Þögn Bjarna Ben. er meðsekt með Gulla Þór

Guðlaugur Þór Þórðarson þingmaður Sjálfstæðisflokksins var sérstakt verkfæri auðmanna á útrásartímanum. Hann átti að útvega auðmönnum almannaeigur Orkuveitu Reykjavíkur á spottprís í gegnum Geysir Green en þingmaður var stjórnarformaður OR.

Guðlaugur Þór tók að sér í verktöku fyrir auðmenn að koma höggi á Björn Bjarnason dómsmálaráðherra í prófkjöri sjálfstæðismanna 2007.

Guðlaugur Þór fékk 25 milljónir króna í sporlausum peningum til að vilji auðmanna mætti ná fram að ganga.

Formaður Sjálfstæðisflokksins, Bjarni Benediktsson, þarf að taka af skarið og segja Guðlaug Þór ekki hæfan til að gegna trúnaðarstöðu fyrir flokk og fólk. Þögn formannsins gerir hann meðábyrgan.

Athugasemdir

[Sigurður Þorsteinsson, 28.5.2010 kl. 14:28]

Páll ef þú lest Morgunblaðið á 2 síðu í dag, þá koma skýr skilaboð frá Bjarna Ben. í þessu máli. Þeir sem halda að Guðlaugur Þór geti setið áfram hafa ekki gott jarðsamband.

[Andspilling, 28.5.2010 kl. 18:49]

Merkilegt að enginn skuli spyrja sig hvað Árni Sigfússon hafi þegið í sína sjóði frá þessum öflum í gegnum tíðina.

Þar er ormagryfja sem fjölmiðlar ættu að fara að opna.

[ThoR-E, 28.5.2010 kl. 19:31]

Já ,,, Guðlaugur situr enn.

Þvílik veruleikafirring. Held að hann ætti að gera sjálfum sér greiða og segja af sér. Taka Steinunni Valdísi til fyrirmyndar.

[jens jensson (IP-tala skráð) 28.5.2010 kl. 21:00]

Aumingja Bjarni, eða Bjarni aumingji ?????

Hann átti að lensa draslinu út þegar möguleikinn var til staðar.

En veslings Bjarni valdi leiðina sem var minnst sársaukafyllst.

Enda engar deyfingar í boði.

Bjarni er "aumingi"

[asi (IP-tala skráð) 28.5.2010 kl. 21:38]

-- Sammála Andspillingu.

Árni Sigfússon er eiginlega táknmynd spillingar og vanhæfis. Búinn að setja bæinn sinn nánast á hausinn. Selt mjólkurkúnna til erlendra auðhringja en samt elskar þetta furðulega fólk þar suður frá þennan vonda stjórnmálamanna.

[Guðmundur Jónsson (IP-tala skráð) 28.5.2010 kl. 22:56]

Þegar þessi auma kommastjórn hrökklast frá í haust, ef ekki fyrr, þá fá allir flokkar tækifæri til að hreinsa til. Við sjálfstæðismenn veljum okkar fólk í prófkjöri, ef Guðlaugur tekur slaginn þá er ekkert að því, menn geta sparkað honum út í prófkjöri kjósi þeir svo. Er það ekki skárri kostur en að Bjarni Ben sé að gefa mönnum líf eða ekki. Henti Jóhanna Steinunni Valdísi út? Þessi afsögn Steinunnar V. er bara vonlaust útspil korteri fyrir kosningar. Hún ber auðvitað ekki ábyrgð á vonlausri stöðu Samfylkingarinnar, sú gamla sér um það, hjálparlaust. Yfirburðir Hönnu Birnu í kvöld algerir...... X-D

[Ágúst Valves Jóhannesson (IP-tala skráð) 29.5.2010 kl. 08:40]

Bjarni ætti nú að segja af sér rétt eins og Guðlaugur. Afhverju? Hann er búinn að vera í ýmislegri vitleysu með þeim Wernersbræðrum og tekið við styrkjum upp á milljónir. Fyrir utan það er hann mjög skuldugur miðað við 500þús króna mann.

Þetta ofangreint er ekki eðlilegt fyrir pólitíkus. Ég held að eftir allt saman hlýtur fólk að vera sammála því.

[Jóhann Gunnarsson (IP-tala skráð) 29.5.2010 kl. 10:08]

@Sig Þorst:

 Það er ekki í verkahring formanna að reka þingmenn. Það reyndi Þorsteinn Pálsson xD með Albert Guðm 1987. Albert mætti skömmu seinna með nýjan flokk og 7 þingmenn eftir kosningar.

Dagur B. Eggertsson varaform xS sagðist sl fimmtudag á útvarpi Sögu ekki sjá ástæðu til að hafa áhrif á afsögn Steinunnar Valdísar - sjálfur með 5.6 milljóna styrki.

@Ágúst Valves:

"Bjarni ætti nú að segja af sér rétt eins og Guðlaugur. Afhverju? Hann er búinn að vera í ýmislegri vitleysu með þeim Wernersbræðrum og tekið við styrkjum upp á milljónir. Fyrir utan það er hann mjög skuldugur miðað við 500þús króna mann".

Svar:

Jæja Ágúst... einmitt það? 

1) Fjölsk BBen seldi Wernersbræðrum sinn hlut í Sjóvá. Wernersbræður síðan veðsettu bótasjóð Sjóvá vegna bygginar 68 íbúðaturns í Macau. Morgan Stanley gerði veðkall til Wernersbræðra og fjölsk vegna lána til kaupa á hlutabréfum í Glitni.

Fjölsk Bjarna og Wernersbræður lögðu fram veð í sitt hvoru lagi inn í Vafning til að mæta veðkalli MS - en alveg óháð hvorir öðrum.

Aðkoma BBen var eingöngu sem lögfræðingur og umboðsmaður föður og föðurbróður í veðsetningum þeirra í Vafning - án nokkurra persónulegra hagsmuna.

2) BBen er ekki ofurstyrkþegi. 500.000 kr til BBen er ekki hár styrkur.

3) BBen er ekki stórskuldugur. Rannsóknarskýrsla Alþingis getur 174 milljóna láns til BBen. RA getur þess ekki hvernig lánið var tilkomið.

BBen og fjölsk keypti einbýlishús. Þegar farið var að lagfæra húsð... kom í ljós að húsið var ónýtt vegna alkalískemmda. Rífa varð húsið niður að grunni og byggja nýtt. Á meðan kostnaðarsamar framkvæmdir stóðu yfir bjó BBen enn í eldra húsinu, sem var enn óselt. Til að brúa bilið tímabundið - tók BBen tímabundið 174 milljón kr lán, sem hann greiddi upp þegar hann flutti inn og seldi eldra húsið.

BBen átti lögmæta endurkröfu á seljandan á fullri endurgreiðslu... en BBen ákvað að taka tjónið á sig að fullu... bótalaust... fremur en að gera seljandan og fjölsk hans gjaldþrota.

BBen er skuldlaus í dag 

[Ólafur Ingi Hrólfsson, 29.5.2010 kl. 10:32]

Jóhann Gunnarsson - þakka þér samantektina - hún var þörf.

Guðmundur Jónsson - tek undir með þér - KOSNINGAR Í HAUST EÐA FYRR

Hugleysingi á bak við Andspillingu - nafnleysingjar á bloggi = hugleysingjar sem og asi - árásir á Árna Sigfússon falla jafndauðar og og skynsemi ykkar - maðurinn er búinn að gera kraftaverk á Suðurnesjunum þrátt fyrir þá stefnu ríkisstjórnarinnar að ganga af Suðurnesjunum dauðum. Og ekki er Árni Sigfússon auðugur maður að ég best veit.

Veit heldur ekki til þess að hann hafi átt og getað sótt milljónatugi í Spron eða aðra sjóði ólíkt Árna Þór í VG og Össuri í Sf.

Jens - þessi lýsing þín sem þú beinir að Bjarna Benediktssyni lýsir þeim sem hana setja fram en ekki þeim sem henni er beint gegn.

Hafir þú til að bera helminginn af mannkostum Bjarna Benediktssonar óska ég þér til hamingju. Þetta orðaval þitt bendir hinsvegar til þess að þú eigir langt í land með það.