Greiðsluþrot fjórhjólafólksins

Hluti af þeim heimilum sem eru í vandræðum komust í þau vegna óráðsíu. Hér er maður í fjárhagskröggum og til að kóróna óreiðuna kaupir hann sér fjórhjól á kaupleigu og er þó með bíl fyrir á slíkum samningi. Þegar allt þrýtur krefst viðkomandi greiðsluaðlögunar og fer með málið upp í Hæstarétt.

Lög sem sett verða til að koma til móts við heiðarlegt fólk sem lenti í fjárhagserfiðleikum vegna hrunsins verða mjólkuð af frekjuliðinu sem hvorki kann mannasiði né fótum sínum fjárhagsleg forráð.

Svei attan.

Beiðni um greiðsluaðlögun hafnað

Athugasemdir

[Hrólfur Þ Hraundal, 15.6.2010 kl. 23:40]

Hverjum skildi hafa dottið í hug að lána svona manni og hvers peningar ætli það hafa verið og í hverju tryggja menn svona vitleysu eða skyldi lánveitandinn hafa greind til fjárráða.  

[Einar Guðjónsson, 15.6.2010 kl. 23:40]

Lögin um greiðsluaðlögun eru bara fyrir ríkisstarfsmenn eða fólk í vinnu hjá samtökum, stofnunum eða félagasamtökum á ríkisframfæri. Ef þessi maður hefði verið ríksstéttarstofnanafélagasamtakastarfsmaður þá hefði hann fengið greiðsluaðlögum fyrir veðlánin og fjórhjólið. Vandi mannsins í dóminum var sá að hafa verið í atvinnurekstri og þurft að ábyrgjast 6 milljónir vegna gjaldþrots ( var ekki bankastarfsmaður ).

Það er því misskilningur hjá þér að eitthvað verði gert fyrir einyrkja og sjálfstæða atvinnurekendur. Teymi, 365  og ríkisstarfsmenn fá allir afskrifað og allt í greiðsluaðlögun. Þeir eru frekjuliðið.

P.s. þessi í dómnum hefur örugglega séð auglýsingu um MBA nám hjá hinum ríkisstyrkta Bifröst Háskóla en ákveðið að skipta við útlendann háskóla af því það er ódýrara m.a. til að komast í sæmilegt starf hjá eftirlitsstofnun með ríkisframlögum til stjórnmálaflokkanna.

[Sigurður Axel Hannesson, 16.6.2010 kl. 01:06]

Miðað við árstekjurnar, sem nota bene, voru mun lægri heldur en atvinnuleysisbætur gefa á ári, þá get ég ekki annað en samsinnt dómurunum.

Ógn er ég annars orðinn leiður á þessu röfli um að ríkisstarfsmenn hafi það svo gott og fái allt upp í hendurnar. Ég yrði himinlifandi ef bankar og aðrar stofnanir vildu eitthvað fyrir mig gera, en því er ekki að heilsa - "prestur eður ei".

Ef með "ríkisstarfsmenn" Einar á við forstöðumenn ríkisstofnana og aðrar silkihúfur, þá biðst ég forláts.