Stefnulaus niðurskurður og stjórnarmyndurnarviðræður

Ríkisstjórnin býður ekki upp á neina framtíðarsýn og blasir við að niðurskurðurinn verður handahófskenndur og eftir því ósanngjarn. Andspyrnan gegn niðurskurði verður hörð og nær víða árangri sem veldur ríkisstjórninni enn frekari erfiðleikum.

Spurt verður um gæluverkefni eins og umsókn Samfylkingarinnar um ESB-aðild og hvort hægt sé að réttlæta þá sjö milljarðar króna sem leiðangurinn kostar.

Ríkisstjórnin er klofin í herðar niður í afstöðunni til niðurskurðar. Jóhanna Sig. boðar stjórnkerfisbreytingu í nafni niðurskurðar en þingmenn VG telja annað búa að baki tillögum forsætisráðherra.

Stjórnaramyndunarviðræður Össurar á miðju sumri eru viðbragð við fyrirsjáanlega erfiðu pólitísku hausti.

„Niðurskurði til háskóla verður nú að linna“

Athugasemdir

[S. Andrea Ásgeirsdóttir (IP-tala skráð) 20.6.2010 kl. 13:04]

Ég skil ekki afhverju er verið að skera niður í menntakerfinu yfirhöfuð, því þar er framtíðin og þar hefst uppbygging atvinnulífssins.   Ég er á því að það eigi að verja heilbrigðiskerfið, menntakerfið og tryggingakerfið, alls staðar annars staðar má skera niður að mínu mati.  Auðvitað er það sárt, en ég tel þetta þrennt vera stoðir samfélagsins sem má helst ekki hrófla við.  Það má alveg skera niður nokkur sendiráð um hvippinn og hvappinn og gæluverkefni og slíkt, en grunnstoðirnar á að láta vera.  Einnig má alveg skera niður ofurlaun hjá tilteknum aðilum, en það má víst ekki hrófla við þeim, þá fara þeir í mál við ríkið.  Það væri kannski fínt að leyfa slíku liði að lifa eingöngu á atvinnuleysisbótum í nokkra mánuði og sjá hvort þeir sjái ekki að sér með ofurlaunakröfurnar.  Bara smá pæling.