Útrásarliðið komið í orkuna

Bæjarstjórinn í Reykjanesbæ, kúlulánamaðurinn Árni Sigfússon, og fyrrverandi ráðherra spillingarliðsins, Árni Magnússon, sem fer fyrir útrásarteymi Íslandsbanka, eru um það bil að selja HS-Orku í hendur á sænsku skúffufyrirtæki sem rekið er af braskara.

Suðurnesjamenn og aðrir sem kaupa orku af HS-Orku munu í framtíðinni þurfa að greiða sérstakan skatt sem myndar hagnað sænska skúffufyrirtækisins.

Eymd og volæði íslenskra stjórnvalda er uppmálað í þessu sorglega aðgæsluleysi um almannahagsmuni.

Athugasemdir

[TH (IP-tala skráð) 16.5.2010 kl. 13:25]

Þetta er grátlegt!

Hvað þarf til að stöðva þessa menn? Hvar er lögreglan? Þetta er hrein og bein að almenningi að svipta fólk lífsbjörginni fyrir skammtíma arð.

[Elín Sigurðardóttir (IP-tala skráð) 16.5.2010 kl. 13:27]

Mér finnst rangt að tala um eymd og volæði íslenskra stjórnvalda. Aðgæsluleysi þeirra verður ekki útskýrt öðru vísi en með hlutdeild og hagnaði.

[Elín Sigurðardóttir (IP-tala skráð) 16.5.2010 kl. 14:20]

Sjáðu hvernig konan talar sem er í stjórn. Hún segir að "betra hefði verið að hér á landi væru lög sem vörnuðu því að auðlindir landsins kæmust í eigu erlendra fyrirtækja."

http://www.ruv.is/frett/salan-sorgartidindi-fyrir-thjodina

Af hverju gerir hún ekki neitt? Getur stjórnin ekki sett bráðabirgðalög?

[Erla Magna Alexandersdóttir, 16.5.2010 kl. 15:33]

Þetta mun verða upphafið að endalokum okkar- sem frjáls þjóð.

Hinir fylgja á eftir með sölu á því sem eftir.

erla

[Magnús B Jóhannesson (IP-tala skráð) 16.5.2010 kl. 16:22]

Suðurnesjamenn geta hætt að skipta við HS Orku hvenær sem er og keypt rafmagn af OR eða öðrum á markaði. Það ríkir frjáls samkeppni í orkusölumálum og hefur gert um nokkra hríð.

Að auki er auðlindin ekki í þeirra eigu heldur í opinberri eigu. Einungis er um að ræða að orkuverið sem nýtir auðlindina sé í einkaeigu.

Það er mikilvægt að hafa staðreyndirnar á hreinu áður en kynnt er undir æsifréttum sem þessum með tilheyrandi lýðskrumi.

[Jenný Stefanía Jensdóttir, 16.5.2010 kl. 16:51]

Sjálfseyðingarhvötin ríður ekki við einteyming.

Þó er ekki laust við að sama " vonda bragðið" komi í munninn, þegar hugsað er til þess að Finnur Ingólfsson og slekti hans skuli fá átaks- og áhættulausar tekjur af orkumælum í húsbýlum Íslendinga.  Og er hann ekki líka með einhverjar svipaðar "leti" tekjur vegna lögbundinnar bifreiðaskoðunar bifreiða á Íslandi, sem er ekkert annað en auka skattskylda á bifreiðaeigendur og tíðkast varla hvergi í siðmenntuðum löndum.

[Friðrik Jónsson, 16.5.2010 kl. 18:09]

Ég er fæddur og uppalinn suðurnesjamaður og það er grátlegt hvernig þeir fá að rústa Reykjanesbæ óáreittir.

[Númi (IP-tala skráð) 16.5.2010 kl. 23:02]

Í fréttum í kvöld,var sagt frá því að eigendur Hs-Orku hefðu einkaleyfi í því að leita eftir meiri orku næstu 45 árin á suðurnesjum,.Þá er spurningin verður það alfarið Magma sem það fær.?

[Adda Þorbjörg Sigurjónsdóttir, 17.5.2010 kl. 09:03]

Hvernig geturðu álasað Reykjanesbæ og Árna Sigfússyni þegar það er GGE eða réttara sagt bankinn sem á það sem er að selja Magma þennan hlut? Afhverju tók ekki Ríkisstjórnin til sinna mála og gætti þess að GGE færi ekki í eigu áhættufjárfesta sem eiga bankann? Reykjanesbær varði veituhlutann í Hitaveitunni með því að eignast meirihlutann þar þ.e. í HS Veitu. Þá höfðu öll önnur bæjarfélög sem áttu hlut í HItaveitu Suðurnesja selt sinn hlut hæstbjóðandi og var nokkuð sama hver keypti. Reykjanesbær hefur ekki bolmagn til þess að halda eitt sjó í þessu máli.

Þá er ekki verið að selja auðlindina heldur nýtingarréttinn til einhverra ára.