Arion, siðvit og fjármálalæsi

Ólæsi á fjármál er léttvægur vandi í samanburði við siðleysið sem Arion banki hefur í frammi með því að afskrifa skuldir auðmanna en halda heimilum í heljargreipum. Arion banki veitti Ólafi Ólafs fyrrum aðaleiganda Kaupþings sérstaka þjónustu til að halda Samskipum og sami banki undirbýr að færa Baugsfeðgum verslunareinokun á silfurfati.

Arion neitar hins vegar að upplýsa alþingi hvað bankinn treystir sér til að fella niður af skuldum almennings.

Vandi Arion banka er siðferðið. Bankinn ætti að kaupa námskeið um siðvit handa Finni Sveinbjörnssyni bankastjóra og samverkamönnum hans.

Arion banki styrkir fjármálalæsi

Athugasemdir

[Steini (IP-tala skráð) 16.3.2010 kl. 23:49]

Manni finnst það nú ekki við hæfi eftir allt sem á undan er gengið að siðblindir starfsmenn Arionbanka kenni fjármálalæsi. Það er svona álíka og að fela innbrotsþjófum að reka sunnudagaskóla fyrir börnin.

Svo finnst mér mjög miður að Morgunblaðið skuli taka að sér að auglýsa Apótekarann, sem er í eigu Karls Wernerssonar, eins og Lyf og heilsa.

Apótek, sem heiðvirðir borgarar stíga ekki fæti inn í.

[ÓS (IP-tala skráð) 17.3.2010 kl. 11:59]

Ef ég man rétt þá er fenginn utanaðkomandi aðili til að kenna fjármálalæsi þótt námskeiðið sé á vegum bankans.

Og varðandi Samskip þá myndi ég ekki kalla það sérstaka þjónustu að ,,leyfa" eiganda fyrirtækisins að greiða niður skuldir fyrirtækisins. Er það ekki bara gott mál?