Ríkisstjórnin á öngvan vin

Samtök atvinnulífsins þvo hendur sínar af ríkisstjórninni og Alþýðusambandið heggur til stjórnarinnar. Í skoðanakönnun mælast óvinsældir ríkisstjórnar Jóhönnu Sig. meiri en hrunstjórnar Geirs H. Haarde. Ríkisstjórn með þjóðina og helstu hagsmunasamtök á móti sér er ekki líkleg til að koma málum fram.

Í ljósi þess að efnahagslífið er ekki í jafn djúpum öldudal og óttast var, fjármál ríkisins ögn betri en vonir stóðu til og endurreisn bankanna virðist í höfn er nokkurt afrek af hálfu ríkisstjórnarinnar ná þessum hæðum óvinsælda.

Í meginatriðum eru tvær ástæður fyrir óvinsældum ríkisstjórnarinnar. Í fyrsta lagi tækifærismennska Samfylkingarinnar og í öðru lagi hroki Steingríms J. Tækifærismennskan kemur fram í ESB-umsókninni, sem átti að leysa flest vandamál, og hrokinn í Icesave-málinu þar sem Steingrímur J. hafnaði leið samstöðu og ætlaði að keyra handónýtan samning ofan í kokið á þjóðinni.

Athugasemdir

[Guðmundur 2. Gunnarsson (IP-tala skráð) 27.3.2010 kl. 15:32]

Jóhanna setur nýtt met með að vera sá stjórnmálamaður sem nær að vera ábyrgastur fyrir sennilega 2 verstu og óvínsælustu ríkisstjórnum fyrr og síðar.

Geri aðrir betur.