Ögmundur ræður framtíð ESB-umsóknarinnar

Ögmundur Jónasson sagði já á alþingi 16. júlí í fyrra þegar ályktun um umsókn Islands að ESB var naumlega samþykkt. Ögmundur vissi ekki þá að umsókn fæli í sér aðlögunarferli Íslands að reglum ESB. Skýrsla utanríkisráðherra staðfestir að ferlið er aðlögunarferli en ekki viðræður.

Þegar liggur fyrir að umsóknin til Brussel var send á fölskum forsendum er ekki ástæða til að halda henni til streitu. 

Ögmundur gerir rétt í að undirbúa kröfu um að ESB-umsóknin verði dregin tilbaka með því að lýsa yfir eindregnum stuðningi við Jón Bjarnason sjávarútvegs- og landbúnaðarráðherra. Samfylkingin vill reka Jón úr ríkisstjórn vegna þess að hann stendur vörð um íslenska hagsmuni.

Athugasemdir

[Sleggjan og Hvellurinn, 16.5.2010 kl. 17:51]

Það stendur í stjórnarsáttmála að það á að fækka ráðuneytum. Og hann var saminn á udnan atkvæðisgreiðlu um ESB.

[Ómar Harðarson (IP-tala skráð) 16.5.2010 kl. 18:28]

Það kemur á óvart að Ögmundur hafi verið svona andvaralaus. Mig minnir reyndar að hann hafi greitt atkvæði gegn.

Það liggur hins vegar í hlutarins eðli að ávinningur Íslands að aðild að ESB er að taka þátt í sameiginlegum reglum. Til þess að ná slíku fram þarf þrennt:

1. Aðlögun Íslands að reglum ESB

2. Nýjar reglur sem bæði Ísland og ESB taka upp

3. Íslenskar reglur verði gerðar evrópskar og ESB aðlagi sig að þeim.

Þriðja leiðin er alls ekki upp úr þurru. ESB hefur einmit lýst áhuga sínum á að taka upp fiskveiðistjórnunarkerfið íslenska.

Fyrir utan það sem Sleggjan & Þruman bendir á, sýnist mér því þú bullir enn, Páll. En ég veit að þér er ekki sjálfrátt þegar ESB er annars vegar, svo ég fyrirgef þér.

[Gunnlaugur Ingvarsson (IP-tala skráð) 16.5.2010 kl. 18:29]

Heyrðu Sleggjan & Þruman.´

Ætlaði þessi ríkisstjórn ekki líka að sýna það í verki að hún ætlaði sér þá nýbreytni að hlusta á fólkið í landinu og taka tillit til vilja fólksins.

Ef hún gerði það í þessu hörmulega ESB máli máli þar sem því miður einangraður minnihluti hefur náð að sundra þjóðinni  þá myndi hún nú hlusta á mikinn meirihluta þjóðarinnar sem vill ekkert með ESB aðild hafa að gera og draga þessa ESB umsókn til baka þegar í stað.

Nei það á áfram að ala á sundrungunni og óeiningunni með ærnum kostnaði fyrir þjóðina.

Þvílíkir hippókratar, þjóðleysingjar og andlýðræðssinnar.

                             ÁFRAM ÍSLAND - EKKERT ESB !

Það er krafa mikils meirhluta þjóðarinnar !   

[Hrafn Arnarson (IP-tala skráð) 16.5.2010 kl. 21:54]

Páll er alveg órúlegur. Nú heldur hann því fram að Alþingi hafi ekkert vitað um umsóknina þegar hún var samþykkt. Nú loksins hafi sannleikurinn komið fram þegar utanríkisráðherra lagði skýrslu sína fyrir þingið!!!Hvað skyldi hann koma með næst?

[Hreinn Sigurðsson, 16.5.2010 kl. 22:15]

Hver er maðurinn

Þekkir einhver þennan mann

sem Þráir í Brussel að baxa

Við bjölluatið bisar hann

Betri í kynlífi laxa