptur flokksbrandari. Ekki nóg með að Samfylkingin framlengdi líf útrásarinnar með því að taka Baug og Jón Ásgeir upp á sína arma heldur er ótímabær umsókn um aðild að Evrópusambandinu tilefni Breta og Hollendinga til að halda að við ætlum að borga fjallaháa Icesave-reikninga.

Samfylkingin hefur komið Íslandi í pólitíska og efnahagslega herkví. Með umsókn Samfylkingar um aðild Íslands að ESB er Bretum og Hollendingum boðið upp á þvingunarúrræði sem þeir hafa óspart nýtt sér. Á meðan Icesave-uppgjör dregst á langinn er tómt mál að tala um endurreisn efnahagslífsins.

Við stofnun Samfylkingarinnar var haft á orði að þar væru komin í einn flokk mestu hagfræðieðjótar landsins. Það gleymdist að taka fram að mestu imbar Íslandssögunnar í alþjóðasamskiptum hefðu einnig fundið sér heimili í Samfylkingunni.