Vinir spillingar smyrja gangverk glæpamanna

Jón Gunnarsson þingmaður Sjálfstæðisflokksins á vingott við spillinguna þegar hann spillingarjafnar Jóni Ásgeir Baugsstjóra og Björgólfi Thor og kemst að þeirri niðurstöðu að þar sem Jón Ásgeir fær að halda Högum er rétt að alþingi samþykki lög til að auðvelda Björgólfi Thor gróðabrall með gagnaver.

Hrannar Arnarson aðstoðarmaður Jóhönnu Sigurðardóttur forsætisráðherra sagði að saman væri hvaðan gott kæmi þegar Björgólfur Thor kom með peninga í gagnaver. Svona tala bestu vinir spillingarinnar.

Finnur Sveinbjörnsson fráfarandi bankastjóri Arion er góðkunningi spillingarinnar þegar hann afhendir Jóni Ásgeiri Haga og Ólafi Ólafs Samskip.

Athugasemdir

[Ásgeir Gunnarsson (IP-tala skráð) 24.4.2010 kl. 14:44]

Hugleiðing holl. Þakklæti og FYRIRGEFNING ef ekki hefði verið fyrir peningadólgana og útrásar Víkingana OKKAR og hrunið , hefðum við Islendingar aldrei fengið það á svart og hvítu hve stjórnmála stéttin,flokkseigendafélögin eru allmenningi andsnúin hættuleg og hafa arðræntt almenning áratugum öldum saman og ættar arðráns dólgar líka er nota flokkana/klíkur til arðráns á almenning / því spillingin er í grunnin í hreyðrum flokseigenda félagana aðalega frammsóknaríhald/ og 4flokka spillinguni auðvita . fátt er með svo öllu illt að kanski ættum við að vera útrásar Víkingunum og hinum aumu peningadólgum ÞAKKLÁT að vekja okkur upp af þesari meðvirknis aula þrælshætti með flokksspillingu og auðættararðránsdólga og vesælu hræðum er eru í stjórnsýslu Islendinga aðhalds ábyrgðar lausri algjörlega / hvað er svo til raunverulegra ráða fyrir þjóðfélagið OKKAR hvar erum við stödd, í stjórnsýslu klíku spillinguni ? aðhald viðurlög á breiskar sérgráðugar arðráns sálir?

[Stefán Júlíusson (IP-tala skráð) 24.4.2010 kl. 15:03]

Það er ótrúlegt ef frumvarp um gagnaver verður samþykkt á Alþingi. 

Þetta stendur í frumvarpinu:

Í beinum tengslum við verkefnið skulu félögin og hluthafar þeirra undanþegin takmörkunum sem kveðið er á um í reglum nr. 880/2009, um gjaldeyrismál, sem settar voru á grundvelli ákvæðis til bráðabirgða í lögum um gjaldeyrismál, nr. 87/1992, með síðari breytingum, svo og hvers kyns sams konar eða efnislega svipaðra hafta sem síðar kynnu að verða sett á til viðbótar við slík höft eða í þeirra stað. Í fjárfestingarsamningi er heimilt að kveða nánar á um slíka undanþágu.

Þetta er ekkert annað en áframhaldandi spilling.  Á Alþingi að halda áfram að vera þjónustuaðili Björgólfs Thors?  Nú bætast í hóp Björgólfs Samfylkingarmenn og svo næst líklega Vinstri grænir ef þeir hafa ekki þegar komið sér einhvers staðar vel fyrir.

Það verður áhugavert að sjá hvernig hinir óspilltu þingmenn Vinstri grænna og Samfylkingarinnar kjósa í atkvæðagreiðlsunni um þetta frumvarp.

[Árni Gunnarsson, 24.4.2010 kl. 17:03]

Það er gott að þetta frumvarp kom til afgreiðslu á Alþingi. Það er þjóðinni mikilvægt að fylgjast með viðhorfum einstakra fulltrúa til siðferðis og sjá hvað þeim finnst í lagi að bjóða þeirri þjóð sem þeir eru í vinnu hjá.

[danth (IP-tala skráð) 25.4.2010 kl. 00:49]

Það gerist ekkert ef við heimsækjum ekki þetta fólk.  Það er það eina sem þetta spillingarpakk skilur.

[Ólafur Ingi Hrólfsson, 25.4.2010 kl. 05:37]

Enginn getur haldið því fram að ég sé stuðningsmaður þeirrar stjórnar sem hér situr-

Ég er hinsvegar hlynntur uppbyggingu á Suðurnesjum og svíður að horfa upp á það sem komið er af stað en ekki má klára vegna aðskomu Björgólfs ( ég er heldur EKKI  talsmaður hans og ver enganveginn það sem hann gerði -

Það er hinsvega algjör nauðsyn að halda áfram uppbyggingunni á Suðurnesjunum - gríðarlegur fjöldi starfa er í húfi-

Finna verður leið til þess að Björgólfur verði settur út úr myndinni ( skilst reyndar að hans aðkoma sé lítil en best væri að hún væri engin ) þannig að verkefnið geti haldið áfram.

Siðferði - er mikið notað orð þessa mánuðina - ég spyr - hvar er siðferðið í því að halda atvinnuleysi á Suðurnesjum í óheyrilegum tölum ??

Hvar er siðferðið í því að hundruðir og jafnvel þúsundir gangi um atvinnulauir á Suðurnesjunum m.a. vegna fordóma og kröfu um siðferði -?? bara annað siðferði.

Hvar er siðferðið í því að moka svívirðingum og viðbjóði yfir fólk fyrir það að hafa starfað á þingi -

Þau sem hafa gerst brotleg í starfi og hafa fengið eða eru að fá á sig ákærur - er ekki rétt að bíða eftir niðurstöðum dómstóla í þeirra málum??

Þau sem hafa verið talin hafa sýnt óeðlilegar athafnir án þess að brjóta lög verða varla dæmd fyrir það - þau fá áminningu - væntanlega -kann ekki á það kerfi -

En hefur einhver dæmt þetta fólk og fjölskyldur þeirra til eilífrar útskúfunar?

Aðgát skal höfð í nærveru sálar - slökum aðeins á - það er jú bara ein stór fjölskylda sem byggir þetta land.

[Lúðvík Júlíusson, 25.4.2010 kl. 06:53]

ég er alveg sammála þér Páll.

Fólk eins og Ólafur verður að spyrja sig hvort að sambærilegur stuðningur við öll fyrirtæki í landinu og undanþágur frá gjaldeyrishöftunum fyrir öll fyrirtæki og einstaklinga í landinu myndi ekki hafa sömu áhrif, jafnvel meiri, á atvinnulífið.  

Það má heldur ekki gleyma því að ef Verne holding og eigendurnir (þám Björgólfur Thor) koma með aflandskrónur til landsins þá eykur það verðbólgu og Seðlabankinn neyðist til að halda vöxtum háum í lengri tíma, jafnvel að hækka þá.  Það veldur því að öðru atvinnulífi verður haldið niðri og þar eykst atvinnuleysi.  Er siðferðilega rétt að auka atvinnuleysi í sumum atvinnugreinum með handafli til að fjölda störfum annars staðar?  Auðvitað ekki.

Spillingin felst í því að ríkisstjórnin er að gefa afslætti og undanþágur til einstaka manna, sem í þessu tilfelli eru Björgólfur Thor og Samfylkingamenn, en ekki allra.