ESB-herfræðin sem rann út í sandinn

Samfylkingin ætlaði að setja hraðamet inn í Evrópusambandið og notfæra sér að þjóðin var í taugaáfalli eftir hrun. Össur Skarphéðinsson utanríkisráðherra og plottfélagar hans gerðu ráð fyrir að láta Íslendinga standa frammi fyrir orðnum hlut - umræðan skyldi vera í lágmarki og helst um þær glæsilegu undanþágur sem Ísland fengi.

Samfylkingin ætlaði að selja Evrópusambandinu þá hugmynd að Íslendingar væru sannfærðir aðildarsinnar og ef aðeins væri hægt að leysa þetta smámál með sjávarútveginn væri gatan greið fyrir samþykkt aðildar í þjóðaratkvæðagreiðslu.

Þjóðin kveikti á hvers kyns var og hefur ítrekað mælst sannfærð í andstöðu við inngöngu, en milli 60 og 70 prósent segja nei við ESB-aðild. Undanþágurökin eru líka hvorki fugl né fiskur þegar betur er að gáð.

Æ betur rennur upp fyrir embættismönnum Evrópusambandsins að umsókn Íslands um aðild er frá Samfylkingunni en ekki ríkisstjórninni sem heild og enn síður frá þjóðinni.

Athugasemdir

[Sigurður Þorsteinsson, 30.3.2010 kl. 17:54]

70% þjóðarinnar eru þegar flokkaðir sem erfiðir köttarar hjá ESB.

[Gunnlaugur Ingvarsson (IP-tala skráð) 30.3.2010 kl. 18:13]

Þökk sé þér Páll og öðrum einörðum og eitilhörðum ESB- andstæðingum sem hafa flett ofan af þessum endalausu ESB- lygum og þvættingi.

Ein lygin var sú að við hefðum verið í svo miklu skjóli í ESB og með EVRU, hefðum aldrei þurft að leita á náðir AGS.

ESB hefði aldrei látið þessi ósköp gerast og ef það hefði gerst þá hefðu þeir komið eins og brunalið og sjúkralið á vetvang..

Það er fokið yfir alla þessa lygi algerlega.

Grikkland með EVRU og búinn að vera í ESB í áraraðir er sent gjaldþrota og bjargarlaust beint í náðarfaðm AGS.

Alls ekki á að koma til hjálpar nema kanski seint og síðar meir ef og þegar allt er farið á versta veg í Grikklandi.

Er furða að helsta tómstundagaman Grískrar Alþýðu í mótmælum þeirra þar sé að brenna gulstjörnu fána ESB apparatsins. 

ESB og þeirra Æðstu ráð hafa alla tíð talað eins og marghöfða þurs í þessum málum, sem einhverskonar stóra MAMMA. 

Sölumennska eigin ágætis og hræsnin og falsið hefur þar haft yfirhöndina.

En að endingu og þegar á reynir eru það aðeins beinharðir hagsmunir Þjóðverja og Frakka sem skulu ganga fyrir fyrst og síðast fyrir alveg sama þó þurfi að traðka niðrí svaðið smáríki innan eða utan þessa stór-yfirríkja bandalags.

[Jón Frímann (IP-tala skráð) 30.3.2010 kl. 19:15]

Gunnlaugur, hvernig er á Spáni ? (Spánn er í ESB og hefur verið það síðan árið 1986)

Páll, hvernig hefur Davíð Oddsson það ? Er karlinn nokkuð búinn að hringja oft í þig og bjóða þér græna skóga fyrir það að ganga til liðs við Morgunblaðið og lygavélina sem þar er að finna um Evrópu og ESB.

Annars eru þessir pistlar þínir hlægilegir og vitlausir. Í þessari röð.

Annars sagði Framkvæmdastjórn ESB og yfirmenn stækkunarferlis ESB að Ísland fengi enga sérmeðferð við aðildarviðræður frekar en önnur ríki, enda yrði ekki mismunað. Þannig að lengd þessa ferlis kemur ekkert á óvart. Reyndar er það þannig að Ísland er nú þegar búið að taka upp 2/3 hluta af þeim lagaköflum sem þarf að taka upp við aðild landsins að ESB.

Annars eru þær lýsignar sem Páll hefur af ESB ekki til, enda er Páll bara að bulla og blekkja þegar það kemur að umræðunni að ESB.

Síðan mæli ég með fréttatilkynningum ESB um hvað er í gerast þar.

[Helga Kristjánsdóttir, 31.3.2010 kl. 04:37]

  Eru menn ennþá hræddir við Davíð?

[Gunnlaugur Ingvarsson (IP-tala skráð) 31.3.2010 kl. 08:54]

Einn sá heittrúaðasti í ESB rétttrúnaðinum Jón Frímann og helsta senditík ESB- trúboðsins á Íslandi sprettur hér uppá á síðunni og andmælir öllu sem lygum og þvælu sem við ESB andstæðingar segjum. Ekki í fyrsta sinn.

Rök með tölum og staðreyndium eða beinar sannanir duga ekki einu sinni til þess að hreyfa við honum eða staðföstum og einbeittum rétttrúnaði hans.  

Það má segja að hann hafi mjög einbeittan brotavilja til þess að skaða þjóð sína eins mikið og hann getur.  

Síðan heldur hann áfram vaðlinum og segir hann að síðuhöfundur sé hlægilegur.

Sjálfur er hann næstum alltaf hlægilegur en nú vill svo til að hann er sprenghlægilegur, sérstaklega þegar hann í lokin mælir með að menn leiti hinns eina stóra sannleika með því að lesa yfir "fréttatilkynningar ESB"

Menn gætu alveg eins leitað "stóra sannleikans" með því að lesa alla leiðara gamla Sovétmálgagnsins PRAVDA frá 1960 til 1980. 

Sem betur fer hefur stærstur hluti þjóðarinnar séð í gegnum ESB lygina og ESB innlimunarsinnar eru nú sem betur fer algerlega einangraður minnihlutahópur.

Þetta stríð þeirra við að troða þjóðinni undir krumlu ESB apparatsins er sem betur fer löngu tapað. 

Það gremst Jóni Frímanni voðalega þess vegna hrópar hann nú að okkur með uppnefnum og rökleysum.  

70% þjóðarinnar eru algerlega andvígir ESB aðild þjóðarinnar, það hefur marg komið fram í endurteknum skoðanakönnunum.

Til hamingju ÍSLAND.

                            ÁFRAM ÍSLAND - EKKERT ESB !